SKÝRSLAN: Dýsæt lautarferð Garðbæinga
Hvað réði úrslitum?
Færanýting Fylkismanna var ekki nógu góð og þeir voru trekk í trekk að koma sér í stöður sem þeir nýttu sér ekki nægilega vel. Stjarnan fengu síðan þetta færi þegar boltinn dettur inn á teig Fylkismanna þegar að ca 92:20 voru á klukkunni.
Bestu leikmenn
1. Guðmundur Kristjánsson
Þetta var ég nánast búinn að ákveða þegar að það voru 20 mínútur eftir. Stjörnumenn geta þakkað honum fyrir hans framlag í kvöld því hann var allt í öllu í varnarleik Stjörnunnar og tapaði varla skallabaráttu. Fór fyrir allt og átti nánast fullkominn leik sem varnarmaður og fyrirliði.
2. Árni Snær
Finnst ógeðslega erfitt að velja einvhern hér en ég vel bara Árna Snæ því hann hélt hreinu og á þessa vörslu sem bókstaflega bjargar Stjörnunni í dag. Ekki séns að þeir myndu vinna leikinn miðað við hvernig hann var að spilast hann hefði ekki varið og Fylkir hefðu skorað.
Atvikið
Ég segi varsla Árna Snæs í marki Stjörnunnar. Varsla ársins segi ég. Guðmundur, sem kom inn í leikinn með krafti, fékk DAUÐAFÆRI eftir að Ómar senti á hann. Nánast einn á móti marki en Árni náði á einhvern ótrúlegan hátt að henda sér fyrir þetta og varði í horn. Það hefði verið athyglisvert ef þetta hefði farið inn en Fylkir voru búnir að ógna þessu. En það hefði líka verið skiljanlegt að velja sigurmark leiksins.
Hvað þýða úrslitin?
Fylkismenn sitja, ásamt HK og KA, á botninum með aðeins 1 stig á meðan Stjarnan jafnar Vestra, KR og ÍA að stigum með 6 stig.
Vondur dagur
Hann átti alls ekki slæma innkomu í kvöld en Guðmundur Tyrfingsson átti náttúrulega bara að skora þegar hann kemst í þetta dauðafæri einn á móti marki þegar Árni ver í markinu. Præst virkaði heldur ekki góður í dag fannst mér og síðan fær Sigurður Hjörtur líka shout.
Dómarinn - 5
Hart að gefa honum 5 eða er ég of góður? Ég bara veit það ekki. Mér bara fannst þetta ekki vel dæmdur leikur hjá Sigurði. Línan var óskýr og hann flautaði á margt sem ég skildi ekki alveg og sleppti mörgu sem ég skildi heldur ekki þannig hann fær bara 5 frá mér. Alls ekki vel dæmdir leikir hjá Sigurði undanfarið, óhætt að segja það.