Komiði sæl og verið velkomin í beina textalýsingu frá leik Keflavíkur og Fram í Pepsi-deild karla. Liðin eru klár hér sitthvorum megin við textan. Keflvíkingurinn Jóhann Birnir Guðmundsson tekur út eins leiks bann fyrir rauða spjaldið í síðasta leik gegn FH og Ásgeir Gunnar Ásgeirsson leikmaður Fram tekur út eins leiks bann í dag vegna fjögurra gulra spjalda. Í lið Keflavíkur vantar líka Hilmar Geir Eiðsson og hjá Fram er Hlynur Atli Magnússon ekki meira með í sumar vegna ökklabrots.

Jæja þá er allt komið í gírinn hérna í Sunny-Kef. Nokkrar breytingar eru á liðunum í dag.

Eins og áður segir er Hlynur Atli Magnússon ekki með í dag hjá Fram vegna ökklabrots, þá dettur Denis Cardaklija úr hópnum vegna meiðsla en hinn 18 ára gamli Sigurður Hrannar björnsson kemur inn í hans stað.

Það er ekkert nema ungviður á bekknum þar einnig. Hólmbert Aron (19), Jökull Steinn (18), Gunnar Oddgeir (20), Stefán Birgir (19), Andri Freyr (18) ásamt Sveinbirni Jónassyni, sem er reynsluboltinn á bekknum.

Leikurinn er að fara að hefjast. Dómarinn er að fara að flauta þetta á!

Leikurinn er hafinn!

Sam Hewson með fyrsta skot leiksins, en það er afar slappt.

Framarar sækja á heimamenn. Ómar Jóhannsson ver laglega í tvígang.

Frans Elvarsson í dauðafæri! Fékk stungusendingu inn fyrir, en Ögmundur Kristinsson varði frábærlega í markinu! Vörnin sofandi þarna hjá Frömurum, sem heimamenn hefðu átt að nýta sér en gerðu ekki.

SIGURBERGUR!!! Laglega gert hjá honum. Guðmundur Steinarsson átti sendinguna inn fyrir og Sigurbergur kláraði laglega í fjærhornið!

Sam Tillen með hörkuskot úr aukaspyrnu en Ómar sá við honum. Gestirnir aðeins að sækja í sig veðrið!

ALAN LOWING FÆR RAUTT!! Hann sparkaði Frans Elvarsson niður, klárt rautt spjald.

Áhorfendur á Nettóvellinum eru 713 talsins.

EINAR ORRI MEÐ SKALLA Í SLÁ!! Sigurbergur með laglega fyrirgjöf beint á kollinn á Einari sem skallar í slá. Framarar heppnir að vera ekki tveimur mörkum undir.

Sam Tillen með gott skot af löngu færi, en Ómar ver boltann yfir markið. Hornspyrna.

Hálfleikur! 1-0 fyrir Keflavík. Sanngjarnt, en Framarar hafa þó átt sín færi. Verður erfitt fyrir þá manni færri, en Keflvíkingar halda áfram baráttunni um þriðja sætið.

Síðari hálfleikur er hafinn!

Kristinn Ingi virtist vera þrumaður niður rétt fyrir utan teig, en ekkert dæmt, boltinn var á milli,

Guðmundur Steinarsson með hornspyrnu sem Ögmundur þarf að hafa sig allan í að verja aftur fyrir sig.

SIGURBERGUR MEÐ ANNAÐ MARK!!! Hann fær boltann þarna inni í teignum, heldur honum vel og klárar svo í fjærhornið. Þvílíkur leikur hjá drengnum!

ALLT AÐ GERAST!! EINAR ORRI SKORAR EFTIR SENDINGU FRÁ DENIS!! Það eru svo eftirmálar þar sem Jón Gunnar Eysteinsson er rekinn útaf fyrir að sparka í Denis. Það er allt bókstaflega að gerast!

HÖRÐUR SVEINS STIMPLAR SIG INN!! Hræðilegur varnarleikur hjá Frömurum, Hörður vinnur boltann og skorar í sínum fyrstu snertingum.

JÓHANN RAGNAR MEÐ MARK BEINT ÚR AUKASPYRNU!!! Frábær aukaspyrna sem hann skrúfar í hægra hornið, óverjandi fyrir Ögmund. Þvílíkur leikur hjá heimamönnum.

Leik lokið! 5-0 sigur hjá Keflavík í dag! Viðtöl og umfjöllun innan skamms!