Andri Fannar Baldursson.
Age Hareide, landsliðsþjálfari Íslands, var á vellinum þegar íslenska U21 landsliðið vann 2-1 sigur gegn Tékklandi í síðasta mánuði.
Hann segir að samtalið á milli sín og Davíðs Snorra Jónassonar, þjálfara U21 landsliðsins, sé mjög virkt og það sé mjög mikilvægt. Hann segir að Davíð sé að vinna gott starf.
Hann segir að samtalið á milli sín og Davíðs Snorra Jónassonar, þjálfara U21 landsliðsins, sé mjög virkt og það sé mjög mikilvægt. Hann segir að Davíð sé að vinna gott starf.
Andri Fannar Baldursson var besti maður vallarins í sigri U21 landsliðsins gegn Tékklandi en hann hefur verið að koma ferli sínum aftur vel af stað að undanförnu.
Hareide segir að Andri Fannar sé nálægt A-landsliðinu.
„Andri Fannar er nálægt hópnum," segir Hareide. „Hann hefur verið að spila reglulega með Elfsborg."
„Við spilum aðeins öðruvísi en U21 landsliðið. Ég hef verið að tala við Davíð um það og ég hef gefið honum skilaboð um það sem ég vil sjá frá Andra Fannari. Það er á milli mín, Davíðs og leikmannsins. Hann veit að það hann er nálægt hópnum."
„Hann æfði með okkur í júní og ég var mjög ánægður með hann þá. Hann veit það. Hann verður bara að halda áfram. Við verðum líka að hugsa út í það hvort það sé betra fyrir hann á þessari stundu að vera á bekknum í A-landsliðinu eða að spila með U21 gegn Litháen," sagði landsliðsþjálfarinn.
Athugasemdir
