SKÝRSLAN: KA í bikarúrslit í fyrsta sinn í 19 ár
Hvað réði úrslitum?
Alveg hreint ótrúlegur leikur! Blikar nýttu ekki góða yfirburði í byrjun leiks og KA tókst að nýta sér það. Svo hófst eitthvað svakalegt drama undir lok venjulegs leiktíma og í lok framlengingarinnar þar sem KA menn sýndu magnaðann karakter til að tryggja sér þátttöku í vítaspyrnukeppninni og kláruðu leikinn að lokum.
Bestu leikmenn
1. Ívar Örn Árnason
Skoraði markið sem tryggði KA inn í framlenginguna og skoraði í vítakeppninni að fádæma öryggi eftir að þrjú víti fóru forgörðum á undan.
2. Rodri
Tryggði KA sæti í bikarúrslitum í fyrsta sinn í 19 ár með því að skora sigurmarkið í vítaspyrnukeppninni. Færðist aftur í miðvörðinn í framlengingunni og leysti það bara vel.
Atvikið
Hvar á maður að byrja? Fullt fullt af atvikum í þessum leik. KA mönnum þótti halla á sig í dómgæslunni og ég set helst spurningamerkið við vítaspyrnuna sem Blikar fengu í framlengingunni.
Hvað þýða úrslitin?
KA í bikarúrslit í fyrsta sinn í 19 ár. Gríðarleg vonbrigði fyrir Blika að fara ekki lengra í ár.
Vondur dagur
Sóknarleikur Blika slakur. Kiddi Steindórs algjörlega týndur en Klæmint Olsen kom með smá líf inn af bekknum.
Dómarinn - 6
Ágætur leikur hjá honum. Fannst hann alveg geta notað gula spjaldið meira og eins og áður segir þá var vítaspyrnudómurinn mögulega rangur.