SKÝRSLAN: Afturelding kláraði Leikni á átta mínútum
Hvað réði úrslitum?
Þessi 8 mínútna kafli þar sem Afturelding fengu þrjú færi og tóku þau öll fáranlega vel. Í þriðja markinu vinnu Elmar Kári boltann ofarlega á vellinum og maður bara sá að það myndi koma mark úr því. Svo mikið var andleysið í þessum kafla hjá Leikni.
Bestu leikmenn
1. Ivo Braz
Mjög klassískt. Skorar eitt og leggur upp eitt og var sífellt að ógna. Fær heiðurskiptingu í lokin en hann var gjörsamlega geggjaður í dag fannst mér. Hann var akkúrat leikmaðurinn sem Afturelding þurfti fyrir þessa úrslitakeppni. Geggjaður.
2. Elmar Kári Enesson Cogic
Fannst hann geggjaður í dag. Býr til tvö mörk. Hann skoraði ekki og lagði ekkert mark upp en hann á fyrsta og þriðja markið skuldlaust. Frábær varnarlega sem sóknarlega fannst mér og einn af betri mönnum vallarins.
Atvikið
Það er erfitt að velja eitthvað atvik sem stendur upp úr þessum leik. Ætli ég velji ekki bara annað markið. Þá var maður nokkuð pottþéttur á því að Afturelding væri alltaf að fara áfram. Staðan orðin 4-1 í einvíginu og Leiknir búnir að fá á sig tvö mörk á þremur mínútum. Maður sá líka bara svipinn á fólkinu í stúkunni þá. Menn voru ekkert svaka bjartsýnir þá.
Hvað þýða úrslitin?
Tímabil Leiknis er búið en Afturelding á einn stórleik eftir. Hann fer fram á Laugardalsvelli næsta laugardag á móti Vestra. Sigurvegarinn fær 50 milljónir króna og miða í Bestu deildina.
Vondur dagur
Erfitt að velja einhvern einn í dag. Ég ætla að velja bara varnarleik Leiknis í dag. Þessi 8 mínútna kafli var skelfilegur og gerði út um þetta einvígi og tímabil Leiknis. Þetta minnti mann dálítið á byrjun tímabils Leiknis þegar þeir voru oft á tíðum að kasta leikjum frá sér með mjög klaufalegum mörkum og mistökum varnarlega.
Dómarinn - 9
Bara mjög vel dæmdur leikur fannst mér. Ekkert út á dómarateymið að setja og mér hefur fundið dómgæslan í heild sinni vera bara mjög góð í þessu einvígi.