Leik lokið á Parken. Breiðablik spilaði á löngum köflum vel í þessu einvígi en það var ekki nóg gegn ógnarsterku liði FCK. Breiðablik fer núna í forkeppni Evrópudeildarinnar og mætir þar Zrinjski frá Bosníu. Sigur í því einvígi og Blikar fara í riðlakeppni í Evrópu. Það er allt hægt í þessu.

Maður leiksins í kvöld? Það var Orri Steinn Óskarsson, þvílík frammistaða hjá þessum 18 ára Íslendingi.

Klaksvík frá Færeyjum slær út Svíþjóðarmeistara Hacken í forkeppni Meistaradeildar Evrópu eftir vítaspyrnukeppni.

Það er núna ljóst að Klaksvík er að fara í riðlakeppni, hvort sem það er í Meistaradeildinni, Evrópudeildinni eða í Sambandsdeildinni. Risastórt fyrir færeyskan fótbolta!

Vááááááá. Til hamingju Færeyjar! Það er vonandi að við Íslendingar verðum líka með lið í riðlakeppni í ár, Breiðablik á góðan möguleika þrátt fyrir þetta tap í kvöld.

JAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAA

— KÍ (@KI_Klaksvik) August 2, 2023

Bardghji með tilraun. Ekki eins lélegt skot og hjá landa hans Larsson áðan, en þetta var ansi lélegt.

KÍ Klaksvík er að fara í vítaspyrnukeppni gegh Häcken eftir að hafa jafnað metin aftur í uppbótartíma. Þvílík saga!

Vilken rysare! Klaksvik kvitterar till 3–3 i förlängningen

Se matchen exklusivt på https://t.co/1SsSmTpcDT pic.twitter.com/5AVojnRzn0

— Sportbladet (@sportbladet) August 2, 2023

Blikar búnir að skora þrjú á Parken en eru samt að tapa einvíginu með fimm mörkum. Þetta hefur verið skrítinn fótboltaleikur, mjög opinn.

Staðan er jöfn í seinni hálfleiknum, FCK (Orri Steinn) 2 - 2 Breiðablik.

Blikar fá hér aukaspyrnu inn í D-boganum eftir að brotið er á Klæmint.

Jordan Larsson á hér án efa verstu skot tilraun leiksins. Þessi bolti hefur endað á bílastæðinu fyrir utan.

Roony Bardghji, sem er bara 17 ára gamall, með flotta tilraun en Anton Ari sér við honum.

Orri þræðir Höjlund í gegn en Anton Ari ver vel frá honum. Orri er núna að leita að stoðsendingaþrennu eftir að hafa skorað þrjú mörk sjálfur...

Leikmenn Blika eru orðnir þreyttir og það hljóta að fara að koma skiptingar.

Þrenna og stoðsending í fyrsta byrjunarliðsleiknum sínum í Meistaradeildinni. Við Íslendingar erum að fá upp alvöru sóknarmann, það er alveg ljóst.

Í öðrum fréttum þá er KÍ Klaksvík í framlengingu gegn Häcken frá Svíþjóð. Eftir markalaust jafntefli í Færeyjum þá gerðu liðin 2-2 jafntefli núna. Ekki annað hægt en að halda með þessu ævintýri hjá frændum okkar frá Færeyjum.

Orri að leita að þrennuni. Hann á hér skot sem fer fram hjá markinu.

Yngri bróðir Rasmus Höjlund, sem er að ganga í raðir Manchester United, er kominn inn á miðsvæðið hjá FC Kaupmannahöfn. Christian Sörensen er líka kominn inn á en hann spilaði Þrótti Reykjavík sumarið 2016. Alvöru upprisa hjá honum!

Áhugavert að Elias Achouri, sem kom inn á í fyrri hálfleik er farinn af velli. Hlýtur að vera eitthvað meiddur.

Það er kominn hálfleikur, ótrúlegum fyrri hálfleik lokið á Parken. Þetta leit svo vel út fyrsta hálftímann en svo hrundi þetta.

Það eina jákvæða úr þessum fyrri hálfleik er hvað Orri Steinn er að spila vel.

Goncalves heldur betur búinn að sokka mig eftir að ég sagði áðan að hann hefði ekki heillað. Hann erbúinn að skora eitt og leggja upp tvö.

Það verður að setja stórt spurningamerki við það að William Clem sé að byrja hvern leikinn á fætur öðrum í þessu FCK liði á meðan Ísak Bergmann er límdur við bekkinn.

Þetta gerðist allt saman svo hratt að maður er enn að jafna sig á þessu.

Viktor Karl með boltann inn á teignum og fer í skot, en það fer í varnarmann.

Maður hefur ekki oft séð svona. Breiðablik var að spila frábærlega en svo hrundi þetta eins og spilaborg. Ótrúlegt að horfa upp á þetta, en gæðin í þessu FCK liði eru rosaleg þegar þeirra menn eru á tánum og gera hlutina almennilega.

Þetta er bara svo klaufalegt... Blikar búnir að spila gríðarlega vel og FCK leið ömurlega. Voru búnir að fá stöður til að gera tvö ef ekki þrjú mörk. Svo á tveimur mínútum er þetta einvígi farið. FCK eru góðir í að refsa.

FCK er að reyna og reyna að spila úr öftustu línu, en Breiðablik er gjörsamlega að vinna baráttuna inn á miðsvæðinu. Ég er búinn að missa tölu á því hversu oft Breiðablik hefur unnið boltann inn á miðsvæðinu þegar heimamenn eru að reyna að spila úr vörninni.

Gísli Eyjólfs með skot með vinstri sem fer fram hjá markinu. Blikar geta alveg náð í þetta annað mark, engin spurning.

Elias Achouri, maðurinn sem FCK keypti á 3 milljónir evra á dögunum, er að gera sig klárann í að koma inn á.

Goncalves með ömurlega fyrirgjöf sem svífur aftur fyrir endamörk. Þessi leikmaður hefur ekki heillað mig í þessu einvígi, bara alls ekki.

Breiðablik komið í mjög fína stöðu. Gísli Eyjólfs tekur boltann með sér en snertingin er hræðileg. Þarna var klárlega staða til að komast í 2-0, hann var með marga með sér.

Larsson reynir að finna Orra í svæði en þeir eru ekki að tengja vel saman í þessu tilviki.

Ég hef aðeins verið að skoða hvað stuðningsmenn FCK eru að segja á Twitter. Það er óhætt að segja að það sé ekki mikil ánægja þar þessa stundina.

Gonçalves með skot að marki eftir að Oliver tapar boltanum. Skotið er hins vegar beint á Anton Ara.

Leikmenn FCK eru bara út á þekju, þeir eru stressaðir og það sést.

Jason Daði fær boltann á teignum og reynir skot. Það fer í höndina á Kevin Diks en fer fyrst í lærið á honum sýnist mér. Blikar vilja víti en Fabio Maresca neitar fyrir það.

Viktor Karl með hættulega fyrirgjöf en boltinn aðeins of hár fyrir Jason Daða.

Höskuldur setur boltann á nærsvæðið en Elias Jelert neglir boltanum í burtu.

Dennis Vavro skallar aftur fyrir. Þriðja hornspyrnan.

FCK kemur boltanum í burtu og svo reynir Breiðablik aftur að senda inn á teiginn. Þar skapast smá hætta í kringum Damir og Blikarnir fá aðra hornspyrnu í kjölfarið.

Breiðablik er að vinna hornspyrnu. Þetta er bara það sama og á Kópavogsvelli, Blikar eru að spila betur en FCK.

Gísli fer í skotið fyrir utan teig en það fer í varnarmann.

Heimamenn eru bara búnir að vera kærulausir og þetta er bara sanngjarnt. Breiðablik er búið að vinna boltann nokkrum sinnum ofarlega á vellinum og það var kominn tími á að þeir myndu refsa.

Vel gert Blikar!

Aukaspyrnan er á góðum stað. Damir skoraði gegn Shamrock Rovers á svipuðum stað og hann reynir bara skotið aftur, en í þetta skiptið fer boltinn vel yfir markið.

Rasmus Falk á skot eftir hornspyrnuna sem endar ofan á þaknetinu.

FCK nær aðeins að opna Blikana. Jordan Larsson á svo sendingu inn fyrir á Orra sem er kominn í frábært færi, en fyrsta snerting hans er ekki nægilega góð. FCK fær hornspyrnu.

Það er mögnuð stemning á vellinum.

Vinstri bakvörðurinn Kevin Diks með þrumuskot að markinu en það fer fram hjá.

FCK í hættulegri sókn en Damir hreinsar boltann í burtu.

Það hefði nú verið eitthvað ef Blikarnir hefðu náð marki úr þessari stöðu sem þeir fengu þarna, hefðu átt að nýta þetta betur.

Blikar vinna boltann hátt upp á vellinum og eru komnir í góða stöðu. Jason með boltann nálægt teignum og hann leggur hann til hliðar á Kristin Steindórsson, en hann er of lengi að átta sig á því að það er að koma maður í bak og tapar boltanum.

Þetta er farið af stað!

Leikur hafinn á Parken pic.twitter.com/ZPVOX27lwz

— Blikar.is / Íslandsmeistarar 2022 (@blikar_is) August 2, 2023

Búið að kasta blöðrum inn á völlinn fyrir upphafsflaut. Viktor Örn og Andri Rafn fjarlægja blöðrurnar.

Liðin eru komin út á völl Það er ansi góð mæting á Parken og lætin eru mikil.

Sigurliðið í þessu einvígi mætir Slovan Bratislava í þriðju umferð forkeppni Meistaradeildarinnar og tapliðið fer í forkeppni Evrópudeildarinnar þar sem mótherjinn verður Zrinjski frá Bosníu.

Það er um 18 stiga hiti í Kaupmannahöfn þessa stundina og smávægileg rigning. Völlurinn lítur stórkostlega út.

Orri Steinn Óskarsson er í byrjunarliði FC Kaupmannahafnar í síðari leik liðsins gegn Breiðabliki.

Orri byrjaði fyrri leikinn á bekknum en kom inn á sem varamaður í síðari hálfleik. Þetta er sérstakt einvígi fyrir þennan efnilega sóknarmann þar sem faðir hans, Óskar Hrafn Þorvaldsson, er þjálfari Breiðabliks.

Eina breytingin hjá FCK fyrir leikinn í kvöld er sú að Orri kemur inn fyrir hinn 17 ára gamla Roony Bardghji sem fékk ekki góða dóma fyrir frammistöðu sína í Kópavoginum.

Ísak Bergmann Jóhannesson þarf áfram að sætta sig við það að vera á bekknum hjá FCK.

Óskar Hrafn Þorvaldsson, þjálfari Breiðabliks, gerir eina breytingu frá fyrri leiknum á Íslandi.

Breytingin er sú að Anton Logi Lúðvíksson kemur inn á miðsvæðið fyrir Alexander Helga Sigurðarson.

Við fengum Englendinginn Sam Hewson til að spá í leikinn.



FC Kaupmannahöfn 2 - 1 Breiðablik (18:00 á miðvikudaginn)
Orri Steinn skorar gegn pabba sínum og Breiðablik fellur úr leik.

Sóknarmaðurinn Klæmint Olsen er í uppáhaldi hjá mörgum stuðningsmönnum Breiðabliks. Hann var einnig í viðtali við sem birtist á Facebook-síðu Breiðabliks fyrir leikinn.

"Ég hef áður spilað á Parken. Með landsliðinu gegn Danmörku árið 2021, við töpuðum 3-1 en ég skoraði svo það er í lagi," sagði Klæmint.

"Ég hef góða tilfinningu fyrir leiknum, ég held að við getum gert góða hluti og við trúum því enn að við komumst áfram," sagði Færeyingurinn geðþekki jafnframt.

Við Íslendingar elskum mörg að fara til Danmerkur og það eru fjölmargir Blikar búnir að gera sér ferð út á leikinn í kvöld. Það er talað um að það séu um 300-400 Blikar á leið á leikinn.

Oliver Sigurjónsson, miðjumaður Blika, var einnig í viðtali fyrir leikinn á Facebook-síðu félagsins.

"Þetta er rosalegt mannvirki. Vonandi verða margir áhorfendur og vonandi verður þetta skemmtileg upplifun fyrir alla Blika, fyrir þá sem eru inn á vellinum og upp í stúku," sagði Oliver.

"Þeir segja að það séu 20-30 þúsund manns í heildina og ég veit ekki betur en að þetta sé einn fjölmennasti leikur sem Blikastuðningsmenn í útlöndum hafa mætt á. Ég vona að við getum öll upplifað þessi gífurlegu læti sem eru búist við."

Oliver vonast til að þagga niður í stuðningsmönnum FCK. Það er verk að vinna fyrir Blika.

"Vonandi getum við byrjað á því að skora fyrsta markið. Það væri ekkert eðlilega gaman að heyra völlinn alveg þagna," sagði Oliver.

Arnór Sveinn Aðalsteinsson, varnarmaður Breiðabliks, er spenntur fyrir leiknum.

"Mér finnst við nálgast þennan leik mjög svipað og aðra leiki. Við gerum okkur grein fyrir styrkleikanum hvernig vð stillum upp taktískt. Nálgunin er að halda í okkar grunngildi, spila okkar leik. Það snýr að hugrekki, þetta er leikur sem er partur í að taka einhver skref, taka út þroska," sagði Arnór Sveinn á Facebook síðu Breiðabliks í gær.

"Ef maður einblínir alltaf á úrslit nær maður ekki þessum þroska út. Við keyrum á þetta á okkar grunngildum og svo sjáum við hvað kemur upp úr hattinum. Við sáum það heima að við 'mötchum' alveg við þetta lið."

Arnór Sveinn er 37 ára en hann er uppalinn hjá Breiðablik. Hann sneri aftur til félagsins fyrir tímabilið eftir sex ára dvöl hjá KR.

"Þetta er hrikalega gaman. Þegar það er klúbbur sem maður elst upp í og ekki bara það, þegar amma og afi eru gullBlikar, mamma og pabbi eru þarna, konan og tengdafjölskyldan er öll Blikar og börnin eru að æfa þarna. Það eru tilfinningaleg tengsl sem erfitt er að útskýra og þá hefur allt meira vægi," sagði Arnór Sveinn.

Breiðablik spilaði virkilega vel á milli teiga í fyrri leiknum á Kópavogsvelli. Það má færa rök fyrir því að Blikar hafi verið sterkari aðilinn í leiknum en FC Kaupmannahöfn fer inn í seinni leikinn í kvöld með tveggja marka forystu. Jordan Larsson og fyrirliðinn Rasmus Falk skoruðu mörkin í fyrri leiknum.

Það hefur verið talað um að einvígið hafi klárast á fyrstu mínútu í Kópavoginum þar sem FCK náði forystunni þá en það mark var vægast sagt klaufalegt.

Í kvöld spilar Breiðablik seinni leik sinn við danska meistaraliðið FC Kaupmannahöfn í forkeppni Meistaradeildarinnar. Leikurinn fer fram á Parken, þjóðarleikvangi Danmerkur.