Góðan daginn og verið velkomin í textalýsingu úr Frostaskjóli. Hér verður fylgt eftir leik KR og Breiðabliks í 19. umferð Pepsi-deildar karla. KR er í öðru sæti deildarinnar með 31 stig en Breiðablik er í því sjötta með 26 stig.

KR-ingar gera fjórar breytingar á liði sínu frá 1-0 tapleiknum gegn Selfoss í síðustu umferð. Þeir Kjartan Henry Finnbogason, Viktor Bjarki Arnarsson, Guðmundur Reynir Gunnarsson og Atli Sigurjónsson fara út fyrir þá Þorstein Má Ragnarsson, Björn Jónsson, Emil Atlason og Jónas Guðna Sævarsson.

Breiðablik vann góðan 2-4 sigur á Grindavík í síðustu umferð. Ólafur Kristjánsson gerir tvær breytingar frá þeim leik. Gísli Páll Helgason og Finnur Orri Margeirsson koma út og inn fyrir þá koma Englendingurinn Ben Everson og Þórður Steinar Hreiðarsson.

Það er spurning hvernig Rúnar Kristinsson, þjálfari KR, stillir upp liðinu í dag. Enginn eiginlegur vinstri bakvörður er í byrjunarliðinu og því verður fróðlegt að sjá hver verður í þeirri stöðu þegar að Þorvaldur Árnason flautar leikinn á eftir um það bil hálfa klukkustund.

Nú heyrist lagið ,,Hery mína bæn\" með Ellý Vilhjálms. Þá stendur fólk upp í stúkunni um leið og leikmennirnir labba inn á völlinn. Þetta er að byrja.

Leikurinn er hafinn. Aron Bjarki Jósepsson byrjar í vinstri bakverðinum hjá KR. Fyrirliðinn Bjarni Guðjónsson er í miðverði.

Blikar vildu fá vítaspyrnu strax eftir eina mínútu. Kristinn Jónsson féll þá í teignum eftir viðskipti við Aron Bjarka Jósepsson. Þorvaldur Árnason dæmdi samt sem áður ekkert.

Ben Everson í ákjósanlegu færi eftir að Bjarni Guðjónsson hitti ekki boltann í sínum eigin vítateig. Hannes Þór varði skotið sem var ansi laust.

Enginn annar en Grétar Sigfinnur Sigurðarson tók aukaspyrnu rétt fyrir utan vítateig Blika. Spyrnan var góð og endaði hún í þverslánni.

Emil Atlason með magnað skot af hægri kantinum!! Skotið fór í fjærstöngina og Þorsteinn Már náði frákastinu en Ingvar Þór Kale var vel á verði og náði að komast fyrir boltann.

Vítaspyrna dæmd! Rene Troost felldi Þorstein Má Ragnarsson í teignum!

GARY MARTIN KLÚÐRAÐI VÍTINU! Ingvar Þór Kale varði boltann og hélt honum í þokkabót!

Liðin skiptast á að sækja og hafa bæði lið verið að fá nokkur ákjósanleg færi, þó engin dauðafæri fyrir utan vítaspyrnuna sem Gary Martin misnotaði.

KR-ingar nálægt því að komast yfir! Þorsteinn Már var kominn upp að endamörkum, gaf fyrir markið og þar var Þórður Steinar, Bliki, mættur og skaut boltanum rétt framhjá eigin marki.

Boltinn fór upp í samskeytin nær. Boltinn var allan tímann á uppleið og skotið var virkilega fast.... Ekki séns fyrir landsliðsmarkvörðinn í markinu.

Það er kominn hálfleikur hér í Frostaskjólinu. Breiðablik er yfir 1-0. FH-ingar fagna þessu eflaust. Ef leikurinn endar svona á KR ekki tölfrðilega möguleika á titlinum.

Seinni hálfleikurinn er hafinn!

Nichlas Rohde, uppáhálds leikmaður Hödda Magg, slapp einn inn fyrir vörn KR en Hannes Þór sá við honum.