Haraldur Örn Haraldsson @haraldur_orn

Textalýsing Skýrslan Viðtöl

Hvað réði úrslitum? Leikurinn var mjög lokaður í fyrri hálfleik og Fylkismenn líklegri þegar þeir sóttu hratt. Blikar skora svo úr mjög einfaldri sókn rétt áður en dómarinn flautar til hálfleiks og seinni hálfleikurinn opnaðist þá aðeins. Breiðblik var þá bara með gæðin til þess að loka þessum leik með tveim góðum mörkum til viðbótar. Bestu leikmenn 1. Jason Daði Svanþórsson (Breiðablik) Jason var virkilega góður sérstaklega í seinni hálfleik á kantinum. Það virtist skapa hætta í hvert skipti sem hann komst í boltann, svo kom hann að báðum mörkunum í seinni hálfleik. 2. Höskuldur Gunnlaugsson (Breiðablik) Höskuldur stóð varnarvinnuna vel í dag. Í sóknarhlutverkinu þá var hann mikið að færa sig inn á miðjuna sem skapaði pláss fyrir aðra. Heilt yfir góður leikur hjá honum. Atvikið Fyrsta markið kemur í uppbótartíma fyrri hálfleiks. Það var svakalega einföld sókn þar sem Damir setur bara langan bolta fram og Aron er fljótastur á boltann og klárar í fjær. Þetta var vendipunktur leiksins þar sem Blikar voru ekki búnir að vera neitt spes fyrir það.

Hvað þýða úrslitin? Breiðablik eru komnir með 12 stig og eru jafnir FH í 2. sæti deildarinnar. Fylkir er ennþá bara með 1 stig og eru neðstir. Vondur dagur Markaskorun hjá Fylki er svakalegt vandamál. Þeir komust oft í mjög góðar stöður í leiknum og sóknarmenn liðsins stóðu sig vel í að búa til þær. En þegar kom að því að koma boltanum í netið þá bara gengur það aldrei. Mikill hausverkur fyrir Rúnar og liðið að laga þetta. Dómarinn - 8 Flottur leikur, leyfði leiknum að fljóta ágætlega. Var ekkert að spjalda fyrir litlar sakir.