Fínn dómari leiksins hefur flautað hér til leiksloka! Njarðvíkingar fá öll stigin þrjú!

Ef Njarðvíkingar landa þessu þá eru ellefu stig niður í þriðja sætið og fimm umferðir eftir. Það má alveg bóka Njarðvíkinga upp í Lengjudeildina þó að ég efist um að Bjarni Jó muni gera það í viðtali á eftir.

Haukar með skot rétt framhjá. Þetta er ekki komið í hús og það veit Bjarni Jó manna best í boðvangnum og býr sig undir að gera skiptingar til að éta af klukkunni.

Sölvi Björnsson í dauðafæri en missir jafnvægið í teignum.

Gunnar Örvar með bakfallsspyrnu! Framhjá! Það er um að gera að reyna!

Njarðvíkingar komnir í varnargír og ætla að klára að landa stigunum þremur. Haukar ekki að ná að koma sér í ógnandi stöður.

Arnór Pálmi Kristjánsson með skot framhjá markinu.

Kristján Ólafsson í Haukum með skot af löngu færi en talsvert frá því að hitta markið.

Meðan leikurinn er nokkuð rólegur þá notar maður tækifærið og sendir afmæliskveðju. Guðmundur Aðalsteinn Ásgeirsson, stuðningsmaður Hauka og fréttamaður á Fótbolta.net, fær afmæliskveðjur.

Vorum að fá þær upplýsingar að hnéskel Hogg hafi farið úr lið og það sé sjúkrabíll á leiðinni.

Varamaðurinn Sölvi Björnsson með skot eftir skyndisókn Njarðvíkur en Milos Peric ver. Nokkuð oið í báða enda þessa stundina.

ÚFFFFF... Leikurinn stopp. Kenneth Hogg er hérna eitthvað mjög illa meiddur. Börurnar komnar inn og miðað við viðbrögð leikmanna lítur þetta mjög illa út. Það er kallað eftir lækni í stúkunni. Hogg lenti mjög illa og væntanlega búið að hringja eftir sjúkrabíl. Mögulegt fótbrot hér. Batakveðjur á Kenneth Hogg.

Reynir Aðalbjörn með skot sem fer af varnarmanni og í horn. Pressan að þyngjast hjá "gestunum" á þessum hlutlausa velli.

Hvernig fór þessi ekki inn? Eftir darraðadans í vítateig Hauka datt boltinn á Einar Orra sem átti fast skot af stuttu færi en náði ekki að hitta markið.

Einar Orri með skttilraun en laust og beint á Milos.

HAAA??? Eftir ótrúlegan vandræðagang í vörn Hauka og samskiptaleysi við markvörðinn þá nær Oumar Diouck boltanum og á nánast bara eftir að renna honum í tómt markið. Er kominn að endalínu og þarf að koma sér í betri stöðu en missir svo jafnvægið í skotinu og hittir ekki markið. Hólmar Örn sýnir miklar tilfinningar í boðvangnum og öskrar af pirringi yfir því að þetta dauðafæri hafi ekki nýst.

Úrslit þeirra leikja sem voru 18: Magni 1-2 KF Reynir 0-0 ÍR Víkingur Ó. 3-3 Þróttur Völsungur 2-1 Ægir

LEIK LOKIÐ: Völsungur 2-1 Ægir Ég skal segja ykkur það! SVAKALEGA mikilvægur sigur Völsungs. Skoruðu sigurmarkið í uppbótartíma og eru nú fjórum stigum frá Þrótti sem er í öðru sætinu eftir að hafa gert jafntefli í Ólafsvík. Rosaleg umferð í 2. deildinni sem er í gangi.

Jöfnunarmark Njarðvíkinga í myndum. Það var Ari Már Andrésson sem skoraði það.

Reynir Aðalbjörn Ágústsson fær langt tiltal frá Gunnari dómara.

VÁ! Njarðvík svo nálægt því að komast yfir. Einar Orri með skalla naumlega framhjá. Ég hélt að þessi væri á leið inn.

LEIK LOKIÐ: Reynir Sandgerði 0-0 ÍR Ekkert skorað í Sandgerði í kvöld.

Oumar Diouck með slappt skot úr aukaspyrnu yfir. Þetta var aukaspyrna á ákjósanlegum stað.

Völsungur 1-1 Ægir Um 10 mínútur eftir í þessum áhugaverða leik á Húsavík. Gestirnir frá Þorlákshöfn hafa jafnað.

LEIK LOKIÐ: Víkingur Ólafsvík 3-3 Þróttur Búið að flauta til leiksloka á Ólafsvík. Sex marka jafntefli þar.

Það er flott veður fyrir leikinn hér á Hlíðarenda. Eftir leiðindaveðrið í dag og síðustu nótt þá ákváðu veðurguðirnir að sýna boltanum virðingu.

Lipur og flott Sókn Njarðvíkinga. Reynir Aðalbjörn með skot yfir markið eftir sendingu frá Hogg.

Einar Orri Einarsson tekur sig vel út í Valstreyjunni.

Hafliði Breiðfjörð er með myndavélina hér á Hlíðarenda. Hér ver Milos Peric vítaspyrnu Njarðvíkinga. Haukar fengu svo víti hinumegin og brást ekki bogalistin.

Oumar Diouck með skot rétt fyrir utan teig sem fer nokkuð hátt yfir.

Ólafur Darri Sigurjónsson verið ógnandi hjá Haukum síðustu mínútur. Átti fínt skot úr þröngu færi sem Blakala náði að verja.

Marc Mcausland með skalla yfir markið.

Víkingur Ólafsvík 3-3 Þróttur Það er dramatík á Ólafsvík! Þróttarar eru búnir að jafna. Sveiflur.

Víkingur Ólafsvík 3-2 Þróttur 72 mínútur sirka á klukkunni fyrir vestan og Þróttarar hafa minnkað muninn. Tvö efstu lið deildarinnar eru bæði að tapa eins og staðan er.

HAUKAR FÁ VÍTASPYRNU NÚNA!!! Anton Freyr Hauks Guðlaugsson fær vítið. Hárréttur dómur.

Gísli Þröstur Kristjánsson með skot naumlega framhjá. Þarna hefði Haukar getað tekið forystuna. Heimamenn fá svo tvær hornspyrnur í röð.

Oumar Diouck með skot úr aukaspyrnu beint í varnarvegginn, boltinn hrekkur á leikmann Hauka og Diouck mætir á vettvang og brýtur á honum.

Verð að viðurkenna að það er ansi grillað að vera hér í fréttamannastúkunni á Origo vellinum að textalýsa leik Hauka og Njarðvíkinga í Valstreyjum.

Rólegt fyrstu mínúturnar hér á Hlíðarenda. Einar Orri búinn að fá á sig fyrstu aukaspyrnuna í kvöld, ekki sú síðasta.

Víkingur Ólafsvík 3-1 Þróttur Lærisveinar Gauja Þórðar eru í banastuði í kvöld. Sirka 60 mín liðnar af þessum leik. Stefnir í að Þróttarar missi af mikilvægum stigum í toppbaráttunni.

Njarðvíkingar hófu leik. Haukar sækja í átt að Öskjuhlíðinni í fyrri hálfleik í kvöld.

Liðin ganga hér inn á völlinn og Njarðvíkingar eru í hvítum varatreyjum Valsmanna.

Vissir þú að 1 af hverjum 12 körlum og 1 af hverjum 200 konum er litblind?

Litblinda getur haft áhrif á alla sem tengjast fótbolta - áhorfendur, leikmenn, þjálfara, dómara og aðra starfsmenn í kringum leikinn.https://t.co/jHwkVbwO2k#Sýnumlit pic.twitter.com/YNhRUvqZiG

— Knattspyrnusambandið (@footballiceland) May 3, 2021

Ólsarar að vinna Þrótt Var að fá skilaboð frá Ólafsvík þar sem Víkingur Ólafsvík hefur snúið dæminu við gegn Þrótti og er komið 2-1 yfir! Áhugaverð staða fyrir vestan. Andri sólbergsson og Louis Romero með mörk heimamanna.

Hálfleikur í leikjunum sem hófust klukkan 18 Völsungur er víst að vinna Ægi 1-0, er væntanlega kominn hálfleikur á Húsavík. Þá veit ég að Þróttur komst yfir gegn Víkingi Ólafsvík fyrir vestan. Staðan er markalaus hjá Reyni Sandgerði og ÍR en því miður eru engar upplýsingar úr leik Magna og KF.

Búningavandræði Njarðvíkingar mættu með grænu treyjurnar sínar á Hlíðarenda en Gunnar Oddur Hafliðason dómari er litblindur, rautt og grænt fer ekki vel saman þar. Útlit er fyrir að Njarðvíkingar verði að leika í varatreyjum Valsmanna í leiknum í kvöld.

Byrjunarliðin má sjá hér í hliðunum. Magnús Þórir Matthíasson er ekki með Njarðvíkingum þar sem hann tekur út leikbann.

Reynsluboltinn Bjarni Jóhannsson heldur um stjórnartaumana hjá Njarðvík. Það voru fjögur mörk skoruð þega þessi lið áttust við í fyrri umferðinni í Njarðvík, 2-2 jafntefli niðurstaðan. Oumar Diouck skoraði bæði mörk heimamanna en Máni Mar Steinbjörnsson og Fannar Óli Friðleifsson skoruðu fyrir Hauka.

Svona er staðan Njarðvík hefur verið besta lið 2. deildar í sumar, taflan lýgur ekki. Það kom þó hikst nýlega þegar liðið tapaði óvænt tveimur leikjum í röð. Þróttur er í bílstjórasæti í baráttunni um að komast upp en Völsungur og Ægir (sem mætast á Húsavík) eru ekki mjög langt fyrir aftan. Oumar Diock leikmaður Njarðvíkur er markahæsti leikmaður 2. deildarinnar með 14 mörk.

Spilað á Hlíðarenda Haukar, sem eru í fimmta sæti, eiga skráðan heimaleik. Leikurinn fer hinsvegar ekki fram á Ásvöllum heldur á Origo vellinum sem er heimavöllur Vals. Verið er að skipta um gervigras á Ásvöllum og á meðan munu meistaraflokkar Hauka spila í örðum bæjarfélögum. Gert er ráð fyrir að verkinu verði lokið um 24. ágúst. Síðasti heimaleikur Hauka fór fram á OnePlus vellinum á Álftanesi. Leikið er í Reykjavík í kvöld og er það því þriðja bæjarfélagið þar sem heimaleikur Hauka fer fram í sumar. Haukar þekkja ágætlega til á Hlíðarenda því liðið lék heimaleiki sína þar fyrir tólf árum síðan, árið 2010, þegar liðið var síðast í efstu deild. Þá var ekki búið að byggja stúku við heimavöll Hauka. Dómari leiksins er Gunnar Oddur Hafliðason og aðstoðardómarar Tomasz Piotr Zietal og sjálfur Hreinn Magnússon. Eftirlitsmaðu er Þórður Georg Lárusson.

Velkomin með okkur á 2. deildarvaktina! Öll 17. umferðin í 2. deild karla verður leikin í kvöld og við fylgjumst með gangi mála. Kastljósinu verður aðallega beint að leik Hauka og Njarðvíkur sem hefst klukkan 19:15 en við höfum einnig augu á öðrum leikjum. miðvikudagur 17. ágúst 18:00 Reynir S.-ÍR (BLUE-völlurinn) 18:00 Víkingur Ó.-Þróttur R. (Ólafsvíkurvöllur) 18:00 Magni-KF (Grenivíkurvöllur) 18:00 Völsungur-Ægir (PCC völlurinn Húsavík) 19:15 Haukar-Njarðvík (Origo völlurinn) 19:15 KFA-Höttur/Huginn (Fjarðabyggðarhöllin)