JÁÁÁÁ!!! Ísland sigrar með marki á lokamínútum!!!

Fengum VAR móment sem tók sinn tíma að staðfesta markið en það stendur!!!!

Hákon Arnar heldur boltanum frábærlega og kemur boltanum að marki þar sem Jón Dagur fær frábært færi til að koma boltanum á markið en inn vill hann ekki!

Hornspyrna frá Bosníu dettur fyrir að mer sýndist Dennis Hadzikadunic sem á skot beint í fangið á Rúnari Alex.

Jón Dagur með flottan bolta í hættusvæðið en Bosnía kemst fyrir og sækir brot í leiðinni.

Frábær varsla frá Rúnari Alex! Sá ekki hver átti skotið en varslan var rosaleg!

Alfreð Finnboga skorar en flaggið á loft!

Bosníumenn í alvöru færi!! Fyrst er Amar Dedic við það að ná skoti að marki en Íslenska vörnin heldur og svo kemur fyrirgjöf fyrir markið þar sem Kenan Kodro skallar rétt framhjá.

Varamaðurinn Luka Menalo með misheppnað skot framhjá. Ekki margt sem bendir endilega til þess að við fáum mark í þennan leik.

Stálheppinn að flaggið fór á loft!! Skóflaði boltanum yfir markið í frábæru færi!! Alvöru Timo Werner bragur á þessum!

Miralem Pjanic finnur Kenan Kodro á bakvið vörn Íslendinga en fyrirgjöfin beint í hendurnar á Rúnari Alex.

Alfreð Finnboga og Jón Dagur að gera sig klára til að koma inná á hliðarlínunni.

Íslenska liðið stundum full mikið úr sync-i þegar þeir hafa færi á að breika hratt.

Edin Dzeko með tilraun en beint á Rúnar Alex.

Miralem Pjanic með lúmska aukaspyrnu á galopinn Edin Dzeko sem hittir ekki boltann og hann skoppar í fangið á Rúnari Alex. Stálheppnir þarna!

Með boltann: 43% - 57% Marktilraunir: 3-7 Hornspyrnur: 3-4 Gult: 1-1

Flottur bolti á Mikael Anderson sem fær óvæntan Ibrahim Sehic á eftir sér og tæklar boltan útfyrir. Aðeins að lifna yfir þessu.

Hákon Arnar með flottan sprett og frábæran bolta í svæði fyrir Mikael Anderson sem skóflar boltanum yfir markið!! Þessi hefði mátt detta!

Mikael Anderson aðeins að láta vita af sér.

Amir Hadziahmetovic með fyrirgjöf sem Edin Dzeko skallar yfir markið.

Orri Steinn með flottan sprett og nálægt því að leggja upp mark en Bosníumenn bjarga á síðustu stundu!

Íslenska liðið náði að halda aðeins í boltann þarna en fyrirgjöf frá Kolbeini fyrir markið beint í hendurnar á Ibrahim Sehic.

Amir Hadziahmetovic reynir að koma boltanum fyrir markið en Íslenska vörnin heldur.

Amar Dedic í kjörstöðu til að gera eitthvað en fer illa með stöðuna og Íslenska liðið bjargar.

Skemmtilegar baráttur milli Hjartart og Edin Dzeko.

Íslenska liðinu gengur svolítið erfiðlega að halda í boltann.

Edin Dzeko sparkar okkur af stað aftur.

Frekar tíðindarlítill fyrri hálfleikur að baki. Ísland byrjaði leikinn af krafti en hægt og rólega komust Bosníumenn þó inn í leikinn og leikurinn hefur verið í járnum. Fáum vonandi meiri skemmtun í síðari hálfleik. - Tökum okkur stutta pásu.

Allskonar bras hjá Íslandi og Bosnía ekki langt frá því að komast yfir!! Boltinn hrekkur fyrir Ermedin Demirovic sem fær hann óvænt aftur en Íslendingar bjarga í horn sem Rúnar Alex grípur svo meistaralega!

Benjamin Tahirovic með hörkuskot sem Arnór Ingvi hendir sér fyrir og Bosnía fær horn. Arnór Ingvi fann vel fyrir þessu.

Dennis Hadzikadunic með fyrirgjöf fyrir markið ætlaða Amar Dedic en Guðlaugur Victor kemur boltanum frá. Rúnar Alex var líka á leiðinni út í þetta en gefur svo Guðlaugi Victor bara high five fyrir góða hreinsun.

Alls ekki spes hornspyrna og Bosníumenn keyra hratt fram en Hákon heldur vel í við þá og nær að komast fyrir sendinguna í gegn og kemur boltanum á Rúnar Alex.

Íslendingar í lofandi sókn og fyrirgjöf frá Mikael Anderson fer af varnarmanni og í horn.

Amar Dedic tekur á rás og keyrir í átt að teig Íslendinga en er stöðvaður við vítateiginn.

Jóhann Berg kemur með fyrirgjöf fyrir markið á fjær þar sem Guðlaugur Victor kemur í hlaupinu en boltinn er of innarlega og fer afturfyrir.

Ísland fær aukaspyrnu á flottum stað!

Ísland vinnur horn sem er tekið stutt á Jóhann Berg sem spyrnir fyrir markið en aðeins of hátt fyrir Guðlaug Victor.

Hjörtur dæmdur brotlegur í baráttu við Edin Dzeko og Bosnía fær aukaspyrnu á fínum stað. Fyrirgjöf fyrir markið sem er skölluð í áttina að Dzeko en þá flautar Lawrence Visser dómari og dæmir brot.

Taka hornið stutt og spila boltanum til Juzuf Gazibegovic sem á skot sem fer af varnarmanni og framhjá.

Juzuf Gazibegovic með fyrirgjöf sem Alfons Sampsted skallar í horn.

Amir Hadziahmetovic með tilraun framhjá markinu.

Bosnía er aðeins að færast upp skaftið.

Íslenska liðið er miklu grimmara en Bosníska á upphafsmínútum.. Verðum að láta það telja.

Kolbeinn reynir fyrirgjöf en Bosníumenn komast fyrir.

Juzuf Gazibegovic reynir sendingu fyrir en vörn Íslenska liðsins tekur hana.

Það eru mikil læti í stuðningsmönnum Bosníu sem eru hérna í einu hólfi í Sýnarstúkunni. Heyrist mun meira í þeim en okkar íslensku stuðningsmönnum. Bosníumennirnir tóku veglega upphitun og voru mættir á Ölver í hádeginu.

Bosníumenn reyna að finna Demirovic í teignum en Guðlaugur Victor sterkur og skýlir boltanum vel aftur fyrir.

Hákon og Willum Þór með skemmtilegan samleik en ná ekki að koma sér í færi.

Edin Dzeko keyrir á Hjört Hermanns úti hægri en Hjörtur stöðvar hann.

Willum Þór með frábæra pressu en dæmdur brotlegur.

Edin Dzeko er lætt á bakvið vörnina og á sendingu fyrir markið sem Hjörtur kemur afturfyrir en þá fór flaggið á loft.

Það er Jóhann Berg sem á upphafssparkið! ÁFRAM ÍSLAND!!

Staðan er önnur núna en fyrir síðasta heimaleik þar sem Cristiano Ronaldo var í heimsókn með portúgalska landsliðinu. Þá var uppselt en núna eru ansi mörg sæti auð.

Það verður minningarstund fyrir leikinn. Minningarstundin er fyrir fórnarlömb jarðskjálftans stóra sem reið yfir Marokkó um helgina. Um 2500 manns eru látnir í jafðskjálftanum varð seint á föstudaginn og mikil fjöldi slasaður. Skjálftinn var mjög stór, upp á 6,8 og miklar skemmdir hafa verið í kringum Marakesh.

„Það er stutt á milli leikja, við verðum að hafa ferska fætur. Við ætlum að vinna Bosníu hér í kvöld og þurfum ferska fætur," sagði Jóhannes Karl Guðjónsson aðstoðarþjálfari í viðtali við Stöð 2 Sport um að gerðar séu fimm breytingar á byrjunarliðinu.

Edin Dzeko er í fremstu víglínu hjá Bosníu og er með fyrirliðabandið. Meho Kodro þjálfari gestana hefur verið að spila með 3-5-2 leikkerfi og gerir það áfram. Miralem Pjanic er stærsta stjarna Bosníu en það hefur hægst mikið á fótboltaferli hans að undanförnu. Hann byrjar á varamannabekknum í kvöld. Meðal leikmanna sem vantar hjá Bosníu er varnarmaðurinn Anel Ahmedhodzic, leikmaður Sheffield United í ensku úrvalsdeildinni. Hann er sagður vera að glíma við meiðsli en kenningar eru í fjölmiðlum í Bosníu um að eitthvað ósætti sé í gangi milli hans og fótboltasambands landsins.

Það eru stór tíðindi því hinn 18 ára gamli Orri Steinn Óskarsson byrjar hjá Íslandi í leiknum. Hann lék sinn fyrsta A-landsleik gegn Lúxemborg síðasta föstudag. Mikael Neville Anderson, Willum Þór Willumsson, Alfons Sampsted og Hjörtur Hermannsson koma einnig inn í byrjunarliðið. Það eru fimm breytingar frá tapinu slæma í Lúxemborg. Valgeir Lunddal, Jón Dagur Þorsteinsson, Sævar Atli Magnússon fara á bekkinn líkt og Alfreð. Þá er Hörður Björgvin Magnússon í leikbanni.

Íslenska landsliðið hefur verið að ganga í gegnum endurnýjun síðustu ár og hópurinn tekið miklum breytingum. 5 Leikjahæstu í hópnum: Jóhann Berg Guðmundsson - 87 leikir Alfreð Finnbogason - 68 leikir Arnór Ingvi Traustason - 48 leikir Guðlaugur Victor Pálsson - 37 leikir Jón Dagur Þorsteinsson - 29 leikir 5 Markahæstu í hópnum Alfreð Finnbogason - 16 mörk Jóhann Berg Guðmundsson - 8 mörk Arnór Ingvi Traustason - 5 mörk Jón Dagur Þorsteinsson - 4 mörk Ísak Bergmann Jóhannesson - 3 mörk

Ef við rennum aðeins yfir leikmannahóp Bosníu og Hersegóvínu þá eru fleirri leikir og mörk undir beltinu hjá þeim heldur en okkar mönnum. 5 Leikjahæsu í hópnum: Edin Dzeko - 130 leikir Miralem Pjanic - 111 leikir Sead Kolasinac - 54 leikir Ibrahim Sehic - 51 leikir Rade Krunic - 30 leikir 5 Markahæstu í hópnum Edin Dzeko - 65 mörk Miralem Pjanic - 17 mörk Smail Prevljak - 6 mörk Rade Krunic - 4 mörk Luka Menalo - 3 mörk

Möguleikarnir á að ná öðru sætinu í riðlinum eftir tapið í Lúxemborg eru litlir sem engir. Age Hareide landsliðsþjálfari lítur samt á það þannig að leikurinn í kvöld sé mikilvægur fyrir framhaldið því góðar líkur eru á því að íslenska liðið fari í umspil í mars. Þá verður að vera búið að móta sterkt lið og liðsheild. „Við verðum að velja bestu leikmennina og við þurfum að finna lið sem vinnur vel saman. Við verðum líka að blóðga ungu leikmennina fyrir framtíðina. Það er önnur undankeppni framundan eftir næsta sumar. Þetta er ekki búið, við getum horft í umspilið í mars. Við þurfum að fá stöðugleika í liðið og góða frammistöðu fyrir þá leiki. Það er mjög mikilvægt," sagði Hareide á fréttamannafundi í gær. „Við þurfum góða frammistöðu og góð úrslit. Við verðum að vinna leiki og við verðum að standa okkur vel. Það er mikilvægt að tapa ekki okkur, við verðum að hafa trú. Liðið verður að hafa trú á sér. Við erum á heimavelli og við vitum að við spiluðum vel síðast þegar við vorum hérna. Við verðum að gera það aftur. Við erum með unga og reynda leikmenn í hópnum. Við verðum að standa okkur vel núna en við verðum líka að byggja lið til framtíðar. Við þurfum kannski að sætta okkur við að leikmenn geri mistök á meðan við erum að byggja upp." Sjá einnig: Hareide: Versta tilfinning sem til er í fótboltanum Hareide: Ég var með Kára í Malmö en hann er ekki hérna núna

Hættulegasti leikmaður Bosníu er að sjálfsögðu Edin Dzeko fyrirliði. Sóknarmaðurinn reynslumikli spilar nú fyrir Fenerbahce en hann var í byrjunarliði Inter í úrslitaleik Meistaradeildarinnar fyrr á þessu ári. Miralem Pjanic og Sead Kolasinac eru leikmenn sem flestir fótboltaáhugamenn þekkja. Í 3-0 sigrinum gegn Íslandi skoraði Rade Krunic, leikmaður AC Milan, tvö mörk og Amar Dedic, leikmaður RB Salzburg eitt. Dedic var besti maður vallarins og bjó til vandræði fyrir íslenska liðið trekk í trekk. Meðal leikmanna sem vantar hjá Bosníu er varnarmaðurinn Anel Ahmedhodzic, leikmaður Sheffield United í ensku úrvalsdeildinni. Hann er sagður vera að glíma við meiðsli en kenningar eru í fjölmiðlum í Bosníu um að eitthvað ósætti sé í gangi milli hans og fótboltasambands landsins. Sjá einnig: Líklegt byrjunarlið Bosníu - Edin Dzeko fremstur

Það urðu þjálfaraskipti hjá Bosníumönnum í sumar og nýr landsliðsþjálfari þjóðarinnar, Meho Kodro, ræddi við fjölmiðlamenn á Laugardalsvelli í gær. Hann var meðal annars spurður út í íslenska liðið og segist búast við erfiðum leik, og allt öðruvísi verkefni en þegar Bosnía vann Liechtenstein 2-1 á heimavelli á föstudaginn. „Þeir eru með góða vængmenn, númer 15 (Willum Þór Willumsson) og númer 9 (Jón Dagur Þorsteinsson) eru mjög leiknir, þeir geta skapað vandamál. Ég þekki númer 11 (Alfreð Finnbogason) frá Spáni. Fyrirliðinn (Jóhann Berg) Guðmundsson er virkilega góður leikmaður. Þeir eru með áhugaverða leikmenn og geta skapað vandamál ef við gefið þeim pláss," segir Kodro, sem var leikmaður Barcelona 1995-96. „Þetta verður ekki auðvelt en við komum hingað með það markmið að spila vel, og ekki síst að vinna. Við höfum horft á nánast alla leiki Íslands og mér finnst þeir hafa öflugt lið."

Ísland tapaði 3-1 í Lúxemborg á föstudagskvöld en vonbrigðin voru gríðarleg í þeim leik. „Við ætlum að gera betur en við gerðum á móti Lúxemborg og á móti Bosníu úti. Þeir eru með gott lið en við þurfum að sýna það - sérstaklega á heimavelli - að það er erfitt að eiga við okkur," sagði Jóhann Berg Guðmundsson á fréttamannafundi í gær. „Við þurfum að vera gríðarlega góðir varnarlega. Við þurfum að vera erfiðir að eiga við og við þurfum svo að sækja á þá eins hratt og við getum. Þeir eru með þrjá hafsenta og vængbakverði sem við þurfum að reyna að teyma út úr stöðum svo við getum sótt á bak við þá. Þetta er þessi gamla klisja, að fara út og spila fyrir þjóðina. Það er ekkert skemmtilegra en að spila fyrir Ísland. Vonandi koma sem flestir á völlinn að styðja okkur," sagði þessi öflugi leikmaður. Sjáðu hvað Jói Berg sagði meira á fréttamannafundinum

Við spáum því að Age Hareide, landsliðsþjálfari Íslands, muni gera þrjár breytingar frá tapinu slæma í Lúxemborg. Hörður Björgvin Magnússon er í leikbanni og Hjörtur Hermannsson er líklegur til þess að koma inn í hjarta varnarinnar í staðinn fyrir hann. Þá spáum við því að Alfons Sampsted fái tækifæri til að sýna sig á Laugardalsvelli og komi inn í liðið fyrir Valgeir Lunddal. Willum Þór Willumsson snýr þá aftur úr leikbanni og hann kemur líklega inn í liðið fyrir Sævar Atla Magnússon. Smelltu hér til að sjá líklegt byrjunarlið Íslands

Allir dómarar leiksins koma frá Belgíu. Aðaldómarinn heitir Lawrence Visser. Auk þess að dæma í belgísku deildinni hefur hann dæmt hina ýmsu landsleiki og í Meistaradeild Evrópu. VAR-dómarinn heitir Bram Van Driessche.

Bosnía vann 3-0 sigur þegar þessi tvö lið mættust í Bosníu fyrr á þessu ári. Ísland á harma að hefna. Svona er staðan í riðlinum: Bjórtjöld, matarvagnar, andlitsmálun og plötusnúðar. Mætið snemma á völlinn!