SKÝRSLAN: Breiðablik aftur á sigurbraut
Hvað réði úrslitum?
Breiðablik kláruði sín færi en Valsmenn gerðu það ekki. Valsmenn fengu færin til að komast inn í leikinn og jafnvel stela honum en það voru Blikar sem nýttu færin.
Bestu leikmenn
1. Anton Logi Lúðvíksson
Var frábær í liði Breiðabliks og steig varla feilspor. Virkilega vont fyrir Blika að missa hann meiddan af velli og vonandi sjáum við hann aftur úti á velli sem fyrst.
2. Viktor Örn Margeirsson
Var flottur í öftustu línu Blika sem voru þéttir fyrir og gáfu fá færi á sér.
Atvikið
Fyrsta mark leiksins. Valsmenn vilja fá hendi á Anton Ara sem kemur vel út á móti og stöðvar Tryggva Hrafn sem hefði annars veri sloppinn einn innfyrir og Blikar keyra upp hinumeginn og skora.
Hvað þýða úrslitin?
Íslandsmeistararnir eru komnir á blað í Bestu deildinni. Eftir tvær umferðir hafa bæði Valur og Breiðablik 3 stig.
Vondur dagur
Sóknarlína Valsmanna mætti ekki vel stillt til leiks. Voru oft að komast í ákjósanlegar stöður en náðu sjaldan að gera eitthvað úr sínum sóknaraðgerðum og virtist fyrirmunað að hitta á markið.
Dómarinn - 9
Frábær í dag ásamt sínu teymi. Réði fullkomnlega við verkefnið og var ekki að láta veiða sig í neinar gildrur. Mögulega spurning hvort liturinn á spjaldinu hans Arons Jó hafi verið réttur svona miðað við regluverkið en frábærlega dæmdur leikur.