Allegri orðaður við Man Utd - Modric að framlengja við Real Madrid
Víkingur R.
1
2
Þór/KA
Shaina Faiena Ashouri '5 1-0
1-1 Ísfold Marý Sigtryggsdóttir '16
1-2 Sandra María Jessen '29
09.05.2024  -  16:00
Víkingsvöllur
Besta-deild kvenna
Dómari: Reynir Ingi Finnsson
Maður leiksins: Sandra María Jessen
Byrjunarlið:
12. Birta Guðlaugsdóttir (m)
2. Gígja Valgerður Harðardóttir
4. Erna Guðrún Magnúsdóttir
5. Emma Steinsen Jónsdóttir
8. Birta Birgisdóttir
9. Freyja Stefánsdóttir
10. Selma Dögg Björgvinsdóttir (f)
17. Svanhildur Ylfa Dagbjartsdóttir
21. Shaina Faiena Ashouri
24. Sigdís Eva Bárðardóttir ('83)
26. Bergdís Sveinsdóttir ('83)

Varamenn:
11. Hafdís Bára Höskuldsdóttir ('83)
19. Tara Jónsdóttir
23. Hulda Ösp Ágústsdóttir ('83)
28. Rakel Sigurðardóttir
29. Halla Hrund Ólafsdóttir
34. Anika Jóna Jónsdóttir
35. Arna Ísold Stefánsdóttir

Liðsstjórn:
John Henry Andrews (Þ)
Kristófer Sigurgeirsson (Þ)
Lisbeth Borg
Dagbjört Ingvarsdóttir
Lára Hafliðadóttir
Ingólfur Orri Gústafsson

Gul spjöld:
Svanhildur Ylfa Dagbjartsdóttir ('23)
Erna Guðrún Magnúsdóttir ('87)

Rauð spjöld:
Leik lokið!
Sigur Þórs/KA staðreynd.

Viðtöl og skýrsla væntanleg.
94. mín
Víkingar fá horn.

Allra síðasti séns. Birta úr markinu mætt í teiginn.

Boltinn í markspyrnu.
92. mín
Víkingar fá horn.

Tíminn að renna frá þeim.
92. mín Gult spjald: Kimberley Dóra Hjálmarsdóttir (Þór/KA)
91. mín
Spyrna Shainu döpur og beint í fang Shelby
90. mín
Víkingar fá aukaspyrnu á góðum stað til fyrirgjafar er klukkan slær 90

Uppbótartími að lágmarki 4 mínútur.
88. mín
Inn:Bríet Fjóla Bjarnadóttir (Þór/KA) Út:Karen María Sigurgeirsdóttir (Þór/KA)
87. mín Gult spjald: Erna Guðrún Magnúsdóttir (Víkingur R.)
Fyrir brot á miðjum vellinum.
84. mín Gult spjald: Bryndís Eiríksdóttir (Þór/KA)
83. mín
Inn:Hulda Ösp Ágústsdóttir (Víkingur R.) Út:Sigdís Eva Bárðardóttir (Víkingur R.)
83. mín
Inn:Hafdís Bára Höskuldsdóttir (Víkingur R.) Út:Bergdís Sveinsdóttir (Víkingur R.)
78. mín
Sigdís Eva með skalla
Reynir að stýra boltanum í hornið nær eftir fyrirgjöf frá hægri.

Ekki langt frá því en boltinn hárfínt yfir.
77. mín
Víkingar sækja Shania í þetta sinn me skot úr teignum en boltinn beint á Shelby í markinu.
75. mín
Sigdís með fyrirgjöf, boltinn af varnarmanni og afturfyrir,
68. mín
Sláin!
Bergdís spænir sig í gegnum alla vörn Þórs/KA og er allt í einu ein gegn Shelby. Nær ágætu skoti en boltinn örlítið of hár og smellur í slánni og út.

Gestirnir heppnir.
66. mín
Sigdís Eva með skot úr teignum en talsvert yfir markið.
64. mín
Inn:Bryndís Eiríksdóttir (Þór/KA) Út:Hulda Ósk Jónsdóttir (Þór/KA)
64. mín
Inn:Steingerður Snorradóttir (Þór/KA) Út:Una Móeiður Hlynsdóttir (Þór/KA)
63. mín Gult spjald: Una Móeiður Hlynsdóttir (Þór/KA)
62. mín
Freyja Stefánsdóttir í hörkufæri Shaina þræðir hana í gegn inn á miðjann teiginn, Freyja i hörkufæri en kannski aðeins of lengi að athafna sig og varnarmenn komast fyrir skot hennar sem endar í hornspyrnu.
60. mín
Álitleg sókn Akureyringa. Hulda Ósk með boltann í teignum, leggur hann fyrir markið en þar vantar bara samherja að ráðast á boltann. Víkingar hreinsa.
59. mín
Bergdís með áhugaverða skallatilraun eftir góða fyrirgjöf frá Emmu Steinsen. Reynir hálfgerðan flugskalla í teignum en boltinn víðsfjarri markinu.
57. mín
Gestirnir sækja hornspyrnu.

Hornið tekið yfir á fjærstöng frá hægri, Birta missir af boltanum en gestirnir ná ekki að færa það sér í nyt. Markspyrna niðurstaðan.
54. mín
Karen María í skotfæri í D-boganum. Setur boltann beint á Birtu í markinu,
49. mín
Sigdís Eva með hörkuskot frá vinstra vítateigshorni. Nær ekki nægjanlegum snúningi á boltann sem svífur framhjá stönginni fjær.
47. mín

Selma fer vel með boltann við endamörk vinstra megin en fyrirgjöf hennar of nærri Shelby í marki Þórs/KA
46. mín
Síðari hálfleikur hafinn
Bæði lið óbreytt frá lokum þess fyrri.

Heimakonur sparka okkur af stað á ný.
45. mín
Hálfleikur
Fjörugum og skemmtilegum fyrri hálfleik lokið hér í Víkinni.

Meira af því sama í síðari hálfleik.

Komum aftur að vörmu spori.
45. mín
+2 Iðunn Rán í frábæru skallafæri eftir hornspyrnu en varnarmenn komast fyrir og annað horn niðurstaðan.
45. mín
Uppbótartími fyrri hálfleiks er að minnsta kosti fjórar mínútur.
42. mín
Svanhildur Ylfa með skot að marki eftir nokkuð þunga sókn Víkings. Boltinn yfir markið.
39. mín
Algjört kasos í teig Víkinga. Boltinn eins og heit kartafla og enginn sem virðist ná honum almennilega. Sýnist hann fara í hendina á varnarmanni sem liggur í teignum, Veik köll um víti sem yrði rosalega hart að dæma en Víkingar hreinsa á endanum frá.
36. mín
Inn:Bríet Jóhannsdóttir (Þór/KA) Út:Hildur Anna Birgisdóttir (Þór/KA)

Hildur meiddist eitthvað við brot Svanhildar áðan, reyndi að halda leik áfram en víkur hér af velli.
34. mín
Smá ping-pong í teig Þórs/KA, boltinn skoppar á milli kvenna og engin nær valdi á honum. Boltinn á endanum í fang Shelby.
31. mín
Sigdís með lúmskann bolta fyrir markið sem Shelby slær frá í hornspyrnu.
29. mín MARK!
Sandra María Jessen (Þór/KA)
Það er ekkert annað
Hröð sókn Þórs/KA upp hægri vænginn. Boltinn fær að skoppa við teiginn þar sem Sandra María tekur hann á lofti og lyftir boltanum glæsilega yfir Birtu í marki Víkinga í netið.

Frábært mark og gríðarlega vel gert hjá Söndru en varnarleikur Víkinga að sama skapi ekki til útflutnings.
28. mín
Víkingar í dauðafæri
Sigdís með frábæran sprett upp vinstri vænginn, ber boltann upp að endalínu þar sem hún setur boltann fyrir markið sen Shaina millimetrum frá því að ná nægri snertingu á boltann til að setja hann í netið aftur.
27. mín
Fleiri myndir frá Hafliða
Mynd: Fótbolti.net - Hafliði Breiðfjörð


Mynd: Fótbolti.net - Hafliði Breiðfjörð


Mynd: Fótbolti.net - Hafliði Breiðfjörð

23. mín Gult spjald: Svanhildur Ylfa Dagbjartsdóttir (Víkingur R.)

Brýtur af sér við hliðarlínu á miðjum vallarhelmingi Víkings og uppsker gult.
22. mín
Aftur ógna Víkingar
Emma Steinsen með frábæra fyrirgjöf frá hægri sem ratar á kollinn á Shainu í markteignum sem sneiðir boltann rétt framhjá stönginni fjær.

Það eru færi í þessu.
20. mín
Víkingar ógna
Selma sleppur innfyrir vörn Þór/KA, getur tekið skotið sjálf en reynir frekar að finna Sigdísi í hlaupinu inn á teignum. Boltinn af varnarmanni og rétt framhjá stönginni í horn.

Skalli frá að mér sýnist Ernu að marki eftir hornið en yfir markið fer boltinn.
16. mín MARK!
Ísfold Marý Sigtryggsdóttir (Þór/KA)
Stoðsending: Sandra María Jessen
Gestirnir jafna
Fyrsta deildarmark Þórs/KA þetta sumarið sem Sandra María skorar ekki. Á stoðsendinguna þó.

Kemst með boltann upp að endamörkum vinstra megin og leggur hann út í teiginn aftur. Birta reynir að kasta sér á boltann en missir af honum. Boltinn fyrir fætur Ísfold sem að bregst ekki bogalistinn og setur boltann í netið frá markteigshorni hægra megin.
15. mín
Hafliði Breiðfjörð er vopnaður myndavél að vanda
Mynd: Fótbolti.net - Hafliði Breiðfjörð



Mynd: Fótbolti.net - Hafliði Breiðfjörð


Mynd: Fótbolti.net - Hafliði Breiðfjörð

14. mín
Aftur reynir Hulda Ósk skot, leikur inn völlinn frá vinstri og setur boltann á markið úr D-boganum en skotið laust og beint í fang Birtu.
12. mín
Gestirnir í dauðafæri!
Hulda Ósk stígur Gígju einfaldlega út og sleppur ein gegn Birtu í markinu. Hulda leikur í átt að marki og lætur skotið ríða af við vítateigslínu en Birta ver glæsilega í markinu og Víkingar koma boltanum frá.
10. mín
Fátt markvert gerst eftir markið. Jafnræði með liðunum á vellinum og baráttan hörð.
5. mín MARK!
Shaina Faiena Ashouri (Víkingur R.)
Stoðsending: Sigdís Eva Bárðardóttir
Ofboðslega einfalt en árángursríkt
Freyja Stefánsdóttir fær boltann miðlínuna úti til hægri og leikur upp völlinn. Setur boltann út til vinstri á Sigdísi sem hefur stórt svæði til að sækja í í teignum. Hún fær varnarmann í sig, stendur af sér tæklingu og rennir boltanum fyrir markið í hlaupaleið Shainu sem skorar næsta auðveldlega af stuttu færi.
1. mín
Leikur hafinn
Gestirnir úr Þór/KA sparka okkur af stað hér í Víkinni
Fyrir leik
Dómarar
Reynir Ingi Finnsson er dómari leiksins í Víkinni í dag. Honum til aðstoðar eru Rögnvaldur Þ Höskuldsson og Sigurður Schram. Fjórði dómari er Bergrós Lilja Unudóttir og eftirlitsmaður KSÍ Ólafur Ingi Guðmundsson.
Fyrir leik
Víkingur
Eftir sigur í fyrstu umferð gegn Stjörnunni í fyrstu umferð og jafntefli gegn Fylki í þeirri annari var nýliðum Víkings kippt niður á jörðina gegn Val í þeirri þriðju. 7-2 tap niðurstaðan þar en nýliðarnir sitja í sjötta sæti deildarinnar fyrir þennan leik.

Sigurborg Katla Sveinbjörnsdóttir þurfti að yfirgefa völlinn vegna meiðsla gegn Val og hefur fréttaritari ekki heyrt tíðindi um hvort hún sé klár í þennan leik eða ekki. Mist Elíasdóttir var ekki í leikmannahópi Víkinga gegn Val en mun líklega standa á milli stanganna geti Katla ekki leikið í dag.

   02.05.2024 20:59
Slæmur dagur Víkings - „Vilt þú fara í markið?"


Mynd: Fótbolti.net - Hafliði Breiðfjörð

Fyrir leik
Þór/KA Gestirnir frá Akureyri hafa rétt úr kútnum eftir 3-1 tap gegn liði Vals í fyrstu umferð. Tveir sigrar gegn Þrótti og FH hafa fylgt í kjölfarið og situr liðið í þriðja sæti deildarinnar.

Sandra María Jessen hefur verið öðrum fremri í liði Þórs/KA í upphafi móts og til marks um það hefur hún gert sjö mörk í fyrstu þremur umferðum mótsins. Það gerir 100% af mörkum Þórs/KA til þessa í mótinu en markatala liðsins er 7-4.
   02.05.2024 21:15
Sandra María óstöðvandi - „Þetta er galin tölfræði"


Mynd: Fótbolti.net - Hafliði Breiðfjörð

Fyrir leik
Heimavöllur Hamingjunar heilsar
Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Víkings og Þór/KA í fjórðu umferð Bestu deildar kvenna. Flautað verður til leiks á Víkingsvelli klukkan 16:00

Mynd: Fótbolti.net - Hafliði Breiðfjörð

Byrjunarlið:
12. Shelby Money (m)
6. Hildur Anna Birgisdóttir ('36)
8. Kimberley Dóra Hjálmarsdóttir
9. Karen María Sigurgeirsdóttir ('88)
10. Sandra María Jessen (f)
11. Una Móeiður Hlynsdóttir ('64)
14. Margrét Árnadóttir
22. Hulda Ósk Jónsdóttir ('64)
23. Iðunn Rán Gunnarsdóttir
24. Hulda Björg Hannesdóttir
26. Ísfold Marý Sigtryggsdóttir

Varamenn:
1. Harpa Jóhannsdóttir (m)
5. Steingerður Snorradóttir ('64)
13. Sonja Björg Sigurðardóttir
17. Emelía Ósk Kruger
18. Bríet Jóhannsdóttir ('36)
20. Bryndís Eiríksdóttir ('64)
21. Bríet Fjóla Bjarnadóttir ('88)

Liðsstjórn:
Jóhann Kristinn Gunnarsson (Þ)
Haraldur Ingólfsson
Pétur Heiðar Kristjánsson
Guðrún Marín Viðarsdóttir
Jóhann Hilmar Hreiðarsson

Gul spjöld:
Una Móeiður Hlynsdóttir ('63)
Bryndís Eiríksdóttir ('84)
Kimberley Dóra Hjálmarsdóttir ('92)

Rauð spjöld: