Það er einhver evrópuþvæla í loftinu í Kópavoginum í kvöld pic.twitter.com/jseGfNHOHc

— Eysteinn Þorri (@eysteinnth) July 25, 2023

Mest spennandi leikmaður FCK - Hann byrjar

Ísak og Orri á bekknum Íslendingarnir tveir Orri Steinn Óskarsson og Ísak Bergmann Jóhannesson byrja báðir á bekknum hjá Kaupmannahafnarfélaginu.

Andreas Cornelius, dýrasti leikmaður í sögu FCK, er ekki í hópnum í kvöld vegna meiðsla.

Jordan Larsson, sonur Henrik Larsson, byrjar hjá FCK og á kantinum er einn efnilegasti fótboltamaður í heimi, Roony Bardghji. Hann er 17 ára gamall sænskur unglingalandsliðsmaður.

Byrjunarlið FC Kaupmannahafnar

Gísli og Jason klárir Óskar Hrafn Þorvaldsson, þjálfari Breiðabliks, gerir enga breytingu á liðinu sem lagði Shamrock Rovers fyrir viku síðan.

Jason Daði Svanþórsson og Gísli Eyjólfsson sem gátu ekki klárað leikinn gegn ÍBV á föstudag eru báðir klárir í slaginn. Klæmint Olsen tekur sér sæti á bekknum eftir að hafa skorað gegn ÍBV.

Byrjunarlið Breiðabliks

Ísak Bergmann er fullur sjálfstrausts fyrir leiknum „Þeir eru á þvílíku rönni og eru með þvílíkt gott lið og við ætlum að bera virðingu fyrir þeim. Þeir eru mjög góðir á boltanum en það eru veikleikar í öllum liðum og þeir eru ekki alveg jafn góðir varnarlega og sóknarlega. Við erum með góða menn fram á við sem við getum nýtt og ætlum að refsa þeim.“

„Fyrst og fremst erum við að byrja okkar deild en þeir eru búnir að vera að spila og í góðu formi. Við spiluðum fyrsta leikinn á móti Lyngby um helgina þannig við erum að komast inn í hlutina og það er svona helsta. Þeir geta spilað vel á sínum velli en það verður allt annar leikur á Parken. Við þurfum að bera virðingu fyrir þeim og þeir eru með hörku góða leikmenn og við eigum að vinna tíu af tíu leikjum en það getur allt gerst í fótbolta.“

Þetta hafði Orri að segja um að mæta pabba sínum „Þetta er mjög skrítið. Þetta er ekki eitthvað sem við sáum í handritinu þegar við vorum saman í fjórða flokki Gróttu. Þetta er eitthvað sem gerist og við verðum að díla við það eins og menn,“ sagði Orri við Fótbolta.net en hann hélt að þegar hann yfirgaf Gróttu að þeir væru að kveðjast.

Óskar gegn Orra helsta sögulína leiksins „Auðvitað er fót­bolt­inn þannig að þú ræður ekki hverj­um þú mæt­ir og hverj­ir eru í liði mótherjanna. Það er ekki draumaverkefnið að mæta syn­in­um. Ég vor­kenni móður hans, Lauf­eyju kon­unni minni, meira. Hún þarf að sitja upp í stúku og halda með báðum liðum. Það má ekki gera þetta að ein­vígi míns og hans. Hvor­ug­ur okk­ar er í aðal­hlut­verki," sagði Óskar.

Fyrirliðinn er peppaður og hefur trú á þessu verkefni "Það er stórt að mæta stærsta liðinu á Norðurlöndum og við hlökkum til að gefa þeim alvöru rimmu."

„Ég held að allur Kópavogur vilji sjá okkur etja kappi á móti svona stóru liði. Þá vilja hlutlausir líka sjá það með eigin augum þegar svona lið mætir íslensku félagsliði, og sjá hvar íslenskur fótbolti stendur á móti þeim bestu í Skandinavíu. Það kemur mér ekkert á óvart,"

Það er trú í leikmannahópi Breiðabliks að liðið geti strítt stórliðinu frá Kaupmannahöfn.

„Trúin flytur fjöll og hefur gert það fyrir okkur undanfarin ár í Evrópukeppnum. Við mætum með okkar leikstíl og það hefur skilað sér í frábærri frammistöðu og ekki síður í góðum úrslitum á móti stórum liðum. Við nálgumst þetta einvígi eins og hin einvígin; við ætlum að vinna FCK og fara áfram."

Jason Daði hefur verið mikið meiddur í sumar en hann er klár í kvöld „Þetta er stórt félag með mikla sögu og maður getur ekki beðið eftir því að spila á móti þeim. Ég býst við hörkuleik," segir Jason en hann telur Blika eiga góða möguleika á því að stríða stórliðinu frá Kaupmannahöfn.

„Ég held að þetta verði 50/50 leikur ef við spilum okkar leik og hlaupum yfir þá. Óskar, Dóri og allir í þjálfarateyminu eru búnir að liggja yfir þessu. Við tökum fund á eftir og förum þá vel yfir þá."

Meistaradeildarkvöld á Kópavogsvelli Heilir og sælir kæru lesendur og veriði hjartanlega velkomnir í þráðbeina textalýsingu frá Kópavogsvelli þar sem að Blikar fá dönsku meistarana í FCK í heimsókn.

ÞVÍLÍKUR LEIKUR!!!