SKÝRSLAN: Frækinn Þróttarasigur á sólríku sumarkvöldi
Hvað réði úrslitum?
Þróttarar tóku bara yfir leikinn í seinni hálfleiknum á meðan Valskonur reyndu að verja stöðu sína. Heimakonur voru með meiri breidd í sínum leikmannahópi í kvöld og það reyndist þeim vel því varamenn þeirra komu frábærlega inn í leikinn.
Bestu leikmenn
1. Katie Cousins (Þróttur R.)
Listakonan á miðjunni. Á risastóran þátt í fyrra markinu en hún var frábær í seinni hálfleiknum og dreif liðið sitt áfram.
2. Sæunn Björnsdóttir (Þróttur R.)
Skoraði sigurmarkið og var spræk á miðsvæðinu. Er lunkin við að koma sér í færi. Mikilvægur leikmaður fyrir Þrótt á miðsvæðinu.
Atvikið
Sigurmark Þróttar, sem kemur í lok leiksins, er auðvitað stærsta atvik leiksins. Valskonur hefðu hæglega getað komið í veg fyrir það áður en Sæunn Björnsdóttir skilaði boltanum í markið.
Hvað þýða úrslitin?
Þróttarar eru komnir í átta-liða úrslitin á meðan Valskonur eru leik. Valur er ríkjandi meistari en þær munu ekki verja titil sinn.
Vondur dagur
Valskonurnar í liði Þróttar, Ólöf Sigríður Kristinsdóttir og Katla Tryggvadóttir, áttu ekki sinn besta dag. Katla komst ekki í takt við leikinn áður en hún meiddist og Olla fann sig ekki alveg. Fanney Inga Birkisdóttir, markvörður Vals, átti góðan leik framan af en gerði slæm mistök í sigurmarki Þróttar. Breiddin hjá Val átti líka vondan en þær voru aðeins með þrjá útileikmenn á bekknum vegna meiðsla og veikinda. Í hvert skipti sem Valur missir af titli þá er það vondur dagur hjá félaginu.
Dómarinn - 8
Mjög vel dæmdur leikur hjá Helga og hans teymi.