Jöfnum og spennandi leik lokið hér á Olísvellinum á Ísafirði. Það var aldrei dauð stund og skiptust bæði lið á að sækja. Undir lokinn lágu heimamenn til baka og beittu skyndisóknum enda einum manni færri.

Skagamenn fá hornspyrnu sem endar með að Viktor skallar yfir.

Deniz Yaldir með krampa og Arnór Smárason kallar Skagamenn til liðsfundar á miðjunni meðan það er hlúð að Yaldir.

Rafael með góða vörslu. Steinar með fyrirgjöf sem endar hjá Arnleifi sem er með ágætis skot. Steinar búinn að vera öflugur síðan hann kom inn á.

Rosalegt færi hjá Skagamönnum. Rafael fer í skógarhlaup og fær boltann yfir sig. Steinar móttekur boltann einn og óvaldaður í teignum og rennir honum fyrir en þar er enginn Skagamaður og Vestri hreinsar boltann í burtu.

Vestramenn með stutta hornspyrnu Mikkel með góða sendingu fyrir en Nacho nær ekki til boltans. Árni kýlir hann í burtu.

Arnór Smárason með frábæra sendingu yfir allan völlinn á Arnleif sem rekur hann að endamörkum og setur hann fyrir. Vestramenn heppnir.

Mikkel með annað hættulegt skot sem endar framhjá.

Vestri í stórhættulegri sókn boltinn virðist fara yfir línuna. Mikkel skýtur á markið og Árni Marinó virðist missa hann inn.

Fyrri hálfleikur nokkuð fjörugur. Bæði lið skiptust á að sækja og skapa sér hættuleg færi. Töluverður hiti og barátta er í leiknum og bæði lið einbeitt að sækja til sigurs.

Heimamenn hættulegir. Mikkel kominn inn á teig, Johannes Vall kemst fyrir og hreinsar.

Fatai leikmaður Vestra tekinn niður. Dómari leiksins leyfir leiknum að halda áfram sem endar með hættulegri fyrirgjöf Jóns Gísla. Eftir það virðist leikurinn leysast upp í vitleysu. Hlynur Sævar liggur niðri heldur um kviðinn.

OZ virðist ekki ná að streyma útsendingunni og stefnir ekki í að það náist.

Stórhættuleg sókn Vestra. Deniz Yaldir sloppinn í gegn en Hlynur rennir sér fyrir hann og bjargar málunum.

Fyrstu 15 búnar að vera nokkuð fjörugar bæði lið skiptast á að sækja í bland við nokkur kröftug einvígi. Skagamenn búnir að fá tvær aukaspyrnur á álitlegum stöðum en Vestramenn búnir að eiga nokkra hættulegar fyrirgjafir.

Önnur hornspyrna Skagamanna

Bæði lið skiptast á að sækja og gefa ekki tommu eftir.

Heimamenn með ágætis færi sem endar með því að Morten skýtur yfir.

Þetta er byrjað! Gestirnir byrja með boltann.

Spámaður umferðarinnar á Fótbolta.net er Aron Jóhannsson leikmaður Fram. Vestri 2 - 1 ÍA Hátt, langt, tæklingar, öskur og læti. Allir sem elska gamla skólann verða að horfa á þennan. ÍA brenndi sig á því að reyna að spila boltanum á ónýtum velli í fyrstu umferð, því verður kastað út um gluggann á leiðinni vestur því þeir eru að fara mæta særðu liði Davíðs Smára og þú mætir ekki með eitthvað fancy kjaftæði þangað. Aron Jóhannsson.

Liðin mættust í Lengjubikarnum 11. febrúar síðastliðinn í mögnuðum leik í Akraneshöllinni. Vestri komst í 0 - 3 og þannig var staðan í hálfleik en ÍA sneri leiknum sér í vil og vann 4 - 3. Það urðu þó ekki endanleg úrslit því Fatai Gbadamosi sem spilaði með Vestra í leiknum hafði ekki fengið félagaskipti frá Kórdrengjum og því ólöglegur í leiknum. ÍA var því dæmdur 3 - 0 sigur. ÍA 4-3 Vestri 0-1 Benedikt Warén ('13) 0-2 Vladimir Tufegdzic ('21) 0-3 Benedikt Warén ('44) 1-3 Viktor Jónsson ('58) 2-3 Haukur Andri Haraldsson ('63) 3-3 Viktor Jónsson ('71) 4-3 Gísli Laxdal Unnarsson ('85)

Fyrir leikinn í dag eru Vestri og ÍA einu tvö liðin sem eru stigalaus í deildinni í sumar. Heimamenn í vestra hófu leik í Boganum á Akureyri fyrir viku síðan og töpuðu þar 2 - 1 fyrir Þór. Skagamenn fengu Grindavík í heimsókn fyrir rétt rúmri viku og töpuðu þar 2 - 0. Það er því ljóst að annað liðið, eða bæði, fær sín fyrstu stig í sumar.

Arnar Ingi Ingvarsson dæmir leikinn í dag. Hann er með þá Daníel Inga Þórisson og Guðna Frey Ingvarsson sér til aðstoðar á línunum. Enginn skiltadómari er í dag en KSÍ sendi Frosta Viðar Gunnarsson í leikinn til að hafa eftirlit með umgjörð og störfum dómara. Arnar Ingi dæmir í dag.

Góðan daginn og verið velkomin í beina textalýsingu frá Olísvellinum á Ísafirði. Hér mætast Vestri og ÍA í 2. umferð Lengjudeildar karla klukkan 14:00 í dag.