SKÝRSLAN: Fylkir með fyrsta sigur síðan í maí og komnir úr fallsæti
Hvað réði úrslitum?
Fylkismenn voru bara mjög solid varnarlega í dag og refsuðu fyrir öll mistök sem FH gerðu. Vörðust frábærlega í hornspyrnum og skölluðu frá hverja fyrirgjöfina á fætur annari svo voru Fylkismenn bara ekkert eðlilega flottir fyrir framan markið og nýttu sína sénsa meistaralega vel.
Bestu leikmenn
1. Ómar Björn Stefánsson
Spilaði aðeins 15 mínútur + uppbót en skorar á 94. mín og leggur upp á 95.mín. Bara þvílík innkoma hjá þessum unga og spennandi leikmanni
2. Orri Sveinn Stefánsson
Gjörsamlega frábær í vörninni, var með óreyndan efstu deildar leikmann, Svein Gísla við hliðin á sér (sem var líka geggjaður) og það var ekkert vesen, skallaði örugglega svona 15 fyrirgjafir í burtu og reyndist Fylkismönnum rosalelega mikilvægur í kvöld.
Atvikið
Þegar að Ómar Björn kemur Fylki yfir í 3-2 á 94. mínútu, markið sem allir héldu að yrði sigurmarkið. Hans fyrsta mark í efstu deild og þvílikt moment til þess að gera það. Markvarsla Óla Kristófers í stöðunni 2-2 kom líka til greina, meistaralega varið.
Hvað þýða úrslitin?
Fylkismenn eru komnir úr fallsæti eftir þennan sigur og FH-ingum mistókst að komast upp fyrir KR í 4.sæti deildarinnar. FH eiga vissulega leik inni á KR og Framarar eiga einnig inni leik á Fylkismenn.
Vondur dagur
Kjartan Kári átti ekkert spes dag því miður, þetta er leikmaður sem ég er hrifinn af en ég þarf bara meira frá honum í svona leikjum. Honum var skipt snemma út af í síðari hálfleik þar sem hann var búinn að gera afskaplega lítið á þessum 56 mínútum.
Dómarinn - 7,5
Elías Ingi bara flottur í dag og hef ég ekkert út á hann að segja. Flottur dagur hjá honum og hans teymi