SKÝRSLAN: Þróttur vann Aftureldingu og héldu sér uppi
Hvað réði úrslitum?
Afturelding var líklegast kominn með hausinn á umspilið þegar þeir fréttu af stöðu mála á Akranesi í hálfleik. Þróttur var hins vegar í hættu á falli og stálu sigrinum í restina.
Bestu leikmenn
1. Hinrik Harðarson
Var ekki mikið í boltanum í fyrri hálfleik en kórónar leikinn með marki og rosalega fallegri stoðsendingu í uppbótartíma.
2. Oliver Bjerrum Jensen
Hann ásamt Elmari Kára voru hættulegustu menn Aftureldingar. Þeir sköpuðu mikið en þeim tókst ekki að gera neitt úr því.
Atvikið
Atvikið hlýtur að vera þegar Lennon tryggði Þrótti sigurinn á lokamínútunni og gerði það að verkum að Þróttarar ganga bara tiltölulega sáttir frá tímabilinu.
Hvað þýða úrslitin?
Þróttur heldur sér uppi í Lengjudeildinni en Afturelding þarf að sætta sig við annað sætið og fara í umspil við Leikni í næstu viku.
Vondur dagur
Var næstum búinn að setja þetta á Steven Lennon þar sem það sást ekki mikið til hans í leiknum en að sjálfsögðu dúkkaði hann upp og tryggði sigurinn á lokamínútunni.
Dómarinn - 8
Var bara flottur og ekkert út á að setja