Eftir skelfilegan fyrri hálfleik er ekki hægt að taka neitt af vinnuframlagi Blika í þessum síðari hálfleik. Seinni leikurinn fer fram hér heima á Kópavogsvelli eftir viku og nokkuð ljóst að Blikar þurfa á kraftaverki að halda ef þeir ætla sér eitthvað út úr þessu einvígi. Takk fyrir mig í kvöld.

Antonio Ivancic fær boltann inn á teig Blika en Anton Ari kemur út og lokar vel.

Gísli Eyjólfsson prjónar sig inn á teig Zrinjski Mostar en nær ekki að koma boltanum á samherja.

Fjórar mínútur í uppbótartíma.

Cuze fær boltann og fer á Davíð Ingvars en Cuze lætur sig detta. Fyrir mér gult á Cuze. Aldrei víti.

Dario Canadija með skot sem fer í slánna og Slobodan nær frákastinu en Anton Ari ver.

Blikar lyfta boltanum fyrir á fjær. Höskuldur nær að halda boltanum inn á og kemur boltanum út í teiginn á Damir sem nær hörkuskoti og boltinn berst til Viktors sem skallar hann fyrir Oliver sem reynir hjólhestaspyrnu en boltinn beint á Marko Maric.

Kemur hér eftir 70 mínútna leik.

Zrinjski Mostar lyftir boltanum inn á teiginn en Viktor Örn skallar boltann í hornspyrnu.

Tomislav fær boltann inn á teiginn og reynir skot/fyrirgjöf en boltinn af Viktori Erni og afturfyrir. Hornspyrnan hættulítil.

Nick Walsh flautar hér til hálfleiks. Zrinjski Mostar fer með fimm marka forskot inn í hálfleikinn og frammistaðan hjá Blikum hér þessar fyrstu 45.mínútur verið mikil vonbrigði. Tökum okkur pásu og síðari hálfleikurinn eftir fimmtán mínútur.

Tomislav Kis lyftir boltanum inn á Nemanja Bilbija sem tekur hann á lofti í fyrsta en boltinn yfir markið. Dauðafæri.

Jason Daði fær boltann og nær góðri fyrirgjöf inn á teiginn ætlaða Gísla sem nær ekki til boltans. Gísli óheppinn þarna!

Fær boltann og á skelfilega sendingu frá marki beint á Cuze sem setur boltann í slánna.

Josip með frábæra sendingu á Bilbija en sem betur fer fór þessi ekki inn.

Boltanum er lyft inn á teig Blika og eftir smá skallatennis berst boltinn á Cuze sem reynir utanfótar skot en boltinn beint á Anton Ara.

Sýnist hann ætla reyna halda eitthvað áfram og leikurinn fer af stað aftur.

Virðist þurfa aðhlyningu. Þetta eru ekki góðar fréttir! Heldur utan um náran. Æjjæjj!

Mario Cuze fær boltann í einn á einn stöðu á Viktor Örn en Viktor gerir vel og hirðir boltann af honum.

Barisic legið hérna í grasinu í nokkrar sekúndur en er staðin á lappir og leikurinn fer af stað á ný.

Höskuldur fær boltann í gegn og á fastan bolta meðfram grasinu inn á teiginn en enginn Bliki gerði árás á þennan bolta.

Heimamenn frá Bosníu sparka þessu í gang. Áfram Breiðablik!

Það styttist í upphafsflautið frá Nick Walsh frá Skotlandi.

Óskar Hrafn Þorvaldsson, þjálfari Breiðabliks, gerir sex breytingar frá deildarleiknum gegn KR. Liðið er skipað sömu ellefu leikmönnum og spiluðu gegn FCK á Parken fyrir rúmri viku síðan. Frá síðasta deildarleik koma þeir Oliver Sigurjónsson, Viktor Karl Einarsson, Jason Daði Svanþórsson, Viktor Örn Margeirsson, Andri Rafn Yeoman og Kristinn Steindórsson inn í liðið. Kristófer Ingi Kristinsson, sem fékk leikheimild með Breiðabliki í upphafi vikunnar, er á meðal varamanna í dag.

Tre Penne 1-7 Breiðablik Buducnost 0-5 Breiðablik Shamrock 0-1 Breiðablik Breiðablik 2-1 Shamrock Breiðablik 0-2 FCK FCK 6-3 Breiðablik

Dómararnir eru frá Skotlandi. Aðaldómari: Nicholas Walsh. Aðstoðardómarar: Douglas Potter og Calum Spence. Fjórði dómari: Christopher Graham. VAR: Fedayi San og William Collum.

Um andstæðinginn HŠK Zrinjski Mostar er atvinnuknattspyrnufélag með aðsetur í Mostar í Bosníu-Hersegóvínu. Félagið leikur í úrvalsdeildinni þar í landi og hefur verið eitt af bestu liðum landsins enda unnið 8 meistaratitla undanfarin ár. Félagið spilar heimaleiki sína á Stadion pod Bijelim Brijegom í Mostar. Stuðningsmannaklúbbur Zrinjski heitir Ultras Mostar og var stofnaður árið 1994. Félagið var stofnað árið 1905 og er elsta knattspyrnufélagið í Bosníu-Hersegóvínu. Eftir seinni heimsstyrjöldina voru öll félög sem höfðu tekið þátt í króatísku deildinni á stríðstímum bönnuð í Júgóslavíu, Zrinjski var einn af þeim. Bannið stóð frá 1945 til 1992. Eftir sjálfstæði Bosníu-Hersegóvínu voru gerðar umbætur á félaginu. Zrinjski Mostar lék í 1. deildinni til ársins 2000. Eftir það lék liðið í úrvalsdeildinni og vann sinn fyrsta titil þar árið 2005. Frægasti leikmaður sem hefur spilað í Zrinjski treyju er án nokkurs vafa króatíski miðjumaðurinn Luka Modric. Hann skrifaði undir sinn fyrsta samning 18 ára gamall, hjá Dinamo Zagreb, en eyddi fyrsta tímabili sínu á láni hjá Zrinjski. Þrátt fyrir ungan aldur spilaði hann 22 deildarleiki tímabilið 2003-04, skoraði átta mörk og sýndi að hann ætti bjarta framtíð fyrir sér. Lestu upphitun blikar.is

Áfram heldur Evrópuverkefni Breiðabliks. Ný er komið að fyrri viðureigninni gegn Zrinjski Mostar frá Bosníu og Hersegóvínu í 3. umferð forkeppni Evrópudeildarinnar. Fyrri leikurinn er í Mostar og Zrinjski liðið kemur svo á Kópavogsvöll 17. ágúst. Ef Blikar vinna Zrinjski Mostar fer liðið í umspil um sæti í riðlakeppni Evrópudeildarinnar. Ef það einvígi tapast þá verða Blikar í riðlakeppni Sambandsdeildarinnar. Ísland og Bosnía hafa aldrei átt lið í riðlakeppni Evrópu svo það er ljóst að fyrir aðra þjóðina mun það breytast. Í vikunni var dregið í umspilið fyrir Evrópudeildina. Með sigri gegn Zrinjski mun Breiðablik leika gegn LASK sem endaði í 3. sæti austurrísku deildarinnar á síðasta tímabili. LASK leikur þá fyrri leikinn á heimavelli. Einnig var dregið í umspil fyrir riðlakeppni Sambandsdeildarinnar en þangað fara Blikar ef þeir tapa gegn Zrinjski Mostar. Þá munu Íslandsmeistararnir leika gegn sigurvegaranum í viðureign FC Struga frá Norður-Makedóníu og Swift Hesper frá Lúxemborg. Fyrri leikurinn ytra.