SKÝRSLAN: Blikar komnir í 16-liða úrslit eftir alvöru leik í Egilshöllinni
Hvað réði úrslitum?
Blikar sýndu gæðin í teig andstæðinganna í dag og að þeir refsa liðum ef þú klárar ekki færin þín, Fjölnir fengu mörg góð færi en nýttu þau ekki og Blikarnir tóku sína sénsa vel og refsuðu. Blikar heillt yfir betri með meiri tök á leiknum.
Bestu leikmenn
1. Brynjar Atli Bragason
Leysti Anton af í dag og varði mjög vel tvisvar frá Hákoni Inga, einu sinni í fyrri og einu sinni í fyrri og þetta eru svo mikilvægt moment sem hann er að verja því mark frá Fjölni sérstaklega í seinni hálfleik hefði getað hleypt leiknum í vitleysu en Brynjar kom í veg fyrir það í dag.
2. Ágúst Orri Þorsteinsson
Tók smá tíma fyrir þennan unga leikmann að vinna sig inn í leikinn en í síðari hálfleik fannst mér hann vera besti maður vallarins, skorar mikilvægt mark fyrir Blika og var frábær á boltanum. Rosalega efnilegur leikmaður sem á framtíðina fyrir sér.
Atvikið
Fjölnismenn vildu vítaspyrnu þegar að um 10 mínútur voru eftir af leiknum þegar að Bjarni Hafstein fór niður í teignum. Sýndist Aðalbjörn gera rétt og dæma markspyrnu en víti þarna hefði hleypt alvöru spennu í leikinn
Hvað þýða úrslitin?
Blikar komnir áfram í 16-liða og Fjölnismenn setja focus-inn á Lengjudeildina
Vondur dagur
Ef ég þarf að velja einhvern þá líklega Sigurjón Daði hjá Fjölni, þetta voru svo skrítin mörk sem hann fær á sig, skot af 25 metrum sem lekur inn, svo einhvað samskiptaleysis klúður í seinna markinu sem verður til þess að Ágúst Orri skorar í autt markið. Pirrandi mörk fyrir Grjóna að fá á sig sem hefði verið hægt að koma í veg fyrir en Grjóni er ungur og efnilegur markmaður og mun eiga flott sumar, það er 100%
Dómarinn - 7,5
Aðalbjörn var með stóru hlutverkin á lás í dag, spjaldaði menn réttilega og var ekki að gefa einhverjar vítaspyrnur þótt menn fóru niður í teignum