SKÝRSLAN: Valskonur bestar á landinu
Hvað réði úrslitum?
Breiðablik byrjuðu leikinn vel og komust yfir en Valur setti tvö mörk á einni mínútu sem varð til þess að Valur unnu leikinn. Blikakonur lágu á vítateig Vals undir restina en ekkert mark kom.
Bestu leikmenn
1. Kate Cousins
Mér fannst hún stórkostleg í dag. Gerði vel í að refsa Blikum þegar Valskonur komust yfir og var að ógna trekk í trekk með mögnuð gæði og fleira.
2. Amanda Jacobsen Andradóttir
Mér fannst hún stórkostleg og það er magnað að hún sé ennþá að spila á Íslandi. Skoraði eitt og hefði getað sett annað.
Atvikið
Klárlega bara þessi eina mínúta þegar Valur svöruðu tvö og tóku forystuna. Breiðablik steinsofandi og Valskonur refsuðu.
Hvað þýða úrslitin?
Valur eru Lengjubikarsmeistrar árið 2024 en Breiðablik tekur silfrið.
Vondur dagur
Erfitt að velja einhvern einn. Bæði lið spiluðu vel í dag að mínu mati og það hefði alls ekki verið ósanngjörn niðurstaða ef leikurinn hefði endað í 2-2 eftir 90 mínútur. Skrifum þetta á KSÍ fyrir að setja Breiðablik í erfiða stöðu með stuttum fyrirvara. Meira um það í viðtali við Nik eftir leik.
Dómarinn - 9
Bara mjög góður leikur hjá Arnari og hans teymi. Ekkert að mínu mati hægt að setja út á þá. Eitt atvik samt. Valskonur væru komnar þrjár á þrjá þegar hann flautar og dæmir aukaspyrnu fyrir Val í staðinn fyrir að beita hagnaði.