Byrjunarlið KA

Hallgrímur Jónasson, þjálfari KA, gerir eina breytingu á sínu liði frá sigrinum gegn Connah's Quay fyrir viku síðan.

Dusan Brkovic kemur inn í hjarta varnarinnar og tekur stöðu Ívars Arnar Árnasonar sem meiddist gegn Keflavík á mánudag. Rodri er við hlið Dusan en sá spænski hefur náð sér af meiðslum sem urðu til þess að hann missti af leiknum gegn Keflavík.

Fimm breytingar eru á liðinu frá leiknum gegn Keflavík. Þorri Mar Þórisson, Elfar Árni Aðalsteinsson, Alex Freyr Elísson og Harley Willard taka sér sæti á bekknum. Ívar Örn er meiddur og er ekki á bekknum. Inn koma Ásgeir Sigurgeirsson, Birgir Baldvinsson, Rodri, Pætur Petersen og Hrannar Björn Steingrímsson.

Nýi leikmaðurinn, Færeyingurinn Jóan Símun Edmundsson, er á bekknum og fær treyju númer sex.

Tveir hjá Dundalk sem slógu FH úr Meistaradeildinni 2016 Dundalk lék gegn FH í forkeppni Meistaradeildarinnar sumarið 2016 og slógu Írarnir út Hafnfirðinga með fleiri útivallamörkum skoruðum. Liðið sló svo út BATE Borisov en tapaði í umspilinu gegn Legia Varsjá og fór því í riðlakeppni Evrópudeildarinnar.

Tveir sem léku gegn FH eru hjá félaginu í dag. Varnarmaðurinn Andy Boyle lék báða leikina gegn FH 2016 og hefur leikið báða leiki liðsins í forkeppni Sambandsdeildarinnar í ár. Þá var Stephen O'Donnell, nú þjálfari liðsins, fyrirliði liðsins þegar liðið sló FH út.
Úr leik FH og Dundalk

Einnig var rætt við þjálfara Dundalk „Fyrst og fremst þá hlakka ég til leiksins, ég held að þetta verður mjög samkeppnishæfur leikur, miðað við leikina þeirra gegn Connah's Quay og þegar ég sá þá síðastliðinn mánudag þá eru þeir hættulegir sóknarlega og búa yfir miklum einstaklingsgæðum. Þannig þetta verður samkeppninshæfur leikur en við hlökkum til þess."

Dundalk er ekki fyrsta írska liðið sem mætir íslensku liði á þessu tímabili þar sem Breiðablik sló út Shamrock Rovers í undankeppni Meistaradeildarinnar. Fjölmiðlar á Íslandi hafa því töluvert verið að bera saman þessi lið og sumir hafa sagt að Dundalk sé töluvert slakara lið en Shamrock en hvað finnst Stephen um það?

„Shamrock Rovers hafa unnið deildina þrjú ár í röð núna og við erum 8 stigum á eftir þeim núna í deildinni. Við höfum hinsvegar spilað á móti þeim tvisvar á stuttu tímabili og unnið í bæði skiptin, þannig það er erfitt að bera liðin saman, þetta virkar ekki beint þannig í fótbolta að bera lið saman beint, hver leikur á sitt líf. Ég held að þú getir snúið þessu við og sagt að Breiðablik er töluvert sterkara lið en KA þannig að þetta virkar í báðar áttir. Þessi viðureign er samt stök og mun standa yfir tvo leiki og verður mjög samkeppnishæft."

Stephen hefur skoðað KA liðið og honum þykir þeir hafa styrkleika víða á vellinum.

„Það eru margir góðir leikmenn hjá þeim sérstaklega frá miðjunni og framar. Þeir eru sterkir fram á við hafa unnið sterka sigra nýlega. Þeir hafa mikið af sterkum vopnum fram á við og við þurfum að vera tilbúnir sama hvaða liði þeir stilla upp. Þeir reyna að spila fótbola, byggja upp spilið og ná yfirtölu á miðsvæðinu þannig við þurfum að vera tilbúnir fyrir því á meðan við reynum að spila okkar leik."
Stephen O'Donnell var leikmaður liðsins árið 2016 og hér er hann í leik gegn FH

Rætt var við Hadda og Ásgeir í gær Haddi
„Mér líst bara vel á þetta, það er hörku lið sem er að koma hérna og við erum bara spenntir fyrir þessu. Við ætlum að spila vel, spila okkar leik og fara með góð úrslit út til Írlands svo við eigum góðan möguleika á að fara áfram." Sagði Haddi en KA vann á dögunum góðan sigur gegn Keflavík 4-3 og hann segist mikilvægt að halda áfram sigurgöngunni. „Við erum komnir með 4 leiki núna í röð sem við höfum unnið sem er bara frábært, það gefur liðinu sjálfstraust og stemningin í hópnum er bara góð. Við sluppum við smá ferðalag núna, ákváðum að gista bara hérna í bænum og eyða miklum tíma saman, æfum hérna (á Framvelli) þannig við erum bara klárir."

Ásgeir
„Við komum vel stemndir inn í þennan leik, búið að vera gaman hjá okkur síðustu vikur þannig að mér líst bara mjög vel á þetta." Segir Ásgeir en KA var á dögunum að spila á móti Keflavík þar sem þeir unnu 4-3 og hann segir að það sé gott að halda áfram sigurgöngunni. „Þetta var mjög mikilvægur leikur og það var kannski svona erfitt fyrir okkur að gíra okkur í þann leik. Búið að vera mikið af ferðalögum, en hryllilega sterkt að ná sigri í þeim leik."

Dundalk er mjög líkamlega sterkt lið og Ásgeir segir að það megi búast við erfiðum leik.

„Þetta verður held ég physical leikur, þeir spila mjög physical, Dundalk og það er eitthvað sem við þurfum að mæta. Mikið af löngum boltum, seinni boltinn og svona þannig ég held að þetta verði mjög physical."
Ásgeir Sigurgeirs eftir leikinn gegn Connah's Quay

Dundalk Dundalk vann deildina síðast árið 2019 en alls hefur liðið unnið titilinn 14 sinnum og lent í öðru sæti 12 sinnum. Þá hafa þeir unnið írska bikarinn 12 sinnum.

Evrópusagan
Dundalk hefur töluverða sögu í evrópukeppnum. Þeir hafa 26 sinnum tekið þátt í einhverri evrópukeppni og þeirra besti árangur var 1980 þegar liðið komst í 16 liða úrslit Evrópukeppni félagsliða (núverandi Meistaradeild). Þeir hafa tvisvar komist í riðlakeppni Evrópudeildarinnar á síðustu 10 árum og minnistæðast er einmitt árið 2016 þegar þeir slóu FH úr keppni og enduðu að fara alla leið í riðlakeppni.

Lykil leikmenn liðsins
Pat Hoban er fyrirliði liðsins, markahæstur og stoðsendingahæstur í liðinu. Hann er því greinilega algjör lykilmaður. Þessi 31 árs írski framherji hefur verið hjá liðinu síðan 2018 en hann hefur komið við víða í neðri deildum Englands. Hann hefur skorað 10 mörk í deildinni og er með 4 stoðsendingar.

Johannes Yli-Kokko er 21 árs finnskur miðjumaður sem liðið er með á láni frá HJK. Hann hefur skorað 3 mörk í deildinni og miðað við það sem ég hef fundið þá er hann að byrja flesta leiki í ,,10" stöðunni hjá þeim.

Alfie Lewis er 23 ára miðjumaður og virkar góður miðað við ferilskrá. Hann kemur úr West Ham akademíunni og spilaði 1 leik fyrir Plymouth í fyrra. Plymouth vann League 1 í fyrra sem er þriðja stigið í enskri knattspyrnu.
Stuðningsmenn Dundalk á Kaplakrika árið 2016

Samanburður á þessum liðum Dundalk endaði í 3. sæti deildarinnar í fyrra 13 stigum á eftir meisturunum Shamrock Rovers. Þeir sitja núna í 5. sæti deildarinnar 8 stigum á eftir toppliði Shamrock. KA endaði síðasta tímabil í 2. sæti 10 stigum á eftir íslandsmeisturum Breiðablik og eru núna í 7. sæti deildarinnar heilum 21 stigi á eftir toppliði Víkings.

Transfermarkt
Dundalk hefur töluvert verðmætara lið en KA samkvæmt Transfermarkt. Heildarvirði hópsins hjá írska liðinu er 2,59 miljónir evra á meðan virði KA hópsins er 1,79 miljónir evra.
Verðmætustu leikmenn KA eru Hallgrímur Mar Steingrímsson (200 þúsund €) Dusan Brkovic (150 þúsund €) og Daníel Hafsteinsson (150 þúsund €).
Verðmætustu leikmenn Dundalk eru Darren Brownlie (225 þúsund €) Johannes Yli-Kokko (200 þúsund €) og Hayden Muller (200 þúsund €).

Football Manager
Einnig skoðaði ég Football Manager tölvuleikinn til að sjá hvað þeim finnst um leikmannahóp liðanna. Leikmenn þar eru skoraðir frá 0-200 upp á núverandi getu. Þar lítur út fyrir KA hefur örlítið sterkari hóp þar sem 10 leikmenn Dundalk hafa 90 eða yfir í skor en 16 leikmenn KA hafa 90 eða yfir. Bestu leikmenn Dundalk í leiknum eru Daniel Kelly (kantmaður) og Alfie Lewis (miðjumaður) en þeir eru báðir með 99 í skor. 6 leikmenn KA í leiknum hafa allir 100 í skor en það eru Rodri, Dusan, Daníel, Ásgeir, Hallgrímur og Jajalo.

KA hefur unnið 4 leiki í röð KA situr í 6. sæti deildarinnar eins og er en það hefur verið gleði fyrir norðan upp á síðkastið. KA er komið í úrslitaleik Mjólkurbikarsins eftir að hafa unnið Breiðablik í vítaspyrnukeppni í undanúrslitunum og síðan þá vann KA tvo leiki gegn Connah's Quay í undankeppni Sambandsdeildarinnar báða 2-0, og síðastliðinn mánudag vann KA 4-3 sigur á móti Keflavík í hörku leik.

Leikurinn í kvöld verður örugglega hörku leikur og verða norðanmenn að reyna að nýta þennan meðbyr.

Leikurinn er sýndur í beinni á Stöð 2 Sport Komiði sæl og verið velkomin í beina texalýsingu frá leik KA og Dundalk í undankeppni Sambandsdeildarinnar! Leikurinn er spilaður á Framvelli og hefst klukkan 18:00