Komiði sæl og blessuð, hér eftir 30 mínútur hefst textalýsing beint úr Vestmannaeyjum þar sem eyjamenn taka á móti Grindvíkingum. Grindavík þarf nauðsynlega að fá 3 stig út úr þessum leik, því annars er þetta búið spil hjá þeim í Pepsi deildinni í ár.

2 breytingar eru á liði ÍBV, Þórarinn Ingi dettur út þar sem hann er að taka út leikbann og í stað hans kemur Matt Garner inn,sem var einmitt sjálfur að koma úr leikbanni. Síðan er það Tryggvi Guðmundsson sem vermir bekkinn hjá eyjamönnum og í hans stað kemur Ian nokkur Jeffs inn.

Einnig eru 2 breytingar á liði Grindvíkinga, Loic Ondo og Scott Ramsay detta út úr byrjunarliði fyrir þá Björn Berg Bryde og Hafþór Ægir Vilhjálmsson.

Vallarþulur tók fram í hátalarakerfinu að vallarklukkan hafi einnig orðið fyrir tjóni í óveðrinu sem var hér á dögunum, hún mun ekki virka í dag og þurfa því vallargestir að taka tímann sjálfir.

Leikmenn beggja liða ganga nú inn á völlinn, það blæs vel hér í eyjum...!

Leikurinn er hafinn og eru það eyjamenn sem byrja með boltann !

Lítið að gerast eins og er, vindurinn gerir það að verkum að erfitt er að spila boltanum á milli!

Ennþá lítið sem ekkert að gerast hér, eyjamenn spila á móti vind og halda boltanum ágætlega á vallarhelmingi grindvíkinga.. reyna að skapa sér eitthvað en gengur erfiðlega.

Grindvíkingar eru mikið í því að láta Óskar Pétursson markvörð taka löng útspörk fram til Pape og Ameobi, gengur brösulega þar sem vindurinn er alltof mikill!

Eyjamenn í fínu færi, klafs inn í teignum og boltinn hrekkur út á Ian Jeffs sem bókstaflega rennir sér í boltan og nær skoti sem fer rétt yfir!

Eyjamenn fengur aukaspyrnu hér rétt fyrir utan teig, Guðmundur Þórarinsson tók spyrnuna og átti laglegt skot framhjá varnarvegg grindvíkinga, en þó beint í hendurnar á Óskari í markinu.

Það er kominn hálfleikur hér á Hásteinsvelli í þessari fallegu \'\'blíðu\'\' í eyjum. Eyjamenn 2-0 yfir, eins og staðan er núna þá er Grindavík að fara falla niður í 1.deild. Ekkert er ómögulegt þó, leikurinn er ekki búinn fyrr en hann er búinn. Verðum með seinni hálfleikinn hér innan skamms. Adios!

Komiði sæl og blessuð aftur, seinni hálfleikur hér í eyjum er hafinn og eru það grindvíkingar sem byrja með boltan og spila á móti vind!

Flott sókn hjá eyjamönnum sem endar með því að Christian Olsen nær skoti sem er fast en Óskar ver vel í markinu!

Eins fjörlega og seinni hálfleikurinn fór af stað þá hefur þetta eitthvað róast, grindvíkingar virðast vera líklegri til þess að jafna heldur en eyjamenn að bæta í. Get sagt ykkur það að það er óeðlilega mikill vindur sem ræður því hvernig fótbolti er spilaður hér í dag. Leikmenn beggja liða vs Vindur.

Christian Olsen nær skoti að marki grindvíkinga, eftir misheppnaðan skalla hjá fyrirliðanum Ólafi Erni.. Óskar ver glæsilega í horn. Guðmundur Þórarinsson tók hornspyrnuna og var hún frekar slök, ekkert varð úr þessu.

Pape Mamadou Faye kemst í skotfæri og lætur vaða, en því miður skýtur hann boltanum 50 metra yfir markið!

Sæll vinur, Tonny Mawejje reynir skot af 36 metra færi.. skotið fast og með vind en rétt framhjá!

Tonny enn og aftur, bombar boltanum í Ólaf Örn og fær hornspyrnu! Hornspyrnan léleg og núll að frétta.

Hjalti Kristjánsson læknir og sjúkraþjálfari ÍBV hleypur eins og vindurinn inn á völlinn til þess að huga að Víði Þorvarðarssyni, virtist hafa fengið högg á hausinn!

Uppbótartími hér á Hásteinsvelli.

Leik lokið hér á Hásteinsvelli í leiðinlegu veðri, ágætis fótboltaleikur miðað við aðstæður. Eyjamenn taka 3 stig úr þessum leik og senda Grindavík niður í 1.deild. Á meðan stela eyjamenn 2 sætinu af KR-ingum í bili, en KR eru einmitt að tapa 1-0 fyrir Breiðalblik í þessum töluðu orðum. Takk kærlega fyrir mig og góðanótt! -Jóhann Norðfjörð