Sölvi Haraldsson @Breiiiiiiiiiii

- Meðalaldur 27 ár

- Meðalaldur 19 ár

Textalýsing Skýrslan Viðtöl

Hvað réði úrslitum? Fyrri hálfleikurinn var mjög lokaður og lítið um færi. Bæði lið fengu sitthhvort færið en Skagamenn nýttu sitt færi en ekki Vestramenn. 1-0 í hálfleik og Vestramenn byrjuðu seinni hálfleikinn mun betur. Síðan tóku Skagamenn nokkra mínútna kafla þar sem þeir tóku völdin og skoruðu annað mark þar sem William Eskelinen gerði sig sekan um ömurleg mistök. Einnig á William í markinu stóran þátt í þriðja markinu sem gerði út um leikinn. Heilt yfir mjög sanngjarn sigur. Skagamenn fengu færin í dag og voru heilt yfir miklu betri. Bestu leikmenn 1. Guðfinnur Þór Leósson, ÍA Það var mikið búið að tala um hver ætti að taka við keflinu á miðsvæðinu eftir öll skakkaföllin hjá Skagaliðinu. Guðfinnur átti nánast fullkominn leik í dag. Steig varla feilspor og skoraði síðan þriðja markið sem var rjóminn ofan á kökuna. Fékk líka heiðurskiptungu í lokin og allir Skagamenn risu á fætur og klöppuðu. Alls ekki amalegt. 2. Johannes Vall, ÍA Ekki í fyrsta sinn sem Johannes er fyrir valinu hjá mér í þessu. Frábær fyrir Skagaliðið í dag. Skorar þetta svakalega mark og heldur hreinu. Geggjaður og bara eins og með Guðfinn, steig varla feilspor í dag. Atvikið Það verður að vera annað mark Skagamanna í dag frekar en það þriðja. Aukaspyrna af löngu færi frá Johannes Vall. Hann tekur skotið í markmannshornið og inn fer boltinn. Svona mark á eiginlega ekki að sjást í efstu deild.

Hvað þýða úrslitin? Skagamenn taka þrjú stig í dag og eru þá komin með 9 stig á töfluna en Vestramenn tapa sínum öðrum leik í röð. Vondur dagur Án efa William Eskelinen. Gerir sig sekan um tvö risamistök í mörkum tvö og þrjú í dag. Davíð Smári lét hann heyra það hressilega eftir annað markið. Alls ekki hans dagur og bara hreinlega heppinn að hafa ekki gefið Skagamönnum fleiri mörk í dag. Dómarinn - 10 Frábær leikur hjá dómararteymin í dag fannst mér. Ekki neitt hægt að setja út á þá og bara heilt yfir frábærlega dæmdur leikur.

- Meðalaldur 32 ár

- Meðalaldur 32 ár