Allt að verða klárt Liðin eru að rölta inn á völlinn og það styttist í upphafsflautið.

Liðin kynnt Gregg Ryder, þjálfari KR, gerir fjórar breytingar á liði sínu frá því á móti KA. Inn í byrjunarliðið koma þeir Sigurpáll Sören Ingólfsson, Eyþór Aron Wöhler, Kristján Flóki Finnbogason og Moutaz Neffati. Út úr byrjunarliðinu fara Guy Smit, Aron Þórður Albertsson, Luke Rae og Aron Kristófer Lárusson. Þeir Theodór Elmar Bjarnason og Aron Sigurðarson eru á bekknum, mættir aftur eftir meiðsli.

Ómar Ingi Guðmundsson, þjálfari HK, gerir enga breytingar á liði sínu frá sigrinum gegn Víkingi, enda enginn ástæða til.

KR til umræðu á X977 Í útvarpsþættinum Fótbolti.net á X977 í gær var hitað upp fyrir leikina í Bestu deildinni og einnig rætt um Óskar Hrafn Þorvaldsson sem skyndilega er hættur hjá Haugesund.

   12.05.2024 14:30

„Draumaprins KR á ballinu er allt í einu laus“

Finnur sem allt vinnur spáir í spilin. Finnur Freyr Stefánsson, þjálfari Vals í Subway deild karla, spáði í spilin fyrir umferðina. Hingað til hefur hann haft rétt fyrir sér í öllum leikjunum sem farið hafa fram í umferðinni. Spurning hvort hann verði sannspár sem fyrr. Finnur stendur í ströngu en framundan er oddaleikur í seríu Vals gegn Njarðvík í undanúrslitum deildarinnar. Finnur Freyr er auðvitað mikill KR-ingur og vann á sínum tíma fimm titla í röð sem þjálfari KR.

KR 3-1 HK
Það er andi í 107. Tekur tíma að spila liðið saman en það smellur í þessum leik. Atli Sigurjons setur eitt af dýrari gerðinni og Finnur Tómas skorar loksins. Hápunkturinn verður þó í hálfleik þar sem 17. undirskriftin um uppbyggingu á KR svæðinu verður framkvæmd. Spurning hvort verður á undan, alvöru aðstaða í 107 eða þjóðarhöllin.

Vonbrigðatímabil framundan? Mikil og góð orka er í kringum KR sem eru að fara í gegnum ákveðinn kaflaskipti, tímabilið byrjaði á jákvæðan hátt eftir að hafa unnið tvo sterka sigra á Fylki og Stjörnunni. Liðið hefur þó nú ekki unnið í seinustu þremur deildarleikjum og ekki þarf mikið til svo að þessi jákvæða orka fjari út ef liðið fer ekki að vinna leiki. Tvímælalaust setja fréttir vikunnar frá Noregi um uppsögn Óskars Hrafns aukna pressu á herðar Gregg Ryder, draumamaður KR-inga er laus og spurning er hvort að þolinmæðin fyrir uppbyggingu Greggs á liðinu verði minni í kjölfarið. Guy Smit hefur fengið mikla gagnrýni fyrir frammistöður sínar í rammanum hjá KR, hann er þó í banni í dag, spurning er hvort að Sigurpáll Sören Ingólfsson eða Sam Blair fá tækifæri í markinu í dag í fjarveru Smit, Sigurpáll virðist vera framar í goggunaröðinni eins og staðan er núna.

Ná HK að koma aftur á óvart? HK-ingar sem flestir spá falli úr deildinni eru með fjögur stig í deildinni eftir að hafa unnið gjörsamlega stórkostlegan sigur gegn Íslands og bikarmeisturum Víkings í seinustu umferð. Sigurinn er einn sá óvæntasti í sögu efstu deildar og klárt mál að HK munu reyna sitt allra besta að reyna byggja ofan á þann leik og reyna koma með sömu orku inn í þennan leik. Magnús Arnar Pétursson, ungi maðurinn, átti frábæran leik í seinasta leik og lét Pablo Punyed líta illa ú trekk í trekk.

Velkominn í Frostaskjólið! Komiði sæl og verið velkominn í beina textalýsingu frá leik KR og HK í sjöttu umferð Bestu deildar Karla.