SKÝRSLAN: Víkingar í þriðja sinn í röð í úrslit - Stærsta tap Breiðabliks á heimavelli í sex ár
Hvað réði úrslitum?
Víkingar byrjðu af krafti og áttu fyrsta höggið, annað höggið og rothöggið. Lítið gerðist, þannig lagað, eftir þriðja markið og sigurinn mjög sannfærandi. Víkingar pressuðu hátt og sú pressa og dugnaður manna - í bland við mistök Blika - skiluðu sér í þremur mörkum. Varnarlega lentu Víkingar nær aldrei í vandræðum. 'Leikurinn var nánast búinn áður en hann byrjaði' sagði Óskar þjálfari Blika eftir leik.
Bestu leikmenn
1. Kyle McEkroth
Miðvarðaparið var virkilega öflugt í þessum leik og náðu Blikar ekkert að spila í kringum þá. Besti leikur sem ég hef séð Kyle spila í Víkingstreyjunni.
2. Erlingur Agnarsson
Skoraði tvö mörk, ekki margir sem gera það sem leikmaður útiliðs.
Atvikið
Þriðja markið. Að horfa á leikklukkuna sýna að rúmar nítján mínútur voru búnar af leiknum og staðan orðin 0-3.
Hvað þýða úrslitin?
Víkingur er í þriðja sinn í röð kominn í úrslitaleik Mjólkurbikarsins. Liðið er ríkjandi meistari og vann einnig árið 2019. Það er frábær árangur og liðið mætir annað hvort FH eða KA í úrslitum. Tap Breiðabliks er það fyrsta gegn íslensku liði frá upphafi móts 2021 (0-2 gegn KR). Víkingur er annað útiliðið til þess að vinna á vellinum í sumar - það gerði einnig Istanbul Basaksehir. Þetta er stærsta Breiðabliks á heimavelli síðan í október 2016 (0-3 gegn Fjölni í deild).
Vondur dagur
Uppspil Breiðabliks allan leikinn. Liðið náði varla að skapa sér færi í leiknum sem er mjög óvanalegt. Mikið reynt að senda yfir miðsvæðið þar sem blokkin hjá Víkingum var þétt. Þar voru varnarmenn Víkinga vel á verði og lentu í litlum vandræðum. Hræðileg sending sem kostar þriðja markið.
Dómarinn - 7,5
Fannst Vilhjálmur heilt yfir dæma þennan leik, menn auðvitað missáttir við atvik hér og þar en á að vera þannig í öllum toppleikjum.