SKÝRSLAN: KR-ingar höfðu betur í mýrarboltanum
Hvað réði úrslitum?
Bæði lið fengu nóg af hornspyrnum og aukaspyrnum út á velli og gekk Stjörnunni illa að nýta það en maður vissi að ef það kæmi sigurmark þá yrði það úr föstu leikatriði og það kom loksins þegar um 10 mínútur voru eftir þegar að Ægir Jarl stökk manna hæst í teignum og stangaði boltann í netið. Heilt yfir sanngjarn sigur KR að mínu mati.
Bestu leikmenn
1. Jóhannes Kristinn Bjarnason
Var mjög flottur í dag, spilaði hægri vængbakvörð og leysti það frábærlega. Lagði upp besta færi KR-inga á Finn Tómas sem klikkaði reyndar svo leggur hann upp sigurmark KR með frábærri hornspyrnu.
2. Kennie Choppart
Kennie spilaði mjög vel í dag og var í engu veseni en Kennie er byrjaður að spila hafsent í þriggja manna vörn. Yfirvegaður og átti flottan leik.
Atvikið
Það var umræða á góða miðlinum Twitter um að Aron Þórður Albertsson átti að fá rautt spjald eftir groddaralega tæklingu á miðjum velli á 65 mínútu. Rautt spjald þarna og það hefði verið áhugavert að sjá hvernig leikurinn hefði spilast.
Hvað þýða úrslitin?
KR og Stjarnan eru ekki lengur jöfn af stigum, KR-ingar lyfta sér í 8.sæti deildarinnar með 10 stig en Stjörnumenn eru í 10.sæti með 7 stig.
Vondur dagur
Norsarinn Olaf Öby var kippt út af í hálfleik í þessum leik með gult spjald. Í svona baráttuleik þurftu menn eins og Olaf að stíga upp, ég vildi sjá miklu meira frá honum í dag. Kannski erfitt að dæma leikmenn út af því hversu slæmur völlurinn var, kannski erfitt að eiga frábæran leik á svona slöku grasi en Olaf Öby fær VD í dag.
Dómarinn - 7
Fyrir utan tæklinguna sem Aron Þórður átti í seinni hálfleik var þetta frábærlega dæmt hjá Jóhanni Inga en ég set 7 á hann því ég á eftir að sjá þetta atvik betur