Atli Haukur flautar þetta af!

Það er Afturelding sem nær sér í þrjú mjög mikilvæg stig í botnbaráttunni.

Takk fyrir samfylgdina! Viðtöl og skýrsla koma inn í kvöld.

+4

Þetta er að fjara út! KR í sókn og setja boltinn inn á teig en Eva handsamar hann. Líklega síðasti séns KR.

Erum komin inn í uppbótartíma, fengum ekki að sjá hvað hann er mikill.

KR fær aukaspyrnu rétt við miðjuna. Cornelia ætlar að taka hana og setur boltann inn á teiginn.

Boltinn skoppar í gegnum teiginn og í markspyrnu.

Afturelding er í hálfgerðri nauðvörn hérna!

KR að setja boltann inn á teig og allskonar vandræði í gangi þar!

Afturelding búnar að falla langt niður og KR reyna hvað þær geta að koma jöfnunarmarkinu inn!

Veronica með boltann og nálgast teiginn og lætur vaða en boltinn fer í hliðarnetið.

Victoria setur boltann fyrir aftan vörnina á Guðrúnu Elísabetu en sendingin ónákvæm og Cornelia fyrst til boltans.

Leikurinn stöðvaður og Veronica liggur með krampa. Hún fer út fyrir völlinn en virðist tilbúin að koma aftur inn.

Hildur í færi!!

Guðrún Elísabet aftur í svipaðri stöðu en er með Hildi Karítas með sér, leggur boltann til hægri á hana en Cornelia kemur út og lokar vel og ver.

Guðrún Elísabet á sprettinum upp vinstri kantinn, fer aleveg upp að endalínu en nær ekki að koma boltanum fyrir markið.

Úff! Elena reynir fyrirgjöf en boltinn fer beint í andlitið á Ísabellu Söru af mjög stuttu færi. Ísabella liggur eftir.

Hildur Karítas fær boltann inn á miðjunni og fer í skotið en nær ekki nógu miklum krafti í þetta og Cornelia ver.

Marcella sýnist mér eiga skot á markið en boltinn fer yfir markið með viðkomu varnarmanns Aftureldingar. KR á hornspyrnu.

Hannah með skallann úr horninu, yfir markið.

Nú er Rasamee komin inn á teig með boltann og lætur vaða en boltinn fer framhjá markinu. Kraftur í KR þessa stundina.

Hannah!

Prjónar sig í gegnum vörn Aftureldingar og kemst í skot en Eva ver vel.

Hinum megin eru KR-ingar komnir upp völlinn og Lilja Lív á skot sem fer í innkast.

Guðrún Elísabet lætur strax til sín taka! Á góða sendingu á Ísafold sem er í þröngu færi hægra megin og setur boltann rétt framhjá markinu.

Færi!!

Hildur Karítas setur boltann út til hægri á Söru sem kemur boltanum fyrir markið þar sem Kristín Þóra er vel staðsett en nær ekki að stýra boltanum á markið.

Þetta er ekki búið þarna, Anna Pálína á svo fyrirgjöf sem hafnar ofan á þverslánni.

Afturelding í dauðafæri!!

Kristín Þóra með geggjaða sendingu út til hægri á Ísafold sem er komin ein gegn Corneliu sem ver frá henni!

Besta færi leiksins til þessa.

Hannah með góða sendingu í gegn á Gummu en hún er flögguð rangstæð.

Marcella reynir skot úr teignum sem fer framhjá markinu. Hélt í smá stund að þessi væri að fara inn!

Markalaust eftir tíðindalítinn fyrri hálfleik.

Leikurinn ber þess merki að það sé mikið undir, liðin eru þétt til baka og ekki að taka mikla sénsa.

Kristín Þóra með fyrirgjöf sem Hildur Karítas nær að skalla en hún nær ekki að stýra boltanum á markið. Hún er svo dæmd rangstæð.

Hildur reynir að senda Söru Rocu í gegn en Sara er rangstæð. Klaufalegt, Afturelding voru komnar í góða stöðu fremst á vellinum.

Nú sækir Hildur aukaspyrnu fyrir Aftureldingu rétt fyrir utan teig KR. Hún ætlar að taka þetta sjálf.

Hildur reynir skot úr aukaspyrnunni en setur boltann yfir markið.

Hildur Karítas og Brynja lenda í samstuði rétt fyrir utan vítateig KR og Atli Haukur dæmir Hildi brotlega. Hildur ósammála og vildi fá aukaspyrnuna.

Lilja Lív á svakalegum sprett upp hægri vænginn, sækir horn fyrir KR.

Afturelding fær enn eina hornspyrnuna.

Sigrún Eva setur boltann á fjær en ekkert kemur út úr þessu.

Marcella með fast skot fyrir utan teig, framhjá markinu.

KR í álitlegri sókn. Rasamee með boltann og kemur að teignum og setur hann út á Marcellu sem reynir að koma boltanum fyrir markið en Afturelding kemur þessu frá.

Gumma við það að sleppa ein í gegn en Eva Ýr kemur út úr teignum og er rétt á undan henni í boltann og hreinsar.

KR fær hornspyrnu. Ekkert kemur út úr henni.

Veronica með þvílíkan sprett upp völlinn, hefði getað farið lengra sjálf en reynir sendingu inn á miðjuna sem fer beint á Rasamee.

KR fær horn. Þeirra fyrsta í leiknum.

Afturelding heldur áfram að fá horn.

Sigrún Gunndís rís hæst í teignum og nær góðum skalla rétt yfir markið!

Afturelding fær horn.

Allskonar vandræði í teignum og Corneliu gengur illa að ná til boltans en þær koma þessu frá.

Gumma með skot rétt fyrir utan teig en Eva Ýr í engum vandræðum með þetta.

Afturelding fær fyrstu hornspyrnu leiksins.

Hornspyrnan tekin utarlega í teiginn og þar reynir Ísafold skot sem fer framhjá markið.

Marcella keyrir upp hægra megin og kemur boltanum fyrir markið en þar vantar KR-ing til að koma skoti á markið.

Ísafold með skot langt fyrir utan teig sem fer framhjá markinu. Cornelia var framarlega í markinnu, ekki galin tilraun!

Afturelding fær aukaspyrnu úti hægra megin. Sigrún Eva með hættulega fyrirgjöf fyrir markið og það er smá vesen í teig KR en þær koma þessu frá að lokum.

Það eru KR-ingar sem hefja leik og sækja í átt að íþróttamiðstöðinni.

Byrjunarliðin

Afturelding gerir þrjár breytingar á byrjunarliðinu eftir 7-1 tapið gegn STjörnunni í síðustu umferð. Anna Pálína, Sigrún Eva og Sara Roca koma inn fyrir Guðrúnu Elísabetu, Katrínu Rut Kvaran og Eyrúnu Völu.

Það eru engar breytingar á KR liðinu sem tapaði 6-0 fyrir Val.

Sonný Lára Þráinsdóttir, fyrrum landsliðsmarkvörður spáði í leiki 15. umferðarinnar.

Svona lítur spáin hennar út fyrir þennan leik:

Afturelding 2 - 1 KR
Alvöru botnbaráttu slagur í Mosó á þriðjudag, Afturelding hefur verið að spila mun betur en KR í sumar. Varnaleikur KR hefur verið slakur í sumar og held það verði engin breyting þar á og tel að Afturelding verði betri aðilinn í þessum leik og vinni 2-1, nái í þrjú mjög mikilvæg stig sem gefur þeim von um að geta haldið sig uppi í deild þeirra bestu.


Sonný Lára

Fótbolti.net greindi frá því á föstudaginn að Arnar Páll muni hætta sem þjálfari KR eftir tímabilið og óvíst sé hvort Harrington verði áfram. Arnar var spurður út í þetta í viðtali eftir leik.

Ég get tjáð mig um mín mál. Ég fékk tilkynningu um að það yrðu breytingar í meistaraflokki, ég yrði ekki áfram. Ég er líka að þjálfa í yngri flokkunum, en eftir þetta tók ég ákvörðun um að hætta alfarið í félaginu þegar tímabilið klárast," sagði Arnar.

Ég fékk enga ástæðu fyrir þessu, ekki neitt. Ég átti samtal við mann í félaginu - sem stjórnar svo sem ekki þessum breytingum - en þeir sem stjórna þeim hafa ekki talað við mig."

Viðtalið er hægt að sjá hér.

KR liðið er búið að eiga sérstakt sumar að því leytinu til að ansi langt hefur liðið á milli leikja hjá þeim og var leikurinn á föstudaginn gegn Val þeirra þriðji á 80 dögum.

Arnar Páll, annar þjálfara KR og Guðmunda Brynja leikmaður KR hafa gagnrýnt KSÍ og má lesa meira um málið hér.

Atli Haukur Arnarsson verður með flautuna í kvöld og honum til aðstoðar verða Hreinn Magnússon og Arnþór Helgi Gíslason.
Eftirlitsmaður er Jón Sveinsson.

Fyrri viðureignin

Liðin mættust í fyrri umferðinni þann 23. maí þar sem KR fór með 1-0 sigur.

Marcella Marie Barberic skoraði sigurmarkið á 88. mínútu leiksins.




Úr fyrri leiknum

Staðan í deildinni og síðustu leikir

Afturelding
Heimakonur sitja í 9. sæti deildarinnar með 9 stig, fjórum stigum frá Þór/KA. Með sigri í kvöld ná þær að þrýsta sér nær öruggu sæti en tapi þær fara þær niður í neðsta sætið. Þær koma inn í þennan leik með tvo tapleiki á bakinu.

Afturelding hefur unnið þrjá leiki í sumar og tapað 11.

Síðasti leikur þeirra var 23. ágúst gegn Stjörnunni þar sem þær steinláu 7-1. Eyrún Vala kom Aftureldingu yfir á 5. mínútu leiksins en það dugði skammt.

KR
KR er í neðsta sæti deildarinnar með 7 stig, tveimur stigum frá Aftureldingu og sex stigum frá öruggu sæti. KR hefur tapað síðustu fjórum leikjum í deildinni, en síðasti sigurleikur þeirra kom 19. júní á móti Keflavík.

KR hefur unnið tvo leiki í sumar, gert eitt jafntefli og tapað 11.

Síðasti leikur þeirra var á föstudaginn þar sem þær töpuðu 6-0 fyrir Val.

Gott kvöld!

Verið velkomin með okkur á Malbikstöðina að Varmá þar sem Afturelding og KR mætast í sannkölluðum botnbaráttuslag í Bestu deild kvenna.

Bæði lið þurfa nauðsynlega á sigri að halda en tvö stig skilja liðin af sem sitja í tveimur neðstu sætum deildarinnar. Mikið undir hér í Mosfellsbænum í kvöld.

Leikurinn hefst kl. 19:15!