Veislan fer að hefjast Liðin eru að ganga út á völl. Vel mætt í stúkuna og frábær stemning.

Byrjunarliðin Síðasti leikur KA var 2-0 tap gegn ÍBV í Eyjum í deildinni en Hallgrímur Jónasson þjálfari liðsins gerir tvær breytingar frá þeim leik. Birgir Baldvinsson tekur út leikbann en Þorri Mar Þórisson kemur inn í hans stað.

Jakob Snær Árnason kemur inn í liðið og Daníel Hafsteinsson fær sér sæti á bekknum en hann er sagður vilja fara frá félaginu.

Þorri Mar, Pætur Petersen og Harley Willard koma allir inn í hópinn eftir að hafa verið í agabanni í leiknum í Eyjum.

Óskar Hrafn Þorvaldsson stillir upp nánast sama liði og vann Buducnost í forkeppni Meistaradeildarinnar á dögunum. Aðeins Stefán Ingi Sigurðarson sem dettur út þar sem hann er ekki lengur leikmaður Blika. Jason Daði Svanþórsson kemur inn í liðið í hans stað. Kristinn Steindórsson er fremsti maður.

Ágúst Eðvald Hlynsson tekur út leikbann.

Dómararnir Ívar Orri Kristjánsson verður með flautuna hér í kvöld. Birkir Sigurðarson og Gylfi Már Sigurðsson verða honum til aðstoðar.
Sigurður Hjörtur Þrastarson er fjórði dómari og Halldór Breiðfjörð Jóhannsson eftirlitsmaður KSÍ.
Ívar Orri dæmdi leik liðanna á Kópavogsvelli í maí

70% spá því að Breiðablik vinni KA og komist í úrslit Breiðablik vann KA 2-0 þegar liðin áttust við á Kópavogsvelli í Bestu deildinni 21. maí en Höskuldur Gunnlaugsson (víti) og Gísli Eyjólfsson skoruðu mörkin.

70% lesenda spá því að Breiðablik vinni KA á Akureyri í kvöld en 30% spá því að KA fari í úrslitaleikinn á Laugardalsvelli. Þetta er niðurstaða könnunar sem verið hefur á forsíðu.

KA hefur slegið út Uppsveitir, HK og Grindavík á leið sinni í undanúrslitin. Breiðablik hefur lagt Fjölni, Þrótt og FH.

Bæði lið eru virkilega hungruð í sigur í dag þar sem liðin fóru ekki lengra en þetta í fyrra. KA tapaði á dramatískan hátt 2-1 gegn FH þar sem Davíð Snær Jóhannsson skoraði sigurmarkið á fjórðu mínútu í uppbótartíma.

Breiðablik steinlá gegn bikarmeisturum Víkinga 3-0 á Kópavogsvelli.
Úr leik FH og KA í undanúrslitum Mjólkurbikarsins i fyrra

Góða kvöldið Verið velkomin í beina textalýsingu frá leik KA og Breiðabliks í undanúrslitum Mjólkurbikarsins. Leikurinn fer fram á Greifavellinum á Akureyri og hefst klukkan 17:30