SKÝRSLAN: HK skoruðu 5 mörk gegn KFG
Hvað réði úrslitum?
Leikurinn var frekar jafn í fyrri hálfleik en annað mark Atla Þórs Jónassonar kom á fullkomnum tíma fyrir HK-inga rétt fyrir hálfleik og þá var brekkan orðin of brött fyrir KFG.
Í síðari hálfleik var komin mikil þreyta í KFG liðið og HK skoraði 3.
Bestu leikmenn
1. Atli Þór Jónasson
Atli Þór skoraði tvö mörk og átti tvær stoðsendingar, hann skapaði mikið fyrir aðra ásamt því að skora tvö.
2. Hassan Jalloh
Hassan kveikti á sér í síðari hálfleik og skoraði tvö frábær mörk ásamt því að vera alltaf ógnandi þegar hann fékk boltann.
Atvikið
Ívar Orri Gissurason kom inná og skoraði u.þ.b 20 sekúndum eftir að hann kom inná, alvöru innkoma.
Hvað þýða úrslitin?
HK verður í pottinum þegar dregið verður í 16-liða úrslit Mjólkurbikarsins.
Vondur dagur
Ólafur Bjarni komst í afbragðsfæri í stöðunni 1-0 og hefði getað jafnað metin en Arnar Freyr varði vel.
Við hefðum fengið allt öðruvísi leik hefði Ólafur Bjarni skorað úr þessu færi.
Dómarinn - 7
Ekkert út á Reyni Inga og aðstoðarmenn hans að setja.