SKÝRSLAN: Blikar einu skrefi nær Sambandsdeildinni
Hvað réði úrslitum?
Bara gamla góða liðsframmistaðan, Blikar voru að spila á erfiðum velli í krefjandi aðstæðum og það sást. Struga voru flottir og mun betri en margir héldu en Blikar vörðust frábærlega og gáfu engin alvöru færi á sig, öll bestu færi Struga voru flögguð rangstæð. Þetta kallast að "grinda" út sigurleik
Bestu leikmenn
1. Höskuldur Gunnlaugsson
Skorar eina mark Blika í þessum leik, sólaði tvo og á skot í fjærhornið sem gaf Blikaliðinu svo mikið í leiknum, gaf þeim alvöru sjálfstraust, frábær í dag.
2. Viktor Örn Margeirsson og Damir Muminovic
Sameiginlegt í dag, báðir geggjaðir og vörðu markið einstaklega vel, Struga herjuðu mikið á mark Blika í síðari hálfleik með vindinn í bakið og það var ekkert vesen fyrir þessa hafsenta. Oliver Sigurjóns fær líka mention frá mér
Atvikið
VAR er ekki vinsælt meðal knattspyrnuáhugamanna á Íslandi en það heldur betur bjargaði okkur í dag, Struga komust í 1-0 í fyrri hálfleik en markið var réttilega dæmt af vegni hendi inn á teig. Leikurinn var þá búinn að vera í jafnvægi og lítið að gerast en mark þarna hefði getað sett leikinn í uppnám, Blikar nýttu sér það og skoruðu frábært mark stuttu seinna. Alvöru einstaklingsframtak hjá Höskuldi Gunnlaugssyni.
Hvað þýða úrslitin?
Blikar fara á Kópavogsvöll með 1-0 forustu og eru 90 mínútum frá því að komast í riðlakeppni Sambandsdeildarinnar. Leikurinn á Kópavogsvelli verði, að ég held allt öðruvísi en það sem ég og aðrir landsmenn sáu í dag.
Vondur dagur
Vangjel Zguro ekkert eðlilega heimskur að láta reka sig út af þegar að 9 mínútur voru eftir af leiknum og Struga menn að reyna og reyna að sækja jöfnunarmarkið og setur liðsfélaga sína í enn erfiðari stöðu og verður auðvitað ekki með á Kópavogsvelli
Dómarinn - 9
Mér fannst pólski dómarinn Damian Sylwestrzak alveg frábær í dag, allt sem gerðist út á velli var hann með á hreinu og var ekki að láta menn plata sig í neina vitleysu.