Liðin ganga inn á völlinn Stjarnan í bláu og Breiðablik í hvítu.

Agla María leiðir lið Blika í dag í fjarveru Ástu Eirar.

Liðin Báðir þjálfarar gera eina breytingu frá síðasta deildarleik.

Hjá Stjörnunni tekur Úlfa Dís sér sæti á bekknum og inn fyrir hana kemur Eyrún Embla.

Hjá Blikum er Toni snúin aftur eftir veikindi og Ásta Eir er ekki í hópnum og líklega mjög góð ástæða fyrir því. Við fáum víst ekki svör við því fyr en eftir leik hver sú ástæða er.

Liðið sem sigrar hér í dag... ... mætir Víkingi R. í úrslitarleiknum þann 12. ágúst en Víkingar unnu FH 2-1 í gærkvöldi.

Leiðin í undanúrslitin Bæði þessi lið komu inn í 16-liða úrslitunum.

Stjarnan byrjaði á að fara á Seltjarnarnesið og unnu þar stórsigur 1-9 á Lengjudeildarliði Gróttu. Í átta liða úrslitum fóru þær svo til Keflavíkur og unnu þar 0-1 en það var Jasmín Erla sem skoraði þar eina mark leiksins.

Blikar spiluðu við við Lengjudelldarlið Fram í 16 liða úrslitum og unnu þar, líkt og Stjarnan, stórsigur en leikurinn endaði 7-0. Í átta liða úrslitum heimsóttu þær Þróttara en Agla María sá um markaskorunina í þeim leik og setti þrennu í 0-3 sigri.

Breiðablik Blikar eru í betri málum í deildinni en Stjarnan en þær eru á toppnum með jafn mörg stig og Valur en með betri markatölu.

Stjarnan Gengi Stjörnunnar á þessu tímabili hefur ekki staðist væntingar. Fyrir tímabil var þeim spáð Íslandsmeistaratitlinum en þær sitja eins og er í 6. sæti í deildinni. Það mætti því segja að vonin um Íslandsmeistaratitilinn sé dauf í Garðabænum en þá er alltaf hægt að stefna á Bikarkeppnina og ég geri ráð fyrir því að það sé einmitt það sem þær stefna á.

Heil og sæl Verið velkomin í þessa beinu textalýsingu frá leik Stjörnunnar og Breiðabliks í undanúrslitum Mjólkurbikarsins. Leikurinn fer fram á Samsungvellinum í Garðabæ og það er flautað til leiks 14:00.