Þetta er búið!

Víkingar snéru þessu við og fara með sigur af hólmi.

FH aðeins að ná að ýta sér ofar.

Skildi þó ekki vera að við fáum einhverja dramatík í þetta?

Víkingar að sleppa í gegn en flaggið á loft.

Fáum +4 á skiltið.

Helgi Guðjóns í flottu færi en Daði Freyr sér við honum.

Víkingar með enn eitt hornið og Aron Elís nær að flikka boltanum en Víkingar ná ekki að komast á seinni boltann.

Víkingar reyna finna glufur á vörn FH sem eru gríðarlega þéttir og sitja mjög neðarlega.

Halldór Smári með flotta fyrirgjöf sem Erlingur Agnars nær ekki að halda i leik að mati dómara.

Hornspyrna hjá Víkingum og Halldór Smári nær skalla sem Daði Freyr nær að blaka yfir markið.

Seinni hornspyrnan er svo ekkert spes.

Haraldur Einar reynir að finna Kjartan Henry á teignum en Víkingar koma boltanum frá.

Víkingar að pinna FH vel aftur.

Verður fróðlegt að sjá hvort FH nái að halda þetta út en ég myndi ekkert endilega veðja á það.

Arnar vill ýta Víkingsliðinu ofar og kallar á þá að fara ofar.

Birnir Snær er draghaltur hérna að ganga í átt að varamannabekk Víkinga.

Helgi Guðjóns sparkar okkur af stað aftur fyrir Víkinga í síðari hálfleik.

+1

Það eru FH sem leiða í hálfleik. FH hafa verið mjög flottir í þessum fyrri hálfleik.

Víkingar ekki verið alveg nógu "sharp" og spurning hvað Arnar segir í hálfleik.

Tökum okkur stutta pásu og snúum svo aftur í síðari.

+1 kemur á skiltið.

Víkingar fá enn eitt hornið.

Endar með skoti frá Karli Friðleif en eitthvað segir mér að Sölvi Geir sé ekki parsáttur með nýtinguna á þessum hornum.

Helgi Guðjóns nær að pikka boltanum til Viktor Örlygs í teignum en skotið beint á Daða Freyr sem nær að helda boltanum.

Helgi Guðjóns við það að komast í gegn og mér sýndist klárlega brotið á honum en Ívar Orri veifar bara fingri og dæmir ekkert.

Helgi allt annað en sáttur með þá ákvörðun.

Karl Friðleifur með flottan bolta fyrir markið sem Nikolaj Hansen nær að skalla en framhjá markinu. Hefur haft viðkomu af varnarmanni því hornspyrna dæmd.

Víkingar ná ekki að nýta hornspyrnuna.

Viktor Örlygur Andrason með tilraun fyrir utan teig sem Daði Freyr ver.

Birnir Snær Ingason í flottu skotfæri eftir flott 1v1 en Daði Freyr varði vel.

Þórður Inga í smá vandræðum í uppspilinu en nær að koma boltanum útaf í innkast.

Vuk Oskar með tilraun framhjá markinu.

Koma boltanum á Vuk sem reynir að koma boltanum fyrir markið en Víkingar hreinsa í annað horn.

Víkingar ná svo að verjast því horni þokkalega en það er hörku kraftur í FH þessar fyrstu mínútur.

FH í hörku sókn og fá horn.

Birnir Snær tekur hornið og Nikolaj Hansen fellur í teignum og fórnar höndum en Ívar Orri gefur æítið fyrir það og FH kemur boltanum frá.

Víkingar fá fyrsta horn leiksins. Birnir Snær með sprett sem endar í hornspynru.

Ástbjörn stingur aðeins við eftir tæklingu áðan.

Vonandi er þetta bara eitt af þessu "vont en það venst".

Vandræðagangur í öftustu línu Víkinga og Kjartan Henry fær opið færi en færið vissulega þröngt og skotið framhjá.

FH byrjar með boltann.

Stef Bestu deildarinnar ómar og liðin ganga út á völl.

Það er óvenju fámennt í stúkunni hér í kvöld.

Víkingar þurfa þó ekki að stressa sig mikið enda búnir að tryggja sér sigur í deildinni en þeir gera fimm breytingar á liði sínu frá síðasta leik. Inn koma Þórður Ingason, Viktor Örlygur Andrason, Helgi Guðjónsson, Gísli Gottskálk Þórðarson og Davíð Örn Atlason fyrir Ingvar Jónsson, Oliver Ekroth, Pablo Punyed, Danijel Dejan Djuric og Aron Elís Þrándarson.

FH eru aftur á móti í hörku baráttu um að komast í Evrópu á næsta ári og þurfa á öllum þeim stigum sem völ er á til að tryggja sig þangað. FH gerir tvær breytingar á liði sínu en inn koma Ólafur Guðmundsson og Davíð Snær Jóhannsson fyrir Gyrðir Hrafn Guðbrandsson og Dani Hatakka.

Jón Arnar Barðdal, leikmaður KFG er spámaður umferðarinnar.
Jón Arnar og félagar hans í KFG mæta Víði í úrslitaleik Fótbolta.net bikarsins á föstudag og því við hæfi að hann sé spámaður umferðarinnar.

Víkingur 3 - 0 FH
FH-ingar ennþá vel ringlaðir eftir að hafa þurft að elta Eggert og ungu Stjörnustrákana í síðustu umferð í 90 mínútur. Birnir með stórleik og setur líklegast öll þrjú mörkin.

Víkingar eru staðfestir sigurvegarar Bestu deildarinnar 2023. Það er ekkert lið sem getur náð þeim að stigum en 11 stig skilja að Víkinga og 2.sætið þegar aðeins 9 stig eru eftir í pottinum.
Víkingar töpuðu í síðustu umferð gegn Breiðablik á Kópavogsvelli en margir voru farnir að efast um að þessi vél gæti hreinlega tapað leik það sem eftir lifði móts.

Víkingar hafa átt stórkostlegt sumar í ár bæði karla og kvenna og raðað inn titlum. Víkingar eru Íslands-og bikarmeistarar karla á meðan kvennalið Víkinga er Lengjudeildarmeistari, bikarmeistari og Lengjubikarmeistari.

Víkingar hafa skorað langflest mörk allra liða í sumar eða 68 talsins.

Mörk Víkinga í sumar hafa raðast niður á:

Birnir Snær Ingason - 12 Mörk
Nikolaj Hansen - 11 Mörk
Danijel Dejan Djuric - 11 Mörk
Matthías Vilhjálmsson - 5 Mörk
Helgi Guðjónsson - 4 Mörk
Aron Elís Þrándarsson - 4 Mörk
Pablo Punyed - 3 Mörk
Gunnar Vatnhamar - 3 Mörk
Erlingur Agnarsson - 3 Mörk
Viktor Örlygur Andrason - 2 Mörk
Oliver Ekroth - 2 Mörk
Logi Tómasson - 2 Mörk
Ari Sigurpálsson - 2 Mörk
* Aðrir minna

FH eru í hörku Evrópubaráttu og sitja fyrir þessa umferð í 5.sæti deildarinnar með 37 stig líkt og Stjarnan sem er í 4.sætinu en markatalan er ekki með FH.
FH byrjaði vel í skiptingunni og sóttu flottan sigur á Kópavogsvöll áður en þeir fengu svo skell gegn Stjörnunni í síðustu umferð en Hafnfirðingar vonast til þess að Víkingar séu að taka fótinn aðeins af bensíngjöfinni og freista þess að sækja stig héðan af heimavelli hamingjunnar.

FH hafa skorað 44 mörk í sumar og hafa þessi mörk raðast niður á:

Kjartan Henrý Finnbogason - 9 Mörk
Úlfur Ágúst Björnsson - 7 Mörk
Gyrðir Hrafn Guðbrandsson - 7 Mörk
Davíð Snær Jóhannsson - 6 Mörk
Björn Daníel Sverrison - 3 Mörk
Vuk Oskar Dimitijevic - 3 Mörk
*Aðrir minna

Ívar Orri Kristjánsson fær það verkefni að halda utan um flautuna hér í kvöld og honum til aðstoðar verða Birkir Sigurðarson og Guðmundur Ingi Bjarnason.
Aðalbjörn Heiðar Þorsteinsson verður í hlutverki fjórða dómara og Viðar Helgason er eftirlitsmaður.

Verið hjartanlega velkominn í þessa þráðbeinu textalýsingu frá heimavelli hamingjunnar þars sem leikur Víkinga og FH fer fram í 3.umferð efri hluta Bestu deildar karla.