SKÝRSLAN: Njarðvíkingar sigruðu grannaslaginn
Hvað réði úrslitum?
Njarðvíkingar sigruðu í dag sannfærandi og sanngjarnt þegar öllu er á botnin hvolft. Var jafnræði með liðunum framan af en þegar líða fór á síðari hálfleikinn tóku Njarðvíkingar bara yfir leikinn og hefðu vel geta unnið stærra og fengu færinn til þess. Njarðvíkingar voru mjög beinskeittir og litu mjög vel út á meðan Grindavík brotnaði alveg við það að lenda undir í síðari hálfleik.
Bestu leikmenn
1. Rafael Victor
Skoraði tvö og er hreint með ólíkindum að hann hafi ekki verið með þrennu því hann fékk færin. Var öflugur og ógnandi fyrir framan markið hjá Grindavík.
2. Oumar Diouck
Framherjapar Njarðvíkinga var mjög líflegt í dag. Oumar lagði upp og skoraði líka. Var mjög áræðin og alltaf hætta í kringum hann.
Atvikið
Óskar Örn Hauksson á skot sem fer í stöngina í stöðunni 2-1 fyrir Njarðvík og boltinn berst til Edi Horvat sem er með galopið mark fyrir framan sig en setur boltann yfir. Hefði mögulega gefið Grindvíkingum von fyrir restina af leiknum en von þeirra virtist alveg hverfa þarna á að fá eitthvað úr þessum leik.
Hvað þýða úrslitin?
Njarðvíkingar sækja sterk stig í baráttunni um að komast uppfyrir rauðu línuna. Eftir úrslit dagsins eru það Grindvíkingar sem eru næsta lið fyrir ofan en Grindavík féll niður í 10.sætið.
Vondur dagur
Edi Horvat er líklega manna svekktastur í Grindavík að hafa ekki sett boltann í netið fyrir opnu marki sem hefði mögulega blásið lífi í Grindavík fyrir lokamínúturnar.
Dómarinn - 5
Sleppi teyminu við fall. Voru samt ákvarðanir sem ég hefði viljað fá útskýringar á og sömuleiðis er ég ekki viss með að vítið sem Grindavík fékk hefði átt að vera dæmt en hann er alveg ofan í því atviki svo ég treysti honum fyrir því.