Fylkir sigla inn 1-0 sigri og tryggja sig áfram í 16 liða úrslit.

Það var aðeins eitt mark skorað þegar Bestu deildarlið Fylkis komst áfram með 0-1 sigri á annarar deildarliði Hattar/Hugins á Fellavelli???? Ómar Björn Stefánsson skoraði sigurmarkið á 64. mínútu?? pic.twitter.com/2XZTdxij7I

— RÚV Íþróttir (@ruvithrottir) April 25, 2024

H/H reyna að ná inn jöfnunarmarki

Fær boltann í teignum rétt fyrir framan markið. XG sennilega í kringum 0.93

Fylkir nálægt því að tvöfalda forystuna. Halldór Jón fær skallafæri. Gárungarnir í stúkunni vilja meina að þetta hafi verið XG upp á 0.72

Markalaust þegar liðin ganga til hálfleiks. Spurning hvað þjálfararnir kokka upp í hálfleik.

Ágætis skalli hjá Fylkismönnum sem er varinn í horn. Léttur darraðadans teigum eftir hornið. Ennþá markalaust.

Markmaður Fylkis hendir sér í alvöru skógarhlaup og heimamenn fá skotfæri rétt fyrir utan teig með markið tómt. En Andre hittir boltann illa og setur hann framhjá.

Leikurinn er frekar rólegur. Fylkir mikið með boltann og H/H reyna að beita skyndisóknum.

Theadór Ingi dansar með boltann í teignum og á svo skot sem er varið í stöngina og boltinn rúllar eftir marklínunni áður en H/H koma honum í burtu.

Sveinn flautar þetta í gang! H/H eru svartklæddir og sækja í átt að Bókakaffi hlöðum á meðan appelsínugulir Fylkismenn sækja í átt að Fellaskóla.

Veðrið er ekkert sérstakt. Frekar kalt og smá úði. Norðaustan stinningskaldi. Upphitun virðist ganga vel hjá báðum liðum og dómarteymi.

Höttur/Huginn er búið að leika tvær umferðir í Mjólkurbikarnum núna í apríl. Liðið vann 0 - 5 sigur á Spyrni 5. apríl síðastliðinn í 1. umferðinni, á Fellavelli sem þá var útileikur. Í 2. umferðinni fengu þeir svo Völsung í heimsókn á Fellavelli 13. apríl. Þá unnu þeir 2 - 0 sigur, Rafael Llop Caballe skoraði fyrra markið og Valdimar Brimir Hilmarsson skoraði hið síðara. Fylkir kemur beint inn í 32 liða úrslitin og er því að spila sinn fyrsta leik í mótinu þetta sumarið.

Dómari leiksins í dag er Sveinn Arnarsson. Hann er með þá Eðvarð Eðvarðsson og Dragoljub Nikoletic sér til aðstoðar á línunum.

Góðan daginn og verið velkomin í beina textalýsingu frá 32 liða úrslitum Mjólkurbikars karla. Í dag mætast Höttur/Huginn og Fylkir í leik sem hefst klukkan 14:00 á Fellavelli.