Öruggur sigur Víkinga staðreynd en þeir hafa nú fengið á sig mark í deildinni en eru enn með fullt hús stiga.

Viðtöl og skýrsla væntanleg.

Uppbótartími er að minnsta kosti þrjár mínútur.

Helgi aftur að ógna en i þetta sinn í varnarmann og Keflvíkingar hreinsa.

Helgi Guðjónsson með gott hlaup inn á teiginn eftir sendingu frá Gunnari en þrengir færið um of og Mathias lokar á hann.

Keflavík með ágæta sóknarlotu sem endar með skoti frá Sindra Snæ. Hann hittir boltann ekki vel og skotið hátt yfir markið.

Birnir farinn af velli eftir virkilega gott dagsverk. Komst ekki á blað í dag en hann átti stóran þátt í öllum fjórum mörkum Víkinga til þessa.

Frans Elvarsson með skot af talsverðu færi sem fer af varnarmanni og afturfyrir.

Logi Tómasson i hörkufæri eftir snögga sókn Víkinga en skot hans yfir.

Eins og svo oft áður í dag var það Birnir Snær sem hóf þessa sókn af alvðru.

Víkingar í allskonar veseni baka til.

Fyrirgjöf frá hægri dettur niður í markteignum þar sem bæði Sami og Jordan gera heiðarlega tilraun til að skora en Víkingar koma boltanum frá.

Birnir Snær sem hefur fært sig yfir á hægri vænginn með boltann fyrir markið. Dani mætir en skot hans slakt og yfir markið.

Birnir Snær með boltann úti til vinstri, tekur nokkur skæri og smellir honum svo fyrir markið þar sem bæði Matthías og Gunnar eiga möguleika á að ná til boltans en báðir skrefinu of seinir og hættan líður hjá.

Víkingar sækja hratt. Viktor með boltann upp í horni til hægri reynir fyrirgjöf en boltinn af Frans og afturfyrir.

Pablo með hornið en Mathias grípur inní.

Gunnar Vatnhamar fyrstur á boltann eftir hornið en skalli hans í varnamann.

Birnir Snær í hörkufæri í teignum en Mathias ver frábærlega í horn.

Matthías sýnist mér fara beint í stöðuna hans Niko á toppnum.

Flautað til hálfleiks.

Víkingar leiða og erfitt að segja annað en að það sé sanngjarnt. Þeir hafa þó heldur gefið eftir er leið á þennan fyrri hálfleik og hleypt gestunum meira inn í leikinn.

Komum aftur með síðari hálfleik að vörmu spori.

Birnir Snær með boltann fyrir markið en gestirnir koma boltanum í horn.

Uppbótartíminn gefinn upp tvær mínútur.

Sindri Snær með stórhættulegann bolta fyrir markið frá vinstri sem Ingvar slær frá.

Víkingar verið "sloppy" síðustu mínútur og hleypt gestunum betur og betur inn í leikinn.

Víkingar vinna boltann hátt á vellinum, Birnir með boltann við teiginn reynir að finna Niko í teignum en sendingin of föst og Mathias fyrstur á boltann.

Gestirnir að ná ágætis kafla hér með boltann en hafi lítið ógnað fyrir því.

Langur bolti inn á teiginn sem Ingvar hirðir áður en Smylie kemst í hann.

Víkingar sækja, uppskera horn.

Heimamenn verið mun beinskeyttari hér.

Sá spænski er nagli og stendur upp og virðist vera nokkuð heill.

Viktor Örlygur við það að spóla sig í gegnum alla vörn Keflavíkur en Nacho bjargar með góðri tæklingu á síðustu stundu.

Og virðist hafa meitt sig í kjölfarið. Hvort að Viktor hafi hreinlega stigið óvart á hann er hann reynir að fara framhjá honum. En Nacho steinliggur og virðist nokkuð þjáður.

Illa farið með góða stöðu. Erlingur fer illa með Guðjón úti til hægri og kemst inn á teiginn. Fær snertingu á bakið og fer niður en Jóhann ekki á því að um brot er að ræða. Og ég er satt að segja sammála honum.

Víkingar sækja sína fyrstu hornspyrnu.

Birnir Snær aftur að ógna. Með hörkuskot úr D-boganum og gott ef boltinn var ekki enn nær samskeytunum en fyrra skot hans í leiknum.

Keflavík nær smá pressu upp eftir fast leiktatriði en Smylie lætur grípa sig í landhelgi og rangstæða dæmd.

Pablo vinnur boltann ofarlega á vellinum og kemur honum upp í hornið hægra megin á Karl Friðleif. Karl með boltann fyrir markið sem dettur fyrir fætur Helga nánast á markteig sem hittir boltann afar illa og setur hann framhjá markinu.

Víkingar farnir að banka fastar.

Fær boltann úti til vinstri i teignum frá Erlingi að mér sýnist, leikur aðeins inn á völlinn og reynir að snúa boltann í fjærhornið en boltinn hárfínt framhjá samskeytunum.

Gunnar Vatnhamar tapar boltanum á hættulegum stað og sleppir Sami Kamel í gegn. Daninn í dauðafæri en Ingvar mætir vel út á móti og ver vel.

Pablo með boltann fyrir markið og finnur Oliver aleinan í teignum. Skalli hans hins vegar yfir markið úr upplögðu tækifæri.

Birnir Snær með laglega takta og keyrir í átt að marki. Tekinn niður um 30 metra frá merki og aukaspyrna dæmd.

Skot ólíklegt.

Mathias Rosenörn að finna sinn innri Messi og leika á sóknarmenn Víkinga í pressunni. Stálheppinn en kemst upp með að leika framhjá tveimur.

Það er byrjað að rigna duglega í Víkinni.

Gerir leikinn vonandi bara skemmtilegri.

Erlingur stingur Guðjón Pétur nánast af á sprettinum en Nacho vel á verði og kemur fyrirgjöf hans frá.

Þetta er farið af stað. Það eru gestirnir sem hefja hér leik.

Þetta fer að bresta á. Vonumst að sjálfsögðu eftir skemmtilegum og spennandi leik.

Borgarinn og spekingarnir hér í Víkinni gleðja og urðu til þess að ég steingleymdi að setja liðsfærsluna hér inn tímanlega.

Bæði lið gera fjórar breytingar á liði sínu frá síðasta leik. Til að stikla á stóru eru fréttirnar þær að Erlingur Agnarsson er mættur aftur í byrjunarlið Víkinga eftir meiðsli. Annað getum við flokkað undir eðlilega róteringu hjá Arnari til að halda mönnum ferskum enda spilað þétt þessa stundina.

Hjá Keflavík er eitthvað um meiðsli. Ásgeir Páll þurfti að yfirgefa völlinn gegn ÍBV vegna meiðsla og er ekki með í dag. Þa er Stefán Ljubicic ekki með heldur en það er gleðiefni fyrir Keflvíkinga að Frans Elvarsson er leikfær og byrjar í dag.

Átján sinnum hafa liðin mæst innbyrðis í A-deild frá aldamótum. Tíu sinnum hafa Víkingar haft sigur, Keflavík hefur unnið sex leiki og tveimur leikjum hefur lokið með jafntefli. Markatalan í viðureignum liðana er svo 36-19 Víkingum í vil.

Þó aðeins muni fjórum sigrum á liðunum frá aldamótum er langt í frá öll sagan sögð þar. Víkingar hafa unnið átta viðureignir í röð eða allt frá lokaumferð tímabilsins 2014 þegar Keflavík hafði 2-0 sigur á heimavelli. Í þokkabót hafa Víkingar gert 25 mörk í þessum átta sigrum gegn aðeins 4 Keflvíkinga. Það má því lesa úr þessu að tölfræðin sé alls ekki á bandi Keflavíkur fyrir kvöldið. En leikurinn hefur nú reyndar aldrei verið spilaður á pappír svo þegar út í alvöruna er komið skiptir það engu.

Nú er komið að Patrik Atlasyni, sem flestir þekkja sem tónlistarmanninn prettyboitjokko eftir að samnefnt lag var gefið út fyrr á árinu að spá fyrir um úrslit fyrir okkur.

Víkingur - Keflavík 3 - 0

Það er HITIII á Luigi þessa dagana, enda að gefa út lagið HITIII Á KlÚBBUM 05.05. Og jú, hann er vissulega PBT, þannig 3-0.

Jóhann Ingi Jónsson er dómari leiksins. Honum til aðstoðar eru þau Eðvarð Eðvarðsson og Rúna Kristín Stefánsdóttir. Elías Ingi Árnason er fjórði dómari og eftirlitsmaður KSÍ er Kristinn Jakobsson.

Víkingar hafa farið liða best af stað þetta sumarið og sitja í efsta sæti deildarinnar með fullt hús stiga eftir fjóra sigurleiki. Þeir eru jafnframt eina lið deildarinnar sem enn hefur ekki fengið á sig mark og er markatalan úr þessum fjórum leikjum 8-0.

Markaskorun liðsins hefur dreifst vel en sex leikmenn hafa skorað mörkin átta sem liðið hefur sett á andstæðinga sína til þessa og sumir myndu því jafnvel segja að Víkingar eigi ýmislegt inni sóknarlega. Síðast mætti liðið KA hér í Víkinni og hafði þar 1-0 sigur en sigurmark Víkingar gerði Gunnar Vatnhamar undir lok leiks.

Gestirnir úr Bítlabænum hafa heldur gefið eftir eftir sigur í fyrsta leik. Tvö töp á heimavelli gegn KR og ÍBV hafa fylgt í deildinni en í millitíðinni gerði liðið þó ágæta ferð norður á Akureyri og gerði þar markalaust jafntefli við KR.

Eitthvað hefur verið um hnjask í leikmannahópi Keflavíkur og hafa til að mynda fyrirliðinn Magnús Þór Magnússon og miðjumaðurinn reyndi Frans Elvarsson verið frá vegna meiðsla að undanförnu. Sigurður Ragnar Eyjólfsson þjálfari Keflavíkur átti þó von á að það færi að styttast í þá til baka og til að mynda væri Frans aðeins byrjaður að æfa fyrir síðasta leik liðsins gegn ÍBV þó hann hafi ekki verið orðinn leikfær þá.

Heil og sæl kæru lesendur og verið velkomin í þessa í beina textalýsingu Fótbolta.net frá Heimavelli hamingjunnar þar sem heimamenn í Víkingi taka á móti Keflavík í fimmtu umferð Bestu deildar karla í knattspyrnu.