Ætli það sé ekki bara þetta týpiska svar sem á samt mjög vel við þennan leik. Færanýting Þróttara var ekki nógu góð og varð þeim að falli í kvöld. Því mér fannst þeir frábæriri í kvöld og bara betri en HK ef eitthvað var.

Klárlega seinna markið hans George Nunn. Stórkostlegt mark seint í leiknum þar sem hann klínir boltanum í samskeytin og gulltryggir HK sigur.

HK verður í pottinum þegar dregið verður í 16-liða úrslit Mjólkurbikarsins líkt og í fyrra en þetta árið verður öll einbeiting Þróttara sett á deildina.

Það er kannski skrítið að nefna hérna markaskorara en ég verð að velja Viktor Andra Hafþórsson. Hann klúðraði nokkrum dauðafærum í kvöld sem hefðu getað komið Þrótti yfir en hann klikkaði. Hann auðvitað skoraði eitt mark en hann hefði getað verið hetja kvöldsins en George Nunn stal senunni.

Bara mjög svo vel dæmdur leikur hjá teyminu fannst mér. Það er alltaf góður sviti þegar maður hugsar lítið um dómarann eftir leiki. Ég set reyndar spurningarmerki við nokkra dóma út á miðjum velli. Stundum fannst mér hann flauta of mikið en það er eina ástæðan fyrir því að hann fær ekki 10 í kvöld.