SKÝRSLAN: KA ætlar lengra en í fyrra
Hvað réði úrslitum?
KA menn hefðu svo sannarlega geta verið búnir að gera út um leikinn í fyrri hálfleik en Aron Dagur Birnuson var frábær í marki Grindvíkinga. Grindavík kom sterkara inn í seinni hálflek og náði að jafna. Liðið var sterkara eftir það en KA mönnum tókst að refsa illilega og skora sigurmarkið.
Bestu leikmenn
1. Birgir Baldvinsson
Frábær leikur hjá bakverðinum, kom liðinu á bragðið með góðu marki í blálokin á fyrri hálfleik
2. Marko Vardic
Verð að gefa Vardic shout. Flottur leikmaður og þvílíkt mark!
Atvikið
Grindvíkingar voru nálægt því að koma þessu í framlengingu á lokasekúndum leiksins en náðu ekki að stýra boltanum í netið eftir hornspyrnu.
Hvað þýða úrslitin?
KA fór í undanúrslit í fyrra en tapaði á móti FH. Liðið fær tækifæri gegn Breiðabliki á heimavelli til að gera betur en í fyrra. Það verður hins vegar ekkert bikarævintýri í Grindavík.
Vondur dagur
Edi Horvat komst lítið í takt við leikinn. Gekk erfiðlega hjá Grindvíkingum að skapa sér almennileg færi.
Dómarinn - 5
Fannst hann fara dreifa spjöldum full mikið á tímabili. Gaf t.d. spjald fyrir dýfu sem ég get ekki verið sammála um.