Fyrsti sigur Keflavíkur frá 10, apríl staðreynd.

Viðtöl og skýrsla væntanleg.

Arnar Freyr er mættur inn á teiginn en aukaspyrna Atla Hrafns himinhátt yfir markið.

Örvar í hörkuskotfæri og nær fínu skoti en Magnús Þór bjargar!

HK freistar þess að sækja en vörn Keflavíkur þétt og lítið um svæði fyrir gestina að sækja í

Uppbótartími er að lágmarki fjórar mínútur.

HK á horn.

Dæmdir brotlegir í teignum. Keflavík á aukaspyrnu í eigin vítateig.

Gunnlaugur Fannar með skalla eftir hornið en rétt framhjá.

Nacho sækir horn fyrir Keflavík

HK fær hornspyrnu.

Arnþór Ari nær skallanum á fjær en hittir ekki markið.

Stefan Ljubicic með hörkuskot af einum tuttugu metrum eða svo en Arnar ver.

Ahmad Faqa fer niður í teignum eftir hornspyrnu og vill fá víti. Ég gat ekki séð brotið en mögulega var eitthvað í þessu.

Anton með skot á markið úr aukaspyrnu en það er þægilegt viðureignar fyrir Mathias.

Fram og aftur völlinn fer boltinn en hættuleg færi láta standa á sér. Mjög mikið um næstum þvi móment.

Herfileg mistök Arnars í marki HK, sendir boltann beint fyrir fætur Sami sem að nær skotinu en Arnar bjargar sér fyrir horn og ver.

Arnþór Ari í hörkufæri í teig Keflavíkur eftir góða sókn en setur boltann framhjá markinu.

HK að eflast en engin færi til að tala um litið dagsins ljós.

HK í basli í öftustu línu strax í blábyrjun og gefa horn.

Gestirnir hefja leik hér í síðari hálfleik.

Fjörugum fyrri hálfleik lokið hér á HS Orkuvellinum. Keflavík sýnt á sér hliðar sem við höfum því miður ekki oft séð í sumar og spilað kröftugann sóknarbolta. Sanngjörn staða í hálfleik.

Frábær sókn Keflavíkur upp vinstra megin. Muhammed finnur þar Ísak sem á stórfína fyrirgjöf yfir á fjærstöng þar sem Sami lúrir. Sami nær góðum skalla en Arnar ver glæsilega og kemur í veg fyrir mark.

Skyndisókn Keflavíkur, Sindri Þór ber upp boltann, leitar út til vinstri þar sem hann finnur Ísak sem keyrir inn á teiginn og á skot en beint á Arnar Frey fer boltinn.

Keflavík sækir og uppsker horn.

Uppbótartíminn er að minnsta kosti fimm mínútur.

Arnþór Ari með skalla að marki eftir aukaspyrnu frá vinstri en boltinn beint í fang Mathias.

Gestirnir að vinna sig betur inn í leikinn á ný og sækja,

Örvar með skot en það er laflaust og beint á Mathias.

Örvar Eggertsson fer í grasið eftir hornspyrnu. Nacho fer undir hann í baráttu um boltann og Örvar steinliggur og þarf aðhlynningu. Köll eftir vítaspyrnu en Arnar er ekki á því.

Keflavík sækir á ný,

Sindri Þór í hörkufæri hægra megin í teignum en bregst bogalistin og gestirnir bjarga í horn.

Lagleg sókn Keflavíkur, færa boltann vel frá hægri yfir til vinstri. Ísak Daði með boltann fyrir markið og Kamel með skotið en rétt framhjá.

Anton Sojberg fer niður við teiginn í eltingarleik um boltann, Arnar lætur sér fátt um finnast, Anton horfði til hans og vonaði en kvartaði ekki mikið.

Ná ágætu spili á vallarhelmingi HK sem endar með skoti frá Kamel úr D-boganum. Arnar slær boltann f?a og kastar sér á eftir honum og handsamar.

Eftir þessa mjög svo fjörugu byrjun hefur leikurinn aðeins róast hvað sóknarþunga varðar.

Keflavík er að fá víti!!!!

Brot í teignum eftir skyndisókn og Arnar bendir á punktinn.

Nacho Heras stígur upp

En hann klúðrar!

Rosalega illa gert hjá honum. Setur boltann beint á danann.

Ísak Daði reynir að böðla sér inn á teig HK en er stöðvaður áður en hann kemst of langt.

Þetta er farið af stað hér í Keflavík. Það eru heimamenn sem sparka þessu af stað.

Heimamenn í Keflavík gerir eina breytingu á liði sínu frá 4-2 tapinu gegn KA síðastliðinn miðvikudag. Edon Osmani fær sér sæti á varamannabekknum og í hans stað kemur Sindri Þór Guðmundsson inn í byrjunarliðið.

HK gerir tvær breytingar á sínu liði frá 1-1 jafnteflinu gegn Fram. Sigurbergur Áki Jörundsson fer á bekkinn og þá tekur Ívar Örn Jónsson út leikbann. Inn í þeirra stað koma þeir Atli Arnarson og Marciano Aziz

HK hefur haft sigur í báðum innbyrðis viðureignum liðanna í sumar.

Fyrst mættust liðin í Keflavík þann 14.maí síðastliðinn þar sem HK hafði 2-0 sigur með mörkum frá Arnþóri Ara Atlasyni og Örvari Eggertssyni. Úrslitin ein og sér voru ekki það eina neikvæða við leikinn fyrir Keflavík en í leiknum reif Nacho Heras liðþófa í hné of þurfti í aðgerð. Meiðsli sem að héldu honum frá vellinum fram í miðjan ágúst.

Liðin mættust svo í Kórnum þann 9.ágúst síðastliðinn og hafi HK þar 3-1 sigur. Sindri Þór Guðmundsson kom Keflavík þar yfir í fyrri hálfleik en Atli Arnarson jafnaði fyrir HK skömmu eftir hlé. Það var svo djúpt inn í uppbótartíma sem að Arnþór Ari Atlason og Eyþór Wöhler bættu við tveimur mörkum fyrir HK og tryggðu þeim sigurinn. Þessi ósigur Keflavíkur markaði svo enda á þjálfaratíð Sigurðar Ragnars Eyjólfssonar með Keflavík en hann fékk að taka pokann sinn hjá liðinu daginn eftir.

Arnar Þór Stefánsson er aðaldómari leiksins. Honum til aðstoðar eru þeir Guðmundur Ingi Bjarnason og Antoníus Bjarki Halldórsson. Guðmundur Páll Friðbertsson er fjórði dómari og eftirlitsmaður KSÍ er Eyjólfur Ólafsson.

Valgeir Valgeirsson, leikmaður Örebrö, í Svíþjóð spáir í leikina sem framundan eru en hann er uppalinn í HK.

Keflavík 0 - 5 HK

Það er laser focus hjá mínum mönnum í HK eftir svekkjandi jafntefli gegn Fram. Erlend lið munu hafa augastað á Eið Atla eftir hans frammistöðu í þessum leik með 100% pass accuracy. Atli Þór mun skora fyrsta mark leiksins, copy paste af Ronaldo skallamarki gegn Sampdoria. Average rating leikmanna HK á Fotmob verður 9,7, easy win.

Endirinn færist nær og nær fyrir Keflavík, tölfræðilega á liðið enn möguleika á að bjarga sér þótt langsótt verði að teljast að það takist. Kraftaverk hafa þó gerst áður og Keflavík þarf að treysta á eitt slíkt. Fjóra leiki á Keflavík eftir að leiknum í dag meðtöldum og situr í neðsta sæti með tólf stig níu stigum á eftir ÍBV og Fram sem sitja í næstu sætum fyrir ofan. Sigur er því lífsnauðsynlegur ætli liðið sér að eiga minnsta möguleika á þessu kraftaverki sem þó verður að teljast ólíklegt að raungerist.

Þegar maður veltir þessu tímabili Keflavíkur fyrir sér og leitar að skýringum á gengi þeirra þetta sumarið koma nokkur atriði upp í hugann. Viðvörunarbjöllur hringdu strax í vetur þegar margir lykilmenn yfirgáfu liðið sem varð efst í neðri hluta deildarinnar. Þeir leikmenn sem fengnir voru í staðinn stóðu sumir hverjir alls ekki undir væntingum og bættu litlu við liðið. Þar fyrir utan hefur liðið átt í miklum meiðslavandræðum þetta sumarið og lykilmenn eins og Nacho Heras og Sami Kamel misst af mörgum leikjum vegna meiðsla. Það er nokkuð sem liðið mátti alls ekki við enda breiddin í hópnum ekki sú mesta.

Gestirnir úr efri byggðum Kópavogs mæta til leiks á nokkuð lygnum sjó. Fimm stig skilja þá frá fallsæti sem stendur og má því segja að þeir hafi nokkuð andrými en lítið þarf þó að gerast til þess að þeir sogist niður í fallslaginn.

Það sem veldur helst áhyggjum af liði HK þessa stundina er að ansi langt er síðan að liðið fagnaði sigri, síðasti sigurleikur liðsins leit dagsins ljós þann 9.ágúst síðastliðinn þegar liðið vann 3-1 sigur gegn mótherjum sínum í dag Keflavík. Það er þó eflaust ofarlega í huga Ómars og leikmanna hans að sigur í dag fer langleiðina með að geirnegla sæti þeirra í Bestu deildinni að ári og má því reikna með því að liðið sæki stíft til sigurs í dag,

Heil og sæl kæru lesendur og verið líkt og ávallt hjartanlega velkomin til þessarar beinu textalýsingu Fótbolta.net frá HS Orkuvellinum þar sem lið Keflavíkur og HK munu mætast í annari umferð úrslitakeppni deildarinnar.

Flautað verður til leiks klukkan 14.