SKÝRSLAN: Kærkominn sigur Þórsara
Hvað réði úrslitum?
Leikurinn fór hægt af stað en Þórsarar komu inn marki í fyrri hálfleik og bættu öðru marki við snemma í þeim síðari sem fór langt með að tryggja sigurinn.
Bestu leikmenn
1. Valdimar Daði Sævarsson
Virkilega góður leikur hjá Valdimar. Vann virkilega vel að koma sér í þessi færi sem urðu að mörkum sem gerðu endanlega út um leikinn.
2. Bjarni Guðjón Brynjólfsson
Var líflegur í leiknum og skoraði af miklu harðfylgi gott mark. Aron Birkir Stefánsson var líka með frábærar vörslur í marki Þórs.
Atvikið
Annað mark Þórsara var virkilega mikilvægt. Kom strax í upphafi síðari hálfleik og lagði grunninn að sigrinum. Tómas Johannessen fékk að líta gula spjaldið snemma leiks fyrir dýfu en
Hvað þýða úrslitin?
Þórsararar hoppa upp í 6. sæti og eru tveimur stigum á eftir Gróttu sem situr í 4. sæti en eiga leik til góða. Vestri á líka leik til góða og getur náð Þórsurum. Kærkominn sigur hjá Þór en þeir höfðu ekki unnið leik í fimm síðustu umferðum.
Vondur dagur
Grótta ógnaði aðallega úr föstum leikaatriðum. Áttu fínar tilraunir en það vantaði augljóslega upp á sóknarleikinn.
Dómarinn - 7
Mér fannst hann bara hafa góð tök á þessum leik og ekkert út á hann að setja. Aðal spurningamerkið með dýfuna í upphafi leiks. Sá ekki hvort það hafi verið einhver snerting eða ekki.