En hafðist! Heldur betur senur í þessum leik. Ekki annað hægt að segja en að þetta hafi þegar allt er talið úr pokanum verið sanngjarn sigur.

Armandas Kucys í færi í teignum, fer framhjá Loga en Hlynur Freyr bjargar með geggjaðri tæklingu. Litáen fær hornspyrnu.

Ísland á markspyrnu. Þetta er að landast. Stefnir í að Ísland verði með fullt hús eftir fyrstu tvo leiki sína.

Mikael Egill gerir vel, kemur sér í hörkufæri en Rimvydas Kiriejevas fer út úr marki sínu og nær að loka.

Ernestas Burdzilauskas brýtur á Eggerti við miðlínuna. Sleppur með tiltal.

Hornspyrnan tekin. Beint á Mikael Egil sem setur boltann afturfyrir aftur. Annað horn.

Eftir þá hornspyrnu á Nojus Stankevicius slappt skot vel framhjá.

Litáen með hættulega fyrirgjöf, Valgeir setur boltann í horn.

Fullt eftir af þessu.

Benoný Breki fékk höfuðhögg en er staðinn á fætur.

Eggert Aron reynir skot en varnarmaður nær að kasta sér fyrir.

Litáen spilar níu gegn tíu síðustu mínúturnar. Þeir eru búnir með skiptingahólfin sín.

Motiejus Burba brýtur á Mikael Agli og meiðist í leiðinni. Ísland á aukaspyrnu með fyrirgjafarmöguleika frá vinstri. Burba biður um skiptingu. Dómarinn kallar eftir börum.

Litáen með sendingu inn í teiginn en Gustas Jarusevicius nær ekki til boltans.

Benoný Breki Andrésson flaggaður rangstæður.

Andri Fannar Baldursson með tilraun en yfir markið.

Maður er hreinlega enn að jafa sig eftir þessar senur hérna áðan.

Með boltann.

Logi Hrafn að skýla boltanum, samskiptamistök milli hans og Lúkasar. Armandas Kucys kemst á milli, brotið á honum. Víti og rautt.

Alveg skelfilegt.

Rétt framhjá! Nálægt því að tvöfalda forystuna.

Óhætt að segja að staðan sé góð þessa stundina!

Ernestas Burdzilauskas þarf aðhlynningu.

Mikael Egill með skot sem er varið.

Deividas Dovydaitis geysist fram, leikur á Hlyn Frey með gabbhreyfingu og er einn gegn markverði en skotið arfadapurt og beint á Lúkas! Sem betur fer!

Miðað við hversu mun betra íslenska liðið hefur verið þá vill maður fá fleiri opin færi. Í þessum skrifuðu orðum á Danijel Djuric skot sem Kiriejevas ver í horn.

Tvöföld skipting í vændum hjá heimamönnum. Þetta hlýtur að fara að detta hjá okkar liði.

Allt á suðupunkti. Læti rétt fyrir utan vítateiginn og þvaga myndast. Einhver Litái féll eftir baráttu við Mikael Egil.

Ísland algjörlega með tögl og haldir. Litáar hafa varla komist yfir miðju hérna í seinni hálfleiknum. Vonandi ná okkar strákar að nýta þessa yfirburði til þess að skora fyrsta mark leiksins.

Ísland fær aukaspyrnu með fyrirgjafarmöguleika frá hægri. Fimbulfamb í teignum og Litáar koma boltanum frá.

Danijel Dejan Djuric með spyrnuna, hittir á markið en boltinn beint á Kiriejevas sem slær hann frá.

Brotið á Djuric 7 metrum fyrir utan teiginn. Ljómandi staðsetning fyrir aukaspyrnu. Koma svo!

Ísland fékk hornspyrnu frá hægri. Andri Fannar með spyrnuna. Varnarmaður Litáa kemur boltanum frá.

Danijel Dejan Djuric með fyrirgjöf, Mikael Egill kemur á siglingu við fjærstöngina og tekur skot úr nokkuð þröngu færi. Kiriejevas nær að loka.

Danijel Dejan Djuric geysist fram í sókn en nær ekki nægilega góðri sendingu. Lofandi sókn sem hefði verið hægt að nýta betur.

Kristall Máni tók miðjuna og seinni hálfleikur er farinn af stað.

Marktilraunir: 5-6
Hornspyrnur: 0-2
Rangstöður: 2-0

Hilmir Rafn í færi í teignum en of seinn að athafna sig og varnarmaður kemst fyrir. Íslenska landsliðið klárlega líklegra.

Kristall Máni með fyrirgjöf eftir góða sókn, Hilmir Rafn nálægt því að ná til boltans.

Skot úr teignum. Þetta var hörkufæri.

Hilmir Rafn Mikaelsson vinnur hornspyrnu. Andri Fannar býr sig undir að taka spyrnuna, eins og öll föst leikatriði Íslands.

Barátta í teignum en Kiriejevas nær boltanum.

Djuric með fallhlífarbolta inn á teiginn sem Rimvydas Kiriejevas á ekki í vandræðum með.

Gabrielius Micevicius brýtur á Eggerti á vinstri kantinum. Andri Fannar býr sig undir að taka aukaspyrnuna og koma með fyrirgjöf.

Ágætis sending inn í teiginn en varnarmaður heimamanna fyrstur í boltann.

Andri Fannar með sendingu inn í teiginn, Danijel Dejan Djuric fellur í teignum en ekkert dæmt.

Heimamenn ná fínni skottilraun, boltinn breytir lítillega um stefnu sem gerir þetta krefjandi fyrir Lúkas en hann nær að verja.2

Heimamenn tapa boltanum á hrikalega slæmum stað, Mikael Egill fær boltann og lætur vaða nokkuð fyrir utan teiginn. Nær fínu skoti sem fer nuaumlega framhjá.

Vó, misskilningur í vörn Íslands. Lúkas markvörður var kominn talsvert út en nær að koma hendi í boltann við vítateigsendann. Stuttu seinna eiga Litáar svo fína skottilraun en Lúkas vandanum vaxinn í markinu.

Ólafur Guðmundsson tapar boltanum klaufalega og Litáar geysast í sókn en sem betur fer fara þeir illa með þetta tækifæri.

Valgeir brýtur á leikmanni heimamanna fyrir utan teig. Þetta er skotfæri fyrir Litáa.

Armandas Kucys lætur vaða en ekki mikill kraftur og Lúkas Petersson ekki í vandræðum með að verja.

Kristall með hættulega sendingu á Danijel en Kiriejevas markvörður kemur út og nær að loka á síðustu stundu.

Litáar í hættulega skyndisókn eftir feilsendingu Andra Fannars. Gabrielius Micevicius með slaka fyrirgjöf og þetta rennur út í sandinn hjá heimamönnum.

Martynas Dziugas virðist hafa fest takkana í gervigrasinu, það er haldið á honum útaf í aðhlynningu og leikurinn fer aftur af stað.

Kristupas Kersys með skalla til baka, Hilmir Rafn nálægt því að ná að stela boltanum en á endanum nær Rimvydas Kiriejevas markvörður heimamanna að handsama knöttinn.

Valgeir Valgeirsson með skot eftir hornspyrnuna, setur mikinn kraft í skotið en hittir boltann illa og hann flýgur óralangt framhjá.

Eggert Aron með flotta fyrirgjöf en vantar meiri græðgi í íslenska liðið í teignum. Motiejus Burba kemur boltanum í hornspyrnu.

Ísland fær aukaspyrnu en það er hinsvegar Martynas Dziugas sem liggur eftir í baráttunni og þarf aðhlynningu. Braut á Eggerti Aroni og Ísland fær aukaspyrnu með fyrirgjafarmöguleika.

Eggert Aron á Danijel sem á fyrirgjöf en leikmaður Litáa nær að koma boltanum frá. Ísland heldur aftur í sókn en Kristall Máni dæmdur brotlegur. Dæmd bakhrinding en þetta virkaði alls ekki mikið.

Litáen í sókn en flaggið fór á loft. Titas Buzas dæmdur rangstæður.

Hilmir Rafn Mikaelsson með skot framhjá af nokkuð löngu færi. Íslenska liðið sterkara hér í upphafi, eins og búast mátti við.

Mikael Egill með fyrirgjöf en bakvörður Litáen sat eftir í baráttunni, Mikael dæmdur brotlegur og heimamenn fá aukaspyrnu. Annars frekar tíðindalitlar þessar fyrstu mínútur.

Lúkas
Valgeir - Hlynur - Logi - Ólafur
Andri - Djuric - Eggert
Kristall - Hilmir - Mikael

Mínútu þögn fyrir leik til minningar um stuðningsmenn Svíþjóðar sem létust í skotárás í Brussel í gær.

Verið er að leika þjóðsöngvana. Andri Fannar er með fyrirliðaband Íslands í dag. Strákarnir taka vel undir í lofsöngi Matthíasar Jochumssonar.

Davíð Snorri Jónasson gerir fjórar breytingar frá síðasta leik.

Valgeir Valgeirsson, Danijel Dejan Djuric, Mikael Egill Ellertsson og Hilmir Rafn Mikaelsson koma inn í byrjunarliðið. Mikael Egill var í A-landsliðshópnum í síðasta mánuði.

Andri Lucas Guðjohnsen, Jakob Franz Pálsson og Ísak Andri Sigurgeirsson og Óskar Borgþórsson fara úr byrjunarliðinu. Andri Lucas var í A-landsliðshópnum.

????? Davíð Snorri Jónasson, þjálfari U21 liðs karla kom í létt spjall eftir æfingu dagsins

????????Litháen - ???????? Ísland

???? Þriðjudaginn 17. október klukkan 15:00

???? Í beinu streymi hér! https://t.co/3kQakNJvoZ pic.twitter.com/PRgBIgfAHD

— Knattspyrnusambandið (@footballiceland) October 16, 2023

????? Andri Fannar Baldursson kom í létt spjall eftir æfingu dagsins

????????Litháen - ???????? Ísland

???? Þriðjudaginn 17. október klukkan 15:00

???? Í beinu streymi hér! https://t.co/3kQakNJvoZ pic.twitter.com/K7smXNS0Rr

— Knattspyrnusambandið (@footballiceland) October 16, 2023

Það koma tveir nýir inn í hópinn frá því síðast. Benoný Breki Andrésson kemur inn í staðinn fyrir Andra Lucas Guðjohnsen sem var kallaður upp í A-landsliðið. Benoný hefur verið að spila frábærlega með KR í Bestu deildinni upp á síðkastið.

Þá kemur Mikael Egill Ellertsson einnig inn í hópinn eftir að hafa ekki verið valinn í A-landsliðið að þessu sinni.

   04.10.2023 10:49

U21 hópurinn - Tveir koma nýir inn frá síðasta hóp

Ísland 2 - 1 Tékkland
1-0 Andri Lucas Guðjohnsen ('44)
1-1 Christophe Kabongo ('87)
2-1 Andri Fannar Baldursson ('94)

Ísland hefur leikið einn leik í riðlinum, liðið tók á móti Tékklandi á Víkingsvelli og úr varð hörkuleikur. Andri Lucas Guðjohnsen kom Íslandi yfir en hann er ekki með U21 liðinu í þessu verkefni þar sem hann er með A-landsliðinu.

Tékkar jöfnuðu seint í leiknum en Andri Fannar Baldursson skoraði sigurmarkið með glæsilegu skoti í uppbótartíma.

Hér verður fylgst með leik Litáen og Íslands í I-riðli undankeppni EM U21 landsliða en Luis Teixeira frá Andorra flautar leikinn á klukkan 15 að íslenskum tíma.

Litáen hefur leikið tvo leiki til þessa, báða á heimavelli. Liðið tapaði 1-2 gegn Danmörku og 2-3 gegn Wales og er því enn án stiga.