SKÝRSLAN: Stjarnan lagði Íslandsmeistarana í stórskemmtilegum leik
Hvað réði úrslitum?
Þetta var stórskemmtilegur leikur og fengu bæði lið fullt af færum. Stjarnan komust 2-0 yfir snemma leiks en eftir það óðu Víkingar í færum. Kæruleysi í teignum sagði Arnar Gunnlaugs eftir leik og held ég að það hafi verið málið. Víkingar hafa í sumar verið mjög klínískir og hafa nýtt föst leikatriði mjög vel en það var ekki upp á teningnum í dag. Stjarnan voru þó betri aðilinn í seinni hálfleik og silgdu sigrinum þægilega heim.
Bestu leikmenn
1. Eggert Aron Guðmundsson
Eggert skoraði tvö frábær mörk og var í miklu stuði í dag. Besti leikmaður deildarinnar um þessar mundir að mínu mati.
2. Emil Atlason
Emil skoraði ekki í dag en átti tvær stoðsendingar og hefði hæglega getað skorað.
Árni Snær og Örvar Logi áttu einnig góðan dag.
Atvikið
Mark Hilmars Árna var mjög smekklegt. Hilmar tók skot rétt fyrir framan miðjuboga sem fór yfir Þórð Ingason sem stóð framarlega í marki Víkinga.
Hvað þýða úrslitin?
Víkingur R. eru tvöfaldir meistarar og það er ekkert sem breytir því.
Stjarnan tryggði sér sæti í í forkeppni Sambandsdeildarinnar og eru komnir í 3. sæti deildarinnar.
Vondur dagur
Erlingur Agnarsson reymdi ekki á sig markaskóna í dag en hann klúðraði nokkrum góðum færum, Helgi Guðjóns skoraði en hann hefði átt að vera með fleiri mörk.
Halldór Smári var ekki á sínum degi í varnarleik Víkinga.
Dómarinn - 8
Twana Khalid Ahmed og félagar voru flottir í dag, ein ákvörðun hér og þar sem ég var ósammála, en engin stór mistök.