Valsarar voru almennt sterkari aðilinn í þessum leik. Þrátt fyrir sterka kafla hjá gestunum þá voru gæðin í liði Vals einfaldlega meiri. Sterkur varnarleikur Vals var einnig mikilvægur seinni partinn af leiknum þar sem KA menn reyndu að banka en Valsarar svöruðu ekki.

Víta varslan hjá Stubb. Gylfi Þór Sigurðsson væri líkast til valinn af öllum liðum landsins til að taka vítin hjá sér, en þegar hann mætti Steinþóri Má Auðunssyni mætti hann ofjarli sínum.

Valsarar komnir með 11 stig og komnir í 3. sæti deildarinnar. Einu stigi á eftir FH og Víking sem mætast á morgun. KA er enn án sigurs og er með 2 stig í 11. sæti deildarinnar.

Varnarleikur KA manna í mörkunum tveim sem Patrick skorar er mjög svo 'reactionary'. Það sem ég meina með því er að þeir voru full mikið á hælunum og of seinir að búast við þeim færslum sem Valsarar gerðu. Spurning hvar sökin liggur þar en Hallgrímur Jónasson er náttúrulega gamall hafsent þannig hann hlýtur að geta drillað vörnina aðeins betur en þeir hafa verið að sýna upp á síðkastið.

Teymið átti bara ágætan leik. Mér fannst kannski full mikið blásið í flautuna en spjöldin fengu að vera í vasanum sem mest. Það er allavega framför frá 15 spjalda leiknum sem Helgi dæmdi fyrr á tímabilinu.