SKÝRSLAN: Markaskorunin farin að dreifast
Hvað réði úrslitum?
Þór/KA einfaldlega of sterkar fyrir Keflvíkinga. Gestirnir komu sér í góðar stöður en fyrirgjafir liðsins voru slakar og þær náðu varla að ógna Shelby Money í marki Þór/KA.
Bestu leikmenn
1. Karen María Sigurgeirsdóttir
Frábær leikur hjá henni í kvöld. Leggur upp annað markið, var nálægt þvi að skora þriðja markið og fullkomnar leik sinn með því að skora þriðja markið.
2. Margrét Árnadóttir
Átti góðan leik í kvöld og átti markið skilið.
Atvikið
Þriðja og fjórða mark Þór/KA. Sjá 'Vondur dagur'.
Hvað þýða úrslitin?
Þór/KA er áfram í 3. sæti með 12 stig eftir fimm leiki, jafn mörg stig og Breiðablik en Valskonur eru með fullt hús stiga á toppnum. Keflavík bíður hins vegar ennþá eftir sínum fyrstu stigum og er eina liðið sem er án stiga.
Vondur dagur
Regina Solhaug Fiabema átti ansi erfitt uppdráttar en hún á stóran þátt í tveimur síðustu mörkum Þór/KA. Á slakan skalla beint á Karen Maríu sem á síðan skot í stöng og Margrét Árnadóttir fylgir vel á eftir. Í fjórða markinu sendir hún nánast beint á Karen sem skoraði.
Dómarinn - 7
Rólegur dagur á skrifstofunni. Vel dæmdur leikur hjá Sigurði, leyfði þessu að fljóta vel sem sést á því að fyrsta og eina spjald leiksins kom á 80. mínútu.