ELías flautar af. Stórglæsilegur sigur hjá HK!

Viðtöl og skýrsla á leiðinni.

George Nunn labbar framhjá öllum KR-ingum og leggur hann fyrir Hákon sem er einn gegn auðu marki en skýtur framhjá!

KR-ingar eru bara besta lið á landinu tveimur færri!

Atli með magnaða fyrirgjöf á Benóný sem á slakan skalla sem Arnar ver. Verður að gera betur þarna.

Fimm minutum bætt við.

Elmar hérna með frábært skot, undarlegt svif á boltanum og Arnar þarf að hafa sig allan við að blaka þessu yfir markið!

Atli Arnarson er hér aftur að láta Sigurpál vinna fyrir kaupinu sínu. Í þetta sinn ver hann gott skot hans í horn.

Eyþór Aron í færi sem á ekki að vera hægt að klúðra! Einn á mót Arnari Frey sem ver þetta! Stórkostleg varsla.

Atli Arnarson með skot sem er nokkuð gott en Sigurpál ver mjög vel.

Benóný leggur boltann fyrir Atla sem skýtur laflaust beint á Arnar.

Atli leggur hann fyrir Benóný sem er einn á auðum sjó við markteig en skýtur yfir. Flaggið fór þó á loft.

Ægir Jarl með gott skot sem fer rétt yfir. KR mikið betri hér í seinni hálfleik.

Benóný Breki með skot sem fer hátt yfir. KR líflegri.

Atli með fyrirgjöf og Arnar í miklu brasi en HK koma boltanum í burtu.

Arnar kýlir boltann í burtu

KR fær horn

Elías flautar til hálfleiks. Áhugaverðar 45 mínutur að baki og enn áhugaverðari 45 mínútur framundan.

Ægir Jarl nálægt því að skora mark tímabilsins!

Moutaz keyrir inn á teiginn og skýtur í varnarmann. Boltinn fer upp í loft og Ægir Jarl tekur eitthvað karate flick á boltann og því miður fyrir KR-inga fór boltinn í slánna!

Rúrik sendir boltann á Atla sem skýtur í fyrsta himinhátt yfir.

Atli Sigurjóns snýr boltann í átt að marki en Arnar slær í annað horn en sú spyrnar er arfaslök.

Horn fyrir KR.

Sigurpáll hérna í vandræðum í útsparki, George Nunn reynir í kjölfarið að lyfta honum yfir Sigurpál af mjög löngu færi en rétt yfir!

KR fær fyrsta horn leiksins en ekkert verður úr því.

Arnar Freyr tekur hér heilar 27 sekúndur í að taka markspyrnu. KR-ingum til mikillar gremju sér í lagi í ljósi atviksins fyrir norðan í seinasta leik þegar Guy Smit var rekinn af velli fyrir tafir.

KR komnir í flotta stöðu framarlega á vellinum, Benóný með Eyþór og Flóka með sér, sendir á Flóka og fær hann strax aftur og lætur vaða í fyrsta í álitlegri stöðu en Arnar ver skotið sem var of laust.

Boltinn fastur í teignum hjá HK sem ná ekki að hreinsa. Atli á skot sem fer í varnarmann og að lokum dæmt brot á KR-inga.

Atli Hrafn fellur niður innan teigs og heimtar víti en Elías er ekki á þeim buxunum og ég er sammála Elíasi, aldrei víti.

Frábærlega gert hjá Eyþóri Wöhler úti vinstra meginn! Nær skoti á markið sem Arnar ver vel. KR betri þessa stundina.

Fín sókn hjá KR og Atli með fína sendingu í gegn á Flóka sem nær ekki til boltans

Rólegt fyrstu mínuturnar og við bíðum enn eftir fyrsta skoti leiksins.

Finnur Tómas fer í harkalega tæklingu á Atla Þór en sleppur við spjald

HK byrjar með boltann og sækir í átt að höllinni.

Liðin eru að rölta inn á völlinn og það styttist í upphafsflautið.

Gregg Ryder, þjálfari KR, gerir fjórar breytingar á liði sínu frá því á móti KA. Inn í byrjunarliðið koma þeir Sigurpáll Sören Ingólfsson, Eyþór Aron Wöhler, Kristján Flóki Finnbogason og Moutaz Neffati. Út úr byrjunarliðinu fara Guy Smit, Aron Þórður Albertsson, Luke Rae og Aron Kristófer Lárusson. Þeir Theodór Elmar Bjarnason og Aron Sigurðarson eru á bekknum, mættir aftur eftir meiðsli.

Ómar Ingi Guðmundsson, þjálfari HK, gerir enga breytingar á liði sínu frá sigrinum gegn Víkingi, enda enginn ástæða til.

Í útvarpsþættinum Fótbolti.net á X977 í gær var hitað upp fyrir leikina í Bestu deildinni og einnig rætt um Óskar Hrafn Þorvaldsson sem skyndilega er hættur hjá Haugesund.

   12.05.2024 14:30

„Draumaprins KR á ballinu er allt í einu laus“

Finnur Freyr Stefánsson, þjálfari Vals í Subway deild karla, spáði í spilin fyrir umferðina. Hingað til hefur hann haft rétt fyrir sér í öllum leikjunum sem farið hafa fram í umferðinni. Spurning hvort hann verði sannspár sem fyrr. Finnur stendur í ströngu en framundan er oddaleikur í seríu Vals gegn Njarðvík í undanúrslitum deildarinnar. Finnur Freyr er auðvitað mikill KR-ingur og vann á sínum tíma fimm titla í röð sem þjálfari KR.

KR 3-1 HK
Það er andi í 107. Tekur tíma að spila liðið saman en það smellur í þessum leik. Atli Sigurjons setur eitt af dýrari gerðinni og Finnur Tómas skorar loksins. Hápunkturinn verður þó í hálfleik þar sem 17. undirskriftin um uppbyggingu á KR svæðinu verður framkvæmd. Spurning hvort verður á undan, alvöru aðstaða í 107 eða þjóðarhöllin.

Mikil og góð orka er í kringum KR sem eru að fara í gegnum ákveðinn kaflaskipti, tímabilið byrjaði á jákvæðan hátt eftir að hafa unnið tvo sterka sigra á Fylki og Stjörnunni. Liðið hefur þó nú ekki unnið í seinustu þremur deildarleikjum og ekki þarf mikið til svo að þessi jákvæða orka fjari út ef liðið fer ekki að vinna leiki. Tvímælalaust setja fréttir vikunnar frá Noregi um uppsögn Óskars Hrafns aukna pressu á herðar Gregg Ryder, draumamaður KR-inga er laus og spurning er hvort að þolinmæðin fyrir uppbyggingu Greggs á liðinu verði minni í kjölfarið. Guy Smit hefur fengið mikla gagnrýni fyrir frammistöður sínar í rammanum hjá KR, hann er þó í banni í dag, spurning er hvort að Sigurpáll Sören Ingólfsson eða Sam Blair fá tækifæri í markinu í dag í fjarveru Smit, Sigurpáll virðist vera framar í goggunaröðinni eins og staðan er núna.

HK-ingar sem flestir spá falli úr deildinni eru með fjögur stig í deildinni eftir að hafa unnið gjörsamlega stórkostlegan sigur gegn Íslands og bikarmeisturum Víkings í seinustu umferð. Sigurinn er einn sá óvæntasti í sögu efstu deildar og klárt mál að HK munu reyna sitt allra besta að reyna byggja ofan á þann leik og reyna koma með sömu orku inn í þennan leik. Magnús Arnar Pétursson, ungi maðurinn, átti frábæran leik í seinasta leik og lét Pablo Punyed líta illa ú trekk í trekk.

Komiði sæl og verið velkominn í beina textalýsingu frá leik KR og HK í sjöttu umferð Bestu deildar Karla.