SKÝRSLAN: Selfoss vann óvænt gegn Grindavík eftir fimm tapleiki í röð
Hvað réði úrslitum?
Bæði lið að skapa sér færi en Selfoss alltaf líklegri og sköpuðu sér hættulegri stöður í leiknum og nýttu það í dag
Bestu leikmenn
1. Þorsteinn Aron Antonsson (Selfoss)
Var frábær í vörn Selfoss og átti nokkrar mjög mikilvægar tæklingar til að koma í veg fyrir möguleg mörk Grindvíkinga og skoraði svo þetta mikilvæga annað mark Selfoss til að sigla sigrinum heim
2. Hrannar Snær Magnússon (Selfoss)
Var frábær eins og hann Þorsteinn í vörn Selfoss og var mjög góður að bera boltann með sér upp völlinn og náði nokkrum sinnum að brjóta niður fremstu vörn Grindavík
Atvikið
Fyrsta mark Selfoss er það sem gaf þeim auka kraft og eftir markið voru Selfoss menn töluvert betri og gáfu Grindavík fáa sénsa
Hvað þýða úrslitin?
Selfoss ennþá í 10. sæti en núna aðeins lengra frá fallsætunum og eru með 13 stig eftir 12 leiki en Grindavík dottnir í það áttunda með 15 stig og missta Þór á undan sér
Vondur dagur
Vondur dagur fyrir Grindavík sem færast lengra frá umspilinu um að komast upp í deild þeirra bestu og eru núna í áttunda sæti og missa Þór fram úr sér eftir að þeir unnu góðan sigur á Gróttu 3-1
Dómarinn - 8/10
Hélt nokkurn veginn sömu línu allan leikinn og lét engan komast upp með neitt bull