ÍBV með sannfærandi sigur í kvöld

ÍBV er að sigla þessu í höfn

8 mínutum bætt við leikinn

Felix með hörkuskot yfir mark HK

Arnar Freyr meiddur eftir samstuð

Eyþór enn og aftur með fantaspyrnu ú r aukaspyrnu sem Arnar ver vel

Sverrir með skot en Arnar Freyr ver vel

Komin dugleg þoka núna og erfitt að sjá hvað er að gerast

HK vörnin vel opin núna. Guy Smith með langan bolta fram á Oliver sem finnur Sverri en skotið framhjá

Arnar Breki með hörkuskot rétt framhjá eftir stutta aukaspyrnu

Oliver í dauðafæri einn gegn markmanni en Arnar Freyr ver vel

Seinni hálfleikur farinn af stað

HK fá gott færi eftir aukaspyrnu en framhjá öllum

ÍBV fær aukaspyrnu rétt fyrir utan teig

Eyþór með gott skot en beint á markmann

Virðist vera ökklinn og Leifur haltarar af velli

Nú liggur Leifur eftir samstuð

Skalli frá Sverri en beint á Arnar Frey í marki HK

Oliver með hörkuskot en beint á markmann. Hermann með flotta sendingu á Oliver.

Alex Freyr fer niður og líklega tognaður aftan í læri

Flugeldar frá nýkrýndum meisturum í handbolta í byrjun leiks

HK fer af stað

Hjá ÍBV er fyrirliðinn Eiður Aron Sigurbjörnsson enn fjarverandi en hann missir af þriðja leiknum í röð. Halldór Jón Sigurður Þórðarson er einnig á meiðslalistanum en báðir eru þeir skráðir í liðsstjórn.

Hermann Þór Ragnarsson og Oliver Heiðarsson koma inn í byrjunarliðið. Hermann tók út leikbann í síðasta leik.

Eins og oft áður eru Eyjamenn ekki búnir að skila skýrslunni sinni á réttum tíma. Gerist ansi oft að þeirra skýrsla er ekki tilbúin klukkutíma fyrir leik.

Bakvörðurinn Ívar Örn Jónsson kemur inn í byrjunarlið HK frá síðasta leik en Marciano Aziz er ekki í leikmannahópi Kópavogsliðsins. Ívar missti af síðasta leik liðsins vegna meiðsla.

Bragi Karl Bjarkason leikmaður ÍR, sem er langmarkahæstur í 2. deild, spáir í tíundu umferðina sem fer af stað í Vestmannaeyjum.



ÍBV 1 - 1 HK
Þetta er mjög mikill 1-1 leikur, verður mjög lokaður. Oliver Heiðars nær síðan að ógna með hraða sínum og krafti og setur eitt. Eyþór Wöhler heldur áfram trampólín æfingum og jafnar þetta með einum hjólhest.

„Það hefur ekki alveg verið stöðugleiki hjá okkur en við höfum verið inn í þessum leikjum, sérstaklega í dag. Frammistöðulega séð var ég ánægður með mikið," sagði Hermann Hreiðarsson þjálfari ÍBV eftir tap gegn Fylki í síðustu umferð. Það var fimmti ósigur ÍBV í röð.

„Við höfum sýnt að við getum unnið alla í þessari deild. Ef það kemur ágætis stöðugleiki og við náum upp góðri stemningu þá veit ég hvað við getum."

HK er í 6. sæti deildarinnar með 13 stig en þeir hafa tapað síðustu tveimur leikjum gegn FH og Víkingi.

ÍBV er í mjög slæmum málum á botni deildarinn með aðeins sex stig úr tveimur sigurleikjum gegn Breiðabliki heima og Keflavík úti. Þeir töpuðu öllum leikjum sínum í maí.

Vilhjálmur Alvar Þórarinsson dæmir leikinn í dag og er með þau Gylfa Má Sigurðsson og Rúnu Kristínu Stefánsdóttur sér til aðstoðar á línunum. Gunnar Freyr Róbertsson er svo skiltadómari.

KSÍ sendir Árbæinginn skelegga Viðar Helgason til að hafa eftirlit með störfum dómara og umgjörð leiksins.

Vilhjálmur Alvar dæmir í dag.

Góðan daginn og verið velkomin í beina textalýsingu frá Hásteinsvelli í Vestmannaeyjum.

Hér mætast í dag ÍBV og HK í Bestu-deild karla en leikurinn hefst klukkan 18:00.