Allegri orðaður við Man Utd - Modric að framlengja við Real Madrid
Fylkir
3
4
KR
0-1 Theodór Elmar Bjarnason '23
Benedikt Daríus Garðarsson '43 1-1
1-2 Luke Rae '71
1-3 Atli Sigurjónsson '73
1-4 Atli Sigurjónsson '80
Halldór Jón Sigurður Þórðarson '81 2-4
Þórður Gunnar Hafþórsson '92 3-4
Rúnar Páll Sigmundsson '97
07.04.2024  -  19:15
Würth völlurinn
Besta-deild karla
Aðstæður: Sturlað gluggaveður!
Dómari: Jóhann Ingi Jónsson
Áhorfendur: 1521
Maður leiksins: Luke Rae
Byrjunarlið:
1. Ólafur Kristófer Helgason (m)
2. Ásgeir Eyþórsson (f)
5. Orri Sveinn Stefánsson (f)
9. Matthias Præst Nielsen
10. Benedikt Daríus Garðarsson
17. Birkir Eyþórsson
18. Nikulás Val Gunnarsson
22. Ómar Björn Stefánsson ('74)
27. Arnór Breki Ásþórsson
72. Orri Hrafn Kjartansson ('88)
80. Halldór Jón Sigurður Þórðarson ('88)

Varamenn:
12. Guðmundur Rafn Ingason (m)
4. Stefán Gísli Stefánsson
11. Þórður Gunnar Hafþórsson ('74)
19. Arnar Númi Gíslason
21. Aron Snær Guðbjörnsson
25. Þóroddur Víkingsson ('88)
70. Guðmundur Tyrfingsson ('88)

Liðsstjórn:
Rúnar Páll Sigmundsson (Þ)
Björn Metúsalem Aðalsteinsson
Óðinn Svansson
Halldór Steinsson
Arnór Gauti Brynjólfsson
Olgeir Sigurgeirsson
Smári Hrafnsson

Gul spjöld:
Rúnar Páll Sigmundsson ('29)
Ásgeir Eyþórsson ('77)
Benedikt Daríus Garðarsson ('83)
Benedikt Daríus Garðarsson ('96)
Nikulás Val Gunnarsson ('96)

Rauð spjöld:
Rúnar Páll Sigmundsson ('97)
97. mín Rautt spjald: Rúnar Páll Sigmundsson (Fylkir)
Þjálfari Fylkis fékk rautt spjald í mótmælum eftir leik.
Elvar Geir Magnússon
Leik lokið!
WOW! Ég sagði það fyrir leik að þetta myndi vera leikur umferðarinnar og við fengum hann og mark umferðarinnar og jafnvel tímabilsins.

Fylkismenn allt annað en sáttir undir lokin. Vildu fá aukaspyrnu þegar Jóhann flautar leikinn af.

Ætla aðeins að jafna mig og taka síðan einhver viðtöl og reyna að skrifa skýrlsu.

WOW ég segi bara takk fyrir mig Besta!
96. mín Gult spjald: Benedikt Daríus Garðarsson (Fylkir)
Þrenna! Raðspjöldun hjá Jóhanni Inga dómara
Elvar Geir Magnússon
96. mín
ÞAÐ ER EIN LOKASÓKN Í ÞESSU!!
96. mín Gult spjald: Aron Þórður Albertsson (KR)
96. mín Gult spjald: Nikulás Val Gunnarsson (Fylkir)
95. mín
Alvöru hiti!!! Fylkismenn vilja fá vítaspyrnu og skömmu seinna er dæmt brot á Fylki og allt tryllist!!
94. mín
ÞEIR LIGGJA Á VÍTATEIG KR!
92. mín MARK!
Þórður Gunnar Hafþórsson (Fylkir)
HVAÐA ÞVÆLA ER Í GANGI?!? Fylkismenn keyra upp völlinn. Varamennirnir!

Guðmundur Tyrfings fær boltann inni á teig KR og kemur með hann á fjærstöngina þar sem Þórður Gunnar er einn með markið fyrir framan sig og klárar!!

Fáum við drama?!?!?
92. mín
Luke Rae fær boltann inn fyrir vörn Fylkis og tekur skotið í fyrsta. Ólafur Kristófer kemur á móti boltanum, glórulaust úthlaup. Luke tekur skotið í fyrsta sem fer rétt yfir markið!
91. mín
+4 í uppbót
91. mín
Dæmt sóknarbrot á Fylki
90. mín
Fylkir að fá horn! Benedikt keyrir upp völlinn inn á teiginn og kemur með hann fyrir. Finnur Fylkismann á fjærstönginni en boltinn fer af varnarmanni KR og aftur fyrir.
88. mín
Inn:Aron Þórður Albertsson (KR) Út:Theodór Elmar Bjarnason (KR)
88. mín
Inn:Guðmundur Tyrfingsson (Fylkir) Út:Halldór Jón Sigurður Þórðarson (Fylkir)
88. mín
Inn:Þóroddur Víkingsson (Fylkir) Út:Orri Hrafn Kjartansson (Fylkir)
83. mín Gult spjald: Benedikt Daríus Garðarsson (Fylkir)
81. mín MARK!
Halldór Jón Sigurður Þórðarson (Fylkir)
Stoðsending: Nikulás Val Gunnarsson
ÉG Á BARA EKKI TIL EITT AUKATEKIÐ ORÐ! Fylkismenn hafa ekki sungið sitt síðasta og eru búnir að minnka muninn!

Nikulás Val kemur með glæsilegan bolta inn fyrir vörn KR-inga á Halldór Jón sem er kominn einn gegn Guy í markinu. Guy kemur aðeins út úr markinu en Halldór klárar mjög vel í markið. KR-ingarnir ósáttir með eitthvað í aðdragandanum, vildu líklega aukaspyrnu.

Maður er rétt að ná andanum!
80. mín MARK!
Atli Sigurjónsson (KR)
BEINT ÚR HORNI! Þá er þetta endanlega búið fyrir Árbæinga, hræðilegur lokakafli!

Atli Sigurjóns tekur hornspyrnu inn í pakkann í markmansteignum. Nema hvað. Boltinn fer bara yfir allan pakkann og í netið!

Annað mark Atla.
79. mín
1.521 manns á vellinum í kvöld!
79. mín
KR að fá horn!
79. mín
KR-ingarnir í stúkunni byrjaðir að syngja 'Við verðum Íslandsmeistarar', er Gregg Ryder að leyfa Vesturbæingum að dreyma?
77. mín Gult spjald: Ásgeir Eyþórsson (Fylkir)
74. mín
Inn:Þórður Gunnar Hafþórsson (Fylkir) Út:Ómar Björn Stefánsson (Fylkir)
73. mín MARK!
Atli Sigurjónsson (KR)
HVAÐ ER AÐ GERAST?! KR eru búnir að tvöfalda forystuna!

Fylksimenn fá aukaspyrnu út við hliðarlínu og koma honum inn á teiginn. Þar myndast mikið klafs en Kristján Flóki nær að hreinsa boltanum í burtu. Hreinsunin endaði á því að vera stoðsending því varamaðurinn Atli Sigurjónsson fær boltann í gegn og er komin einn gegn Ólafi og klárar glæsilega.

Í kjölfarið meiðist hann en eins og ég skrifaði þegar hann kom inn á þár er hann í mjög lélegu leikstandi.

En RIISSSAAAMARK fyrir KR-inga og þeir taka við sér í stúkunni!
71. mín MARK!
Luke Rae (KR)
Stoðsending: Kristján Flóki Finnbogason
MARK UMFERÐARINNAR (TÍMABILSINS?)! KR-ingarnir eru komnir yfir!

Aron með innkast á Kristján Flóka sem tekur hælsendingu í fyrsta í loftinu í gegn á Luke Rae sem tekur skotið í fyrsta beint í samskeytin.

Þetta er klárlega mark umferðarinnar, og jafnvel tímabilsins. TRUFFLUÐ GÆÐI!
70. mín
Kristján Flóki óheppinn Luke Rae með glæsilega fyrirgjöf í fyrsta inn á teiginn. Boltinn dettur mjög vel fyrir Kristján Flóka sem er aleinn inni á teig Fylkismanna en hann virðist ekki hitta boltann. Óheppinn Kristján.
69. mín
Borðtennis! KR-ingar hreinsa og Luke Rae keyrir upp í skyndisókn en er stoppaður. Þá koma Fylkismenn og sækja að marki KR!
67. mín
Fylkismenn að fá aukaspyrnu á stórhættulegum stað!
66. mín
Axel heppinn! Axel Óskar með slaka sendingu til baka á Guy í markinu. Benedikt Daríus kemst fyrir sendinguna og er kominn einn í gegn en Guy Smit gerir frábærlega og kemur út í þetta og tæklar í horn.
66. mín
Aron Kristófer tekur spyrnuna sem svífur yfir allan pakkann og í markspyrnu.
65. mín
KR að fá horn! Orri hreinsar í horn.
65. mín
KR-ingarnir hafa verið betri í seinni hálfleik en Fylksimenn hafa fengið nokkrar stórhættulegur stöður líka til að komast yfir. KR-ingarnir verða að fara að nýta sér vindinn.
61. mín
DAUÐAFÆRI! Jóhannes með hornið inn á teiginn, boltinn fer á markið en Ómar Björn hreinsar beint á Ægi Jarl sem er með autt markið fyrir framan sig en fær líklega of lítinn tíma til að hugsa og tekur skotið framhjá.
61. mín
Annað horn! KR-ingar pakka markmannsteiginn en Ólafur gerir gífurlega vel að kýla í annað horn.
60. mín
Annað horn Fylkismenn skalla í burt, Luke Rae fær þá boltann og tekur skotið í varnarmann og aftur fyrir.
60. mín
KR að fá horn
59. mín Gult spjald: Axel Óskar Andrésson (KR)
Fyrir gamalt brot á Præst sem fór illa með hann.
57. mín
KR með vindinn í bakinu Ólafur Kristófer með markspyrnu upp völlinn. Boltinn fýkur bara nánst alla leið til baka. Mjög hvasst í Árbænum og KR með hann í bakinu.
55. mín
KR byrjar ívið betur Luke Rae fær boltann í gegn eftir að sending frá Theodóri Elmari fer í varnarmann. Vínkillinn var samt alls ekkert góður fyrir skot og boltinn fer út í sundlaug.
54. mín
Aron Kristófer fær boltann á hægri vængnum og neglir boltanum fyrir markið en þar er Ólafur Kristófer vel á verði og nær að kasta sér í boltann.
53. mín
Byrjar frekar rólega Seinni hálfleikurinn byrjar afar rólega. Smá hasar í þessu, menn eru að fara í tæklingar og láta vita af sér. Ekkert mikið opnanir samt í þessu hingað til.
50. mín
Inn:Atli Sigurjónsson (KR) Út:Hrafn Tómasson (KR)
Lítur alls ekki vel út hjá Hrafni. Óskum honum alls hins besta!

Atli samt einungis búinn að spila 90 mínútur síðan í nóvember. Áhugavert að sjá hvernig standið á honum er.
46. mín
Hrafn núna meiddur Hrafn, sem kom inn á fyrir Aron Sig, sem þurfti að fara útaf vegna meiðsla, er sjálfur meiddur og liggur niðri. Nær líklega ekki að halda leik áfram.
46. mín
Seinni hálfleikur hafinn! Það eru Fylkismenn sem koma okkur aftur í gang, góða skemmtun!
Lýsari úr efstu hillu!
45. mín
Hálfleikur
Mjög skemmtilegur hálfleikur að baki.

Líkt og ég skrifaði hérna fyrir leik, þá veður þetta skemmtilegasti og mest spennandi leikurinn í þessari 1. umferð.

Tökum okkur korter. Mæti svo að vörmu spori með seinni hálfleikinn sem verður vonandi skemmtilegur líka!
45. mín
+1 í uppbót
43. mín MARK!
Benedikt Daríus Garðarsson (Fylkir)
Stoðsending: Matthias Præst Nielsen
GULLFALLEGT MARK! MATTHIAS PRÆST HNEIGÐU ÞIG!

Fylkismenn með frábæra sókn. Matthias Præst fer illa með Alex Þór Hauksson inni á teig Fylkismanna. Hann rennir boltanum síðan út á Benedikt Daríus sem er aleinn inni á teig KR-inga. Hann tekur þá skotið í fjær hornið og mark! Ekkert mjög ólik afgreiðsla og í markinu hjá Theodóri hjá KR áðan.

Þeir jafna á markamínútunni!
42. mín
Löng sókn KR-inga sem endar með skoti frá Hrafni sem fer í varnarmann og Ólafur handsamar svo boltann.

Þrátt fyrir þetta skot er þetta búið að vera mjög rólegt seinustu mínútur.
39. mín
Fylkismenn betri þessar undanfarnar mínútur
36. mín Gult spjald: Aron Kristófer Lárusson (KR)
Fyrir að sparka boltanum í burtu sýndist mér
35. mín
Arnór Breki tekur hornspyrnuna sem fer yfir allan pakkan og í markspyrnu.
35. mín
Fylkismenn að fá hornspyrnu!
34. mín
Ásgeir Eyþórs með geggjaða tæklingu! Ásgeir Eyþórs vinnur boltann á miðsvæðinu eftir frábæra tæklingu. Hann keyrir upp völlinn, sendir Halldór Jón í gegn en hann var fyrir innan. Líklega mjög tæpt.
30. mín
KR-ingarnir ná að hreinsa boltanum í burtu, Fylkismenn vinna boltann fljótlega aftur og ná ekki að gera sér mat úr því. Matthias Præst nær skalla sem er alls ekki nógu góður og Guy Smit ver þægilega.
29. mín
Fylkismenn fá annað horn! Finnur Tómas hreinsar í annað horn.
29. mín Gult spjald: Rúnar Páll Sigmundsson (Fylkir)
Vildi líklega fá víti eftir fyrirgjöfina úr aukaspyrnunni.
28. mín
Fylkismenn fá horn! Axel Óskar hreinsar í horn
28. mín
Fylkismenn fá aukaspyrnu út við hornfána.
26. mín
Inn:Hrafn Tómasson (KR) Út:Aron Sigurðarson (KR)
Aron Sig fer af velli
23. mín MARK!
Theodór Elmar Bjarnason (KR)
Stoðsending: Ægir Jarl Jónasson
STÓRGLÆSILEG AFGREIÐSLA! Eins ég var nýbúinn að skrifa, þá lágu KR-ingarnir á Fylkisteignum og þeir uppskáru mark!

Sýndist það vera Ómar Björn sem vinnur boltann inni í teig Fylkismanna. Hann nær ekki að koma boltanum í burtu, eða gerir það allavegana ekki, og tapar boltanum á stórhættulegum stað inni í teig Fylkismanna. Ægir Jarl rúllar þá boltanum út á Theodór Elmar sem tekur eina snertingu og tekur skotið í fjær hornið sem syngur í netinu!

Stórglæsileg afgreiðsla!
23. mín
KR-ingarnir liggja á Fylksimönum þessa stundina!
20. mín
Ekki góð aukaspyrna Matthias Præst tekur skotið úr aukaspyrnunni en boltinn fer yfir. Aukaspyrna á besta stað en hræðileg útfærsla.
20. mín
Fylksimenn að fá aukaspyrnu á stórhættulegum stað!
19. mín
Næstum því nett Boltinn kemur inn á teiginn en Guy Smit kýlir boltann frá. Þá fær Matthias Præst boltann rétt fyrir utan teig KR, flikkrar yfir varnarmann en skotið var ekki gott. Boltinn fór út í sundlaug.
18. mín
Benedikt! - Fylkir fær horn! Einn inni á teignum og tekur skotið sem virðist hafa farið í varnarmann og aftur fyrir samkvæmt Jóhanni.
17. mín
Orri til bjargar! Jóhannes Kristinn keyrir fram upp völlinn. Með Lue Rae hægra megin við sig og Kristján vinstra megin. Hann rennur honum á Kristján en Orri Sveinn nær að pota tánni í þetta og bjargar Fylkismönnum í bili!
15. mín
MAAAARRKKK.... rangur! Jóhannes tekur spyrnuna inn á teiginn. Ásgeir Eyþórs skallar þá frá beint á, sýndist mér Luke Rae, sem tekur skotið í fyrsta og Ólafur ver. Boltinn fer þá út í teiginn á Finn Tómas sem klárar en flaggið fór á loft.

Sýndist þetta vera réttur dómur við fyrstu sýn.
14. mín
KR fær horn! Sýndist það vera Orri Sveinn sem setti hann aftur fyrir. Næstum því sjálfsmark!
10. mín
Ekki mikið að frétta þessar fyrstu 10 mínútur fyrir utan sláarskotið hans Luke Rae. KR-ingar ívið betri.
8. mín
Byrjunarliðin KR (4-3-3)
Guy Smit
Jóhannes - Finnur - Axel - Aron Kristófer
Theodór - Ægir - Alex Þór
Luke Rae - Kristján- Aron Sig

Fylkir (4-2-3-1)
Ólafur
Birkir - Orri - Ásgeir - Arnór
Nikulás - Orri
Ómar - Præst - Benedikt
Halldór Jón
4. mín
KR fær hornspyrnu Jóhannes Kristinn og Theodór Elmar taka hana stutt en Jóhannes flaggaður fyrir innan. Klaufar.
3. mín
Sláin! Kristján Flóki fær boltann inn á teig Fylkismanna frá Aroni Sig. Kristján kemur þá með boltann fyrir markið sem Ólafur ver út í teiginn. Þar er Luke Rae sem neglir boltanum í þverslána!

Allir í Árbænum sáu þennan inni!
1. mín
Þá er þetta bara byrjað!

Ég segi bara góða skemmtun ágætu lesendur!
Fyrir leik
Heiðursgestur Fyrsti formaður knattspyrnudeildar Fylkis, Óskar Sigurðsson, er heiðursgestur í kvöld hjá Fylki. Það er verið að kynna sögu Óskars og knattspyrnudeildar Fylkis rétt í þessu. Merkilegur maður sem á stóran þátt í sögu Fylkis!
Fyrir leik
Fylkismenn með lukkudýr sem er tígrisdýr. Hann er að kveikja í stúkunni.
Fyrir leik
Liðin ganga til vallar Liðin ganga þá til vallar. Það er bara þokkaleg mæting. KR-ingarnir láta vel í sér heyra og það er stemning í Árbæingum líka!
Fyrir leik
Styttist Liðin halda þá til búningsklefa og gera sig klár í slaginn!

Viðurkenni það, er spenntur!
Fyrir leik
Orri Hrafn byrjar Þau eru komin í hús!

Það var búið að ræða mikið hvort Benedikt Daríus myndi ná að byrja í kvöld en hann byrjar fyrir Árbæinga. Orri Hrafn sem er nýkomin á lán heim í Árbæinn frá Val byrjar í kvöld. Þá mun danski miðjumaðurinn Matthias Præst Nielsen þreyta frumraun sína í Bestu deildinni í kvöld með Fylkismönnum.

Mynd: Fótbolti.net - Hafliði Breiðfjörð

Benoný Breki ekki með en Aron Sig í byrjunarliðinu

Gregg Ryder, þjálfari KR, stillir upp feykisterku liði í sínum fyrsta Bestu deilarleik með KR. Það var mikið búið að ræða og rita hvort Aron Sig myndi byrja í kvöld vegna meiðsla. En framherjinn er í byrjunarliðinu sem eru frábærar fréttir fyrir KR-inga. Hins vegar er enginn Benoný Breki í hóp KR en það var einnig vitað fyrir leik að hann væri tæpur. Þá byrja nýju leikmennirnir Axel Óskar og Alex Þór í kvöld.
Mynd: KR

Fyrir leik
Herra Besta Deildin spáir í spilin Guðmundur Benediktsson, þáttastjórnandi Stúkunnar á Stöð 2 Sport, spáir í leikina sem eru í 1. umferð deildarinnar.

Fylkir 1 - 1 KR (19:15 á sunnudag)
En kannski 2-2. Án Arons Sig nær KR ekki í sigur í Lautinni.

Mynd: Fótbolti.net - Hafliði Breiðfjörð

Fyrir leik
Sigurmarkið úr bikarleiknum í fyrra
Fyrir leik
Fyrri viðureignir liðanna Þrátt fyrir að liðin hafi endað sitthvoru megin í töflunni í tvískiptingunni í fyrra þá spiluðu þau samt sem áður þrisvar sinnum gegn hvoru öðru. En þau drógust saman í Mjólkurbikarnum. Í þeim bikarleik unnu KR 4-3 í mögnuðum fótboltaleik. Nokkru dögum eftir bikarleikinn fór fram Bestu deildarleikur í Árbænum milli liðanna sem var einnig bráðskemmtilegur og fór 3-3. Seinni leikur liðanna í fyrra fór 2-0 fyrir KR í Vesturbænum.




Tölfræði úr viðureignunum
Leikir: 81
Fylkis sigrar: 20 (25%)
Jafntefli: 18 (22%)
KR sigrar: 43 (53%)

Stærsti Fylkir - KR leikurinn?
Einn stærsti Fylkir - KR leikur sögunnar fór fram í Árbænum árið 2002. Þá mættust liðin í næst seinustu umferð í spennuþrungnum toppbaráttuslag. Fylkir sat á toppnum fyrir leik með KR einu stigi á eftir sér. Fylkissigur og titillinn endar í Árbænum. Fylkismenn tóku forystuna í upphafi síðari hálfleiks en KR-ingar jafna leikinn undir lokin. Í seinustu umferðinni tapa Fylkismenn gegn Skagamönnum og KR vinnur sinn leik og eru krýndir Íslandsmeistarar. Alls mættu 4833 á leikinn.

Mynd: Fótbolti.net - Hjalti Þór Hreinsson
Fyrir leik
Dómarateymið Jóhann Ingi sér um að dæma þennan leik fyrir okkur. Honum til aðstoðar verða þeir Egill Guðvarður Guðlaugsson og Antoníus Bjarki Halldórsson. Gylfi Þór Orrason er eftirlitsmaður KSÍ og Gunnar Oddur Hafliðason er varadómari.

Tölfræði Jóhanns í efstu deild:
Leikir: 72
Gul spjöld: 365
Rauð spjöld: 11
Dæmdar vítaspyrnur: 28

Mynd: Fótbolti.net - Hafliði Breiðfjörð

Fyrir leik
Fylkismenn urðu fyrir áfalli korter í mót Í þeim leikjum sem ég hef séð Fylki spila í sumar hafa þeir litið þokkalega vel út. Fylkismenn héldu sér auðvitað upp í fyrra í lokaumferðinni eftir sigur 5-1 sigur á Fram. Rúnar Páll virðist vera mjög vinsæll í Árbænum og það hefur verið skemmtilegt að fylgjast með þessu verkefni hans í Árbænum.

Mynd: Fótbolti.net - Hafliði Breiðfjörð

Fylkismenn fengu þó ömurlegar fréttir rétt fyrir mót þegar þeir fréttu að Ragnar Bragi Bragi væri rifbeinsbrotinn og missir af rétt rúmum mánuði af byrjun mótsins. Einnig mun Benedikt Daríus, einn þeirra besti framherji, ekki byrja mótið sökum meiðsla.

Mynd: Fótbolti.net - Hafliði Breiðfjörð


Fylkismenn hafa ekkert styrkt sig gífurlega mikið í vetur. Það hefur mikið verið rætt um gluggann hjá Fylki og hvort þeir ættu ekki að styrkja sig enn frekar. En það sem er kannski stærst af þessu öllu er að Orri Hrafn er mættur heim.

Komnir
Matthias Præst frá Danmörku
Orri Hrafn Kjartansson á láni frá Val
Guðmundur Tyrfingsson frá Selfossi
Halldór Jón Sigurður Þórðarson frá ÍBV
Arnar Númi Gíslason frá Breiðabliki (var á láni hjá Gróttu)
Hilmar Þór Kjærnested Helgason frá Breiðabliki
Hallur Húni Þorsteinsson frá Haukum (var á láni)

Farnir
Ólafur Karl Finsen hættur
Arnór Gauti Jónsson í Breiðablik
Pétur Bjarnason í Vestra
Elís Rafn Björnsson (spilar ekki í sumar)
Frosti Brynjólfsson í Hauka
Sveinn Gísli Þorkelsson í Víking R. (var á láni)
Fyrir leik
KR-ingarnir líta vel út KR byrja nýtt tímabil með nýjan stjóra og mjög skemmtilegt lið. Ungt í bland við reynslu. Gregg Ryder tók við liðinu í vetur og það verður mjög áhugavert að fylgjast með gangi mála hjá Vesturbæjarfélaginu. KR-ingarnir hafa átt fínasta vetur. Sjálfur sjá ég nokkra leiki með þeim og þeir hafa litið vel út. En líkt og hjá Þrótti R. og Þór A. hefur Gregg Ryder verið mikið gagnrýndur fyrir undirbúningstímabilið. Þá aðallega fyrir úrslitin í Reykjavíkurmótinu þegar þeir tefldu fram, viljandi, ólöglegum leikmanni.

Mynd: Fótbolti.net - Hafliði Breiðfjörð

KR hafa styrkt sig frábærlega í vetur fyrir átökin í sumar. Nokkrir risastórir prófílar eru mættir í Vesturbæinn og það verður gífurlega spennandi að fylgjast með gangi mála hjá þeim í KR í sumar.

Komnir
Alex Þór Hauksson frá Öster
Aron Sigurðarson frá Horsens
Axel Óskar Andrésson frá Örebro
Guy Smit frá Val (var á láni hjá ÍBV)
Hrafn Guðmundsson frá Aftureldingu
Sam Blair frá Norwich
Rúrik Gunnarsson frá Aftureldingu (var á láni)

Farnir
Kennie Chopart í Fram
Kristinn Jónsson í Breiðablik
Jakob Franz Pálsson til Vals (var á láni frá Venezia)
Sigurður Bjartur Hallsson í FH
Aron Snær Friðriksson til Njarðvíkur
Olav Öby til Noregs
Simen Kjellevold til Noregs
Pontus Lindgren til Svíþjóðar (var á láni hjá ÍA)
Fyrir leik
Hitað var rækilega upp fyrir fyrstu umferðina í útvarpsþættinum Fótbolti.net - Hægt að hlusta á þáttinn í öllum hlaðvarpsveitum
   06.04.2024 14:26
Útvarpsþátturinn - Besti upphitunarþátturinn
Elvar Geir Magnússon
Fyrir leik
Gleðilega Bestu deild! Biðin er á enda og við ætlum að fylgjast með gangi mála í Árbænum. Stórreykjavíkurslagur sem á sér skemmtilega sögu er framundan. Lærisveinar Gregg Ryder mæta í lautina og taka á móti Fylkismönnum.

Mitt hlutlausa mat er að þetta er áhugaverðasti og verður einnig skemmtilegasti leikur umferðarinnar!
Mynd: Fótbolti.net - Hafliði Breiðfjörð

Byrjunarlið:
12. Guy Smit (m)
3. Axel Óskar Andrésson
4. Jóhannes Kristinn Bjarnason
6. Alex Þór Hauksson
7. Finnur Tómas Pálmason
10. Kristján Flóki Finnbogason
11. Aron Sigurðarson ('26)
14. Ægir Jarl Jónasson
16. Theodór Elmar Bjarnason (f) ('88)
17. Luke Rae
18. Aron Kristófer Lárusson

Varamenn:
1. Sigurpáll Sören Ingólfsson (m)
13. Samuel Frederick Blair (m)
5. Birgir Steinn Styrmisson
23. Atli Sigurjónsson ('50)
29. Aron Þórður Albertsson ('88)
30. Rúrik Gunnarsson

Liðsstjórn:
Gregg Ryder (Þ)
Pálmi Rafn Pálmason
Sigurður Jón Ásbergsson
Hrafn Tómasson
Jamie Paul Brassington
Hrafn Guðmundsson
Guðjón Örn Ingólfsson

Gul spjöld:
Aron Kristófer Lárusson ('36)
Axel Óskar Andrésson ('59)
Aron Þórður Albertsson ('96)

Rauð spjöld: