Þetta fer að bresta á Liðin búin að stilla sér upp í myndatöku og líka stilla sér upp saman.

Byrjunarliðin klár Búið er að opinbera byrjunarliðin fyrir þennan leik og er ekkert rosalega mikið sem kemur á óvart. Fanney Inga Birkisdóttir, markvörður U19 landsliðsins, er í markinu hjá Val og tekur stöðu Söndru Sigurðardóttur sem er hætt í fótbolta.

Ísabella Sara Tryggvadóttir, sem er einnig í U19 landsliðinu, byrjar einnig hjá Val en hún var keypt frá KR á dögunum.

Jamia Fields, nýr leikmaður Vals, byrjar á bekknum eins og Haley Lanier Berg sem var fengin til félagsins fyrir tímabil.

Hjá Breiðabliki byrjar Katrín Ásbjörnsdóttir, sem var fengin frá Stjörnunni í vetur, á bekknum en hún er að koma til baka eftir meiðsli. Hafrún Rakel Halldórsdóttir er ekki í leikmannahópi Breiðabliks í þessum fyrsta leik.

Spámaður umferðarinnar! Fyrrum landsliðskonan Sigríður Lára Garðarsdóttir spáir í spilin fyrir fyrstu umferð deildarinnar.

Valur 2 – 2 Breiðablik
Stórleikur umferðarinnar. Bæði lið spila flottan fótbolta og mikil gæði í leiknum. Markaleikur og bæði lið þurfa að sætta sig við eitt stig.

Dómarateymið! Það verður Vilhjálmur Alvar Þórarinsson sem heldur utan um flautuna hér í kvöld og honum til aðstoðar verða þeir Guðmundur Valgeirsson og Hreinn Magnússon.

Varadómarinn í kvöld ef eitthvað skyldi útaf bregða er Reynir Ingi Finnsson og þá kemur það í hlut Ólafs Inga Guðmundssonar að hafa eftirlit með gangi mála.

Innbyrðis viðureignir Félögin hafa mæst 149 sinnum í öllum keppnum á vegum KSÍ og er mikið jafnræði meðal liðana.

Vals sigrar: 63 (42%)
Jafntefli: 22 (15%)
Breiðablik sigrar: 64 (43%)

Síðasti sigur Vals: Úrslitaleikur Mjólkurbikarsins 2022
Síðasta jafnteflið: Besta deild kvenna 2022
Síðasti sigur Breiðabliks: Undanúrslit Mjólkurbikarsins 2021

Valur Sérfræðingar Fótbolta.net spá því að Valur muni enda í þriðja sæti Bestu deildar kvenna í sumar.

Komnar
Arna Eiríksdóttir frá Þór/KA (var á láni)
Birta Guðlaugsdóttir frá Stjörnunni
Guðrún Elísabet Björgvinsdóttir frá Aftureldingu
Haley Lanier Berg frá Danmörku
Hanna Kallmaier frá ÍBV
Hildur Björk Búadóttir frá HK (var á láni)
Ísabella Sara Tryggvadóttir frá KR
Kelly Rowswell frá Bandaríkjunum
Rebekka Sverrisdóttir frá KR

Farnar
Aldís Guðlaugsdóttir í FH
Auður Sveinbjörnsdóttir Scheving í Stjörnuna
Ásgerður Stefanía Baldursdóttir hætt
Brookelynn Paige Entz til HK
Cyera Makenzie Hintzen til Ástralíu
Elín Metta Jensen hætt
Mikaela Nótt Pétursdóttir í Breiðablik (var á láni frá Haukum)
Mist Edvardsdóttir hætt
Mariana Sofía Speckmaier
Sandra Sigurðardóttir hætt
Sigríður Theód. Guðmundsdóttir til Selfoss (á láni)
Sólveig Jóhannesdóttir Larsen til Svíþjóðar

Breiðablik Sérfræðingar Fótbolta.net spá því að Breiðablik muni enda í öðru sæti Bestu deildar kvenna í sumar eftir vonbrigðartímabil í fyrra.

Komnar
Andrea Rut Bjarnadóttir frá Þrótti
Elín Helena Karlsdóttir frá Keflavík (var á láni)
Hildur Lilja Ágústsdóttir frá KR (var á láni)
Katrín Ásbjörnsdóttir frá Stjörnunni
Mikaela Nótt Pétursdóttir frá Haukum
Toni Pressley frá Bandaríkjunum

Farnar
Anna Petryk til Úkraínu
Alexandra Soree til Bandaríkjanna
Birna Kristín Björnsdóttir í FH (á láni)
Eva Nichole Persson til Svíþjóðar
Heiðdís Lillýardóttir til Basel
Karen María Sigurgeirsdóttir til Þórs/KA (á láni)
Kristjana Sigurz í ÍBV
Laufey Harpa Halldórsdóttir í Tindastól (á láni)
Melina Ayres til Ástralíu
Mikaela Nótt Pétursdóttir til Keflavíkur (á láni)
Natasha Anasi til Noregs

Stórleikur í fyrstu umferð! Það er sannkallaður stórleikur strax í fyrstu umferð en Valur og Breiðablik hafa verið í einstakri baráttu síðustu ár um Íslandsmeistaratitilinn.
Þá mættust þessi lið einnig í úrslitum Mjólkurbikarsins á síðasta tímabili þar sem Valskonur höfðu betur.

Heil og sæl lesendur góðir! Verið hjartanlega velkominn í þessa þráðbeinu textalýsingu frá Origo Vellinum á Hlíðarenda þar sem leikur Valskvenna og Breiðabliks fer fram nú þegar Besta deild kvenna hefur göngu sína.