SKÝRSLAN: FH nýtti sér klaufalegan varnarleik Framara
Hvað réði úrslitum?
FH byrjaði leikinn af miklum krafti og fengu vítaspyrnu eftir rúmar fimm mínútur og bættu við öðru marki stuttu seinna og silgdu þessu þægilega heim eftir það en Framarar voru í raun aldrei líklegir til að skora fótboltamark í kvöld fyrir utan kannski eitt gott færi og Framarar halda áfram að gefa ansi auðveld mörk.
Bestu leikmenn
1. Úlfur Ágúst Björnsson (FH)
Úlfur Ágúst var sprækur í sóknarleik FH í kvöld og skoraði tvö mörk. Fyrra af vítapunktinum af miklu öryggi og síðan þegar hann vippaði boltanum yfir Ólaf Íshólm eftir klaufalegan varnarleik hjá Fram.
2. Kjartan Kári Halldórsson (FH)
Kjartan Kári heldur áfram að spila frábærlega úti á væng hjá FH og er stanslaust ógnandi með hraða sínum. Kjartan Kári skoraði einnig þriðja mark FH af gríðarlegri yfirvegun og hans fyrsta mark í efstu deild. Undirritaður óskar honum innilega til hamingju með það.
Atvikið
Seinna markið hjá Úlfi - Afgreiðsla af dýrari gerðinni þegar hann fékk sendingu inn fyrir frá Davíð Snæ og vippaði boltanum skemmtilega yfir Ólaf Íshólm
Hvað þýða úrslitin?
FH er í fjórða sæti deildarinnar með 21.stig á meðan Fram er í bullandi fallbaráttu eins og stendur en liðið er í 10.sæti og aðeins stigi frá fallsæti
Vondur dagur
Varnarleikur Fram í heild verður að fá þennan glugga - Halda áfram að gefa rosalega auðveld mörk og liðið er búið að fá á sig lang flest mörk allra liða í deildinni og ef ekki á ílla að fara þá þarf að fara í mikla vinnu á æfingasvæðinu.
Dómarinn - 7.5
Mér fannst Vilhjálmur Alvar á köflum leyfa leiknum að fljóta og ég sem áhorfandi fagna því. Ekkert út á Vilhjálm Alvar og hans menn að setja. Vítaspyrnudómurinn hárréttur.