SKÝRSLAN: Niðurlæging í Mosfellsbæ
Hvað réði úrslitum?
Afturelding komust yfir á 2. mínútu leiksins og hættu nánast ekki að skora eftir það. Varnarleikur Selfyssinga var til skammar og gegn svona sterku liði þá er þér refsað. Dean Martin sagði í viðtali að leikplanið hafi farið út um gluggann eftir fyrsta markið og ef það kemur á annari mínútu ertu búinn að koma þér í klandur.
Bestu leikmenn
1. Elmar Kári Cogic
Hvað get ég sagt 5 mörk og ein stoðsending, magnaður í dag. Nánast öll skot hjá honum enduðu í netinu.
2. Oliver Bjerrum Jensen
Oliver ruglaður í dag, frábær leikmaður. 2 stoðsendingar, sú fyrri var í heimsklassa. Oliver algjör lykilmaður í spili Aftureldingar.
Atvikið
Ætli það sé ekki 9. mark Aftureldingar og 5. mark Elmars Kára. Menn voru orðlausir í stúkunni eftir svona sýningu.
Hvað þýða úrslitin?
Afturelding styrkir stöðuna sína á toppi deildarinnar, 35 stig komin í pokann góða.
Selfyssingar eru enn í 10. sæti en markatalan fékk að kenna á því í dag, komnir í -13 í markatölu.
Vondur dagur
Hvar get ég byrjað, allt liðið á þetta nú bara skilið en varnarlína Selfyssinga var í bullinu. Leikmenn Aftureldingar voru trekk í trekk óvaldaðir í teignum og gátu skorað alltof auðveld mörk. Selfyssingar voru seinir í boltann og urðu undir í baráttu. Oskar Wasilewski og Jón Vignir voru á sínum versta degi í dag. En það voru margir aðrir sem komu til greina.
Dómarinn - 8
Elías Ingi leyfði leiknum að fljóta vel í dag og forðaðist að flauta, ég er mikill aðdáandi af þeirri línu í dómgæslu og gef honum þess vegna 8 í einkunn.