SKÝRSLAN: Agla María sökkti Tindastól
Hvað réði úrslitum?
Breiðablik voru einfaldlega bara betra liðið á öllum sviðum leiksins í kvöld. Komust snemma yfir sem gaf þeim andrými til þess að spila bara sinn leik án nokkurar pressu og sigla þessu þægilega heim.
Bestu leikmenn
1. Agla María Albertsdóttir
Þrenna og var alltaf að ógna. Flott vinnsla í henni líka sem gaf liðinu mikið.
2. Clara Sigurðardóttir
Var mjög öflug í liði Blika. Lagði upp gott mark og var alltaf að koma sér í svæði og ógna. Óheppin að skora ekki í dag.
Atvikið
Þriðja markið var einkar glæsilegt. Flott vinnsla í Hafrúni Rakel sem kom sér svo í flott skotfæri og lét vaða sem fór af bakinu á Öglu Maríu sem var að reyna beygja sig undir skotið og boltinn skoppaði þaðan í slánna og inn.
Hvað þýða úrslitin?
Breiðablik heldur toppsætinu og Tindastóll er enn stigi frá fallsæti.
Vondur dagur
Murielle Tiernan var afskaplega einmanna í framlínu Tindastóls. Í þau fáu skipti sem eitthvað mögulega gat gerst þá var hún ein á móti öllum aftast en það er svo sem ekki mikið við hana að sakast þar. Tindastóll virkaði bara númeri of lítið í þessum leik.
Dómarinn - 9
Frábærlega dæmt. Enginn vafamál eða neitt sem hægt er að setja út á.